𝐒𝐩𝐨𝐫𝐭𝐢𝐧𝐠 𝐂𝐏 မှာ သူ့ရဲ့ စွမ်းရည်တွေကြောင့် လူသိများလာပြီး အဲဒီအချိန်မှာပဲ အသက် ၁၇ နှစ်အရွယ် တိုက်စစ်အလယ်တန်းကစားသမားတစ်ဦးဖြစ်လာပြီး ၁၉၉၁ ခုနှစ်မှာ 𝐒𝐩𝐨𝐫𝐭𝐢𝐧𝐠 𝐂𝐏 ရဲ့ ပထမ အသင်းကြီးမှာ စတင်ကစားခွင့် ရရှိခဲ့ပါတယ် ။ အဲဒီအချိန် မှာ လူးဝစ်ဖီဂို ဥပရော ရဲ့ လူငယ် ကြယ်ပွင့် အဖြစ် တစ်စ တစ်စ နဲ့ နာမည် ရလာပြီး ၁၉၉၅ ခုနှစ် မှာ ဘာစီလိုနာ အသင်းကို စံချိန်တင် ပြောင်းရွေ့ကြေး ယူရို ၂.၂သန်း နဲ့ အတူ ရောက်ရှိသွားခဲ့ပါတယ် ။ ဖီဂို ဘာစီလိုနာ အသင်းမှာ ပိုပြီး အောင်မြင် မှု တွေ ရရှိလာခဲ့ပြီး အသင်းနဲ့ အတူ ၁၉၉၆-၉၇ ခုနှစ်မှာ 𝐔𝐄𝐅𝐀 𝐂𝐮𝐩 𝐖𝐢𝐧𝐧𝐞𝐫𝐬' 𝐂𝐮𝐩 နဲ့ 𝐂𝐨𝐩𝐚 𝐝𝐞𝐥 𝐑𝐞𝐲 ဆုတွေကို အသင်းနဲ့အတူ ရရှိခဲ့ပါတယ် ။ ဘာစီလိုနာ အသင်းမှာ ၁၉၉၈ ၊ ၁၉၉၉ လာလီဂါ ချန်ပီယံဆု ကို နှစ်နှစ်ဆက်တိုက် ရရှိခဲ့ပြီး ကတ်တလန်သားတွေရဲ့ အချစ်တော် ဖြစ်ခဲ့ပါတယ် ။ ဖီဂိုရဲ့ ကစားသမား ဘဝ တစ်ခုတည်းသော ဘောလွန်းဒီအော ဆုကို ၂၀၀၀ ခုနှစ် မှာ ရရှိခဲ့ပါတယ် ။

အဲဒီနောက်မှတော့ အားလုံး အံသြသင့်စေတဲ့ အဖြစ်ပျက် တစ်ခု ဖြစ်သွားခဲ့ပါတယ် ။ ဖီဂိုအတွက် ၂၀၀၀ ခုနှစ်ဟာ အပြောင်းအလဲ အများကြီး နဲ့ အမှတ်ရဆုံး နှစ်တစ်နှစ် တစ်ခု ဖြစ်ပါတယ် ။ ဘာစီလိုနာ အသင်း ရဲ့ အဓိက ပြိုင်ဘက် ရီးရဲလ် အသင်း ရဲ့ 𝐆𝐚𝐥á𝐜𝐭𝐢𝐜𝐨𝐬 𝐏𝐫𝐨𝐣𝐞𝐜𝐭 ကြယ်စင်စုစီမံကိန်း စတင်နေတဲ့ အချိန် ဖြစ်ပါတယ် ။ ၂၀၀၀ ခုနှစ်မှာ တော့ ရီးရဲလ်အသင်း ဟာ ဘာစီလိုနာ အသင်းရဲ့ အဓိကကြယ်ပွင့် လူးဝစ်ဖီဂို ကို ကလပ်စံချိန်တင် ပြောင်းရွေ့ကြေး ယူရို သန်း ၆၂ ဝန်းကျင် နဲ့ ခေါ် ယူသွားခဲ့ပါတယ် ။ ဒီအဖြစ်အပျက်ဟာ ဖီဂို ရဲ့ ကစားသမား ဘဝမှာ အထင်ကရ ဖြစ်တဲ့ အဖြစ်အပျက်တစ်ခု ဖြစ်ခဲ့ပြီး ဖီဂို ဟာဆိုရင် မက်ဒရစ် သားတွေအတွက် ပျော်စရာ ဖြစ်ခဲ့ပေမဲ့ ကတ်တလန် သားတို့ အတွက်တော့ ဖီဂို ဟာသစ္စာဖောက် တစ်ယောက်ဖြစ်ခဲ့ပါတယ် ။

ဖီဂိုဟာ ရီးရဲလ်မက်ဒရစ် ရဲ့ ခေတ်သစ်ကြယ်စင်စု မှာ ခေါင်းဆောင်တစ်ဦးအဖြစ် ပါဝင် အသုံးတော်ခံသွားပြီး ကစားသမားဘဝ မှာလည်း အောင်မြင်မှုတွေ ပိုမို အောင်မြင်မှု တွေရရှိခဲ့ပါတယ် ။ ဖီဂို ဟာ ရာအူးလ် ၊ ဇီဒန်း ၊ ရော်နယ်ဒို ၊ ဘက်ခမ်း ၊ ကာဆီးလက် တို့ နဲ့ အတူ အောင်မြင်မှု များစွာ ရရှိခဲ့ပါတယ် ။ ရီးရဲလ် မှာ ၂၀၀၀ -၂၀၀၅ ခုနှစ် ထိ ၅ နှစ်ကြာ ကစားခဲ့ပြီး ၂၀၀၁ လာလီဂါ ၊ ၂၀၀၁-၂၀၀၂ ချန်ပီယံလိပ် အပါဝင် ဆုဖလား ၇ လုံး ထိ ရရှိအောင် စွမ်း‌ဆောင်နိုင်ခဲ့ပါတယ် ။ အဲဒီနောက် ၂၀၀၅ ခုနှစ် အရောက်မှာတော့ ဖီဂိုဟာ ရီးရဲလ် နဲ့ စာချုပ်သက်တမ်း ထပ်မတိုးတော့ပဲ ရီးရဲလ် ကနေ အင်တာမီလန် အသင်းကို အလွတ်ပြောင်းရွေ့ ကြေး နဲ့ ရောက်ရှိသွားပါတယ် ။ အင်တာမီလန် ဟာ ဖီဂို ရဲ့ ကစားသမားဘဝ နောက်ဆုံး အသင်း ဖြစ်ပြီး အီတလီမှာလည်း သူ့ရဲ့ စွမ်းဆောင်ရည်ကောင်းတွေကို ထပ်မံပြသခဲ့ပါတယ် ။ ၂၀၀၈ ခုနှစ် မှာ တနိုင်ငံတည်းသား နည်းပြ မော်ရင်ဟို ရောက်ရှိလာပြီ ဖီဂိုကိုလည်း အသင်းမှာ ဆက်နေဖို့ကို တောင်းဆိုးခဲ့ပြီး ဖီဂိုဟာလည်း အခြား ပေါ်တူဂီ အသင်းဖော် အချို့ နဲ့ အတူ အင်တာ မီလန် မှာ ဆက်ကစားခဲ့ပါတယ် ။ ၂၀၀၉ ခုနှစ် မေလ ၁၆ ရက်နေ့ မှာတော့ ဖီဂို ဟာ သူ့ ရဲ့ ကစားသမား ဘဝ အနားယူမယ့်အကြောင်းကို ကြေငြာခဲ့ပါတယ် ။ တနေ့တည်းမှာပဲ အင်တာမီလန် မှာ ၂၀၀၈-၂၀၀၉ စီးရီးအေ ချန်ပီယံ ဖြစ်ခဲ့ပါတယ် ။ သူ့ရဲ့ ကစားသမား နောက်ဆုံး ပွဲစဉ် အဖြစ် အိမ်ကွင်း ဆန်စီရို ကွင်းမှာ အတ္တလန်အသင်း နဲ့ နောက်ဆုံး ပွဲစဉ် အဖြစ်ကစားခဲ့ပါတယ် ။ အဲဒီပွဲစဉ်မှာတော့ ဖီဂို ဟာ အသင်းခေါင်းဆောင် အဖြစ် တာဝန်ယူကစားခဲ့ပါတယ် ။ ပွဲချိန်အတွင်းမှာ နှစ်ဖက်ဖက်ပရိတ်သတ်တွေရဲ့ ဂုဏ်ပြုလက်ခုပ်သံတွေ နဲ့ အတူ ကစားသမား နောက်ဆုံးပွဲစဉ်တစ်ခု ကို လှလှပ ကစားခဲ့ရပါတယ် ။ အတ္တလန်တာ နဲ့ ပွဲပြီး အင်တာဗျူးမှာ “သူဟာ ဘောလုံး ကစားခြင်းက ပဲ အနားယူတာ ဖြစ်ပြီး အင်တာ အတွက်တော့ မဟုတ်ခဲ့ပါဘူး “ လို့ ဖြေကြားခဲ့ပြီး အင်တာအသင်းရဲ့ ဘုတ်အဖွဲ့ ဝင်အဖြစ် တာဝန်ယူခဲ့ပါတယ် ။ နောက်တစ်ရာသီမှာတော့ အင်တာ အသင်းရဲ့ သမိုင်းဝင် အောင်ပွဲ တစ်ခု ဖြစ်တဲ့ 𝐓𝐫𝐞𝐛𝐥𝐞 𝐂𝐡𝐚𝐦𝐩𝐢𝐨𝐧 ဖြစ်ခဲ့ပြီး ဖီဂို အတွက်လည်း မေ့မရနိုင်တဲ့ အမှတ်တရ တစ်ခု ဖြစ်ခဲ့ပါတယ် ။

လူးဝစ် ဖီဂိုဟာ ပေါ်တူဂီ ‌ရွှေ‌ရောင်မျိုးဆက် ရဲ့ ဦးဆောင်သူ ခေါင်းဆောင်ကောင်း တစ်ဦးဖြစ်ခဲ့ပြီး နိုင်ငံလက်ရွေးစင် ကစားသမား ဘဝ အစကို ၁၉၉၁ 𝐅𝐈𝐅𝐀 𝐖𝐨𝐫𝐥𝐝 𝐘𝐨𝐮𝐭𝐡 𝐂𝐡𝐚𝐦𝐩𝐢𝐨𝐧𝐬𝐡𝐢𝐩 အောင်မြင်မှု နဲ့ အတူ စတင်နိုင်ခဲ့ပါတယ် ။ အဲဒီ နှစ် 𝟏𝟗𝟗𝟏 မှာပဲ လူဇင်ဘော့ အသင်း နဲ့ အတူ စီနီယာ အသင်းကြီး ပွဲဦးထွက် အဖြစ် ကစားခဲ့ရပါတယ် ။ အဲဒီ အချိန်မှာဆိုရင် ဖီဂို အသက် ၁၈ နှစ်ပဲ ရှိပါသေးတယ် ။ ဖီဂို ရဲ့ နိုင်ငံ အသင်း အဓိက ပြိုင်ပွဲအဖြစ် ပေါ်တူဂီအသင်းနဲ့ အတူ 𝐄𝐮𝐫𝐨 𝟗𝟔 ကို ပါဝင်ကစားခွင့်ရရှိခဲ့ပြီး ၃ ဂိုး သွင်းယူနိုင်ခဲ့ပါတယ် ။ ဖီဂိုဟာ ‌‌ပေါ်တူဂီ အသင်းနဲ့ အတူ ပွဲပေါင်း ၁၂၇ ထိ ကစားခဲ့ပြီး အဓိက ပြိုင်ပွဲကြီးတွေ ပေါ်တူဂီ အသင်းကို အကောင်းဆုံး ဦးဆောင်ပေးခဲ့ပါတယ် ။ နိုင်ငံအသင်း နဲ့ အမြင့်ဆုံး အောင်မြင်မှု အဖြစ် 𝐄𝐮𝐫𝐨 𝟐𝟎𝟎𝟒 မှာ ဗိုလ်လုပွဲကို တက်ရောက်နိုင်ခဲ့ပြီး ဂရိအသင်း ကို အရေးနိမ့်ကာ ဒုတိယ နဲ့ သာ ကျေနပ်ခဲ့ရပါတယ် ။ ဖီဂို ဟာ ဂရိ ကို ရှုံးနိမ့်တဲ့ ပွဲအပြီးမှာ နိုင်ငံ လက်ရွေးစင်အဖြစ်က အနားယူရန် ကြေငြာခဲ့ပြီး နည်းပြဖြစ်သူ စကိုလာရီ နဲ့ အကွဲအပြဲ ဇာတ်လမ်းတွေကြောင့်လို့လည်း ကောလဟာလ တွေ ထွက်ပေါ် ခဲ့ပါတယ် ။ ၂၀၀၅ ခုနှစ်မှာတော့ ဖီဂိုဟာ သူ့ရဲ့ ဆုံးဖြတ်ချက်ကို ပြန်ပြင်ခဲ့ပြီး နိုင်ငံလက်ရွေးစင်အသင်းကို 𝟐𝟎𝟎𝟔 𝐖𝐨𝐫𝐥𝐝 𝐂𝐮𝐩 𝐐𝐮𝐚𝐥𝐢𝐟𝐲𝐢𝐧𝐠 ပွဲ ဖြစ်တဲ့ ဆလိုဗက်ကီယား နဲ့ ပွဲ မှာ နောက်တစ်ကြိမ် ပြန်ရောက်လာခဲ့ပါတယ် ။ ဖီဂို ဟာ ၂၀၀၆ ကမ္ဘာ့ဖလား မှာ ပေါ်တူဂီ အသင်းကို အသင်းခေါင်းဆောင် အဖြစ် တာဝန်ယူပြီး ဆီမီးဖိုင်နယ် အဆင့်ကို ပို့ဆောင်ပေးခဲ့ပါတယ် ။ ဆီမီးဖိုင်နယ်မှာတော့ ရီးရီလ်အသင်းဖော်ဟောင်း ဇီဒန်း ရဲ့ ပင်နတီ နဲ့အတူ ၁-၀ ဆိုတဲ့ ရလဒ် နဲ့ အရှုံးပေးခဲ့ရပါတယ် ။ တတိယလုပွဲ အဖြစ် ဂျာမနီ အသင်းနဲ့ကစားခဲ့ပြီး ၃-၁ နဲ့ ရှုံးနိမ့်ကာ စတုတ္တနေရာ နဲ့ သာ ပြီးဆုံးခဲ့ပါတယ် ။ ပေါ်တူဂီ အသင်းအတွက်တော့ နှစ်ပေါင်း ၄၀အတွင်းအမြှင့်ဆုံး ရလဒ်အဖြစ် စွမ်းဆောင်နိုင်ခဲ့တာဖြစ်ပါတယ် ။ ဂျာမနီ နဲ့ ပွဲပြီးတော့ ဖီဂို ဟာ သူ့ရဲ့ ဂန္ထဝင်ကျောနံပတ် ၇ ကို လူငယ်ကို ဆက်ခံစေခဲ့ပြီး နိုင်ငံ လက်‌ရွေးစင်ကစားသမား ဘဝ ကနေ အနားယူခဲ့ပါတယ် ။ ဖီဂို ဟာ သူ့ခေတ်သူ့အခါ က အရှိန်ဝါကြီးတဲ့ ကစားသမား တစ်ယောက်ဖြစ်ခဲ့ပြီး ကြီးကျယ်တဲ့ မှတ်တမ်းမှတ်ရာတွေကို ပိုင်ဆိုင်ခဲ့တဲ့ ဂန္ထဝင် ကစားသမား တစ်ယောက်လည်း ဖြစ်ပါတယ် ။ ဖီဂို ဟာ ၁၉၆၆ အူစီဘီယို ခေတ် နောက်ပိုင်း ပေါ် တူဂီ ရဲ့ ရွှေရောင်မျိုးဆက်ကို ဦးဆောင်းခဲ့တဲ့ ခေါင်းဆောင်တစ်ဦးလည်း ဖြစ်ပါတယ် ။

"

𝗠𝗠 𝗠𝗲𝗱𝗶𝗮 မှာ နေ့စဉ် အပတ်စဉ် အားကစား နှင့် ပတ်သက်သည့် သတင်းအကြောင်းအရာ ဗဟုသုတ အစီအစဉ် ကောင်းများစွာကို အချိန် နှင့် တပြေးညီ စုစည်းတင်ဆက်ပေးမှာ ဖြစ်တဲ့အတွက် ကြောင့်မလို 𝗠𝗠 𝗠𝗲𝗱𝗶𝗮 ရဲ့ 𝐂𝐡𝐚𝐧𝐧𝐞𝐥 များ ကို 𝐉𝐨𝐢𝐧 ထားပြီး 𝐋𝐢𝐤𝐞 & 𝐒𝐮𝐛𝐬𝐜𝐫𝐢𝐛𝐞 လုပ်ပြီး 𝐒𝐡𝐚𝐫𝐞 ပေးသွားကြပါဦး ။"

#mmmedia

#LuisFigo