အားကစားသတင်းများ
အကောင်းဆုံးဆိုတဲ့ ဂန္ထဝင်တိုက်စစ်မှူးတွေထဲကတစ်ယောက် ဟင်းနရစ်လာဆင်
November 17, 2024
စကော့တလန်ဘောလုံးသမိုင်းရဲ့ အကြီးကျယ်ဆုံးနိုင်ငံခြားသားကစားသမားခေါ်ယူမှုအဖြစ် သတ်မှတ်ခံရထားရတဲ့ အပြောင်းအရွှေ့တစ်ခုကို ဝင်ဂျက်ဆင် က 𝟏𝟗𝟗𝟕 ဇူလိုင်လတွင် စကော့တလန်ကလပ် ဆဲလ်တစ်အတွက် ပေါင် 𝟔𝟓𝟎,𝟎𝟎𝟎 ဖြင့် လာဆင် ကိုခေါ်ယူကာပြုလုပ်ခဲ့ပါတယ်။ ကလပ်အတွက်သူ့ရဲ့ပထမဆုံးရာသီမှာပဲသူဟာ ဆယ်နှစ်အတွင်းသူတို့ရဲ့ပထမဆုံးလိဂ်ဖလားကို
လာဆင်ဟာ ဆဲလ်တစ်တွင် ခုနစ်နှစ်အတွင်း လိဂ်ဖလား 𝟒ကြိမ် ရရှိခဲ့ပြီး ပေါ်တိုနဲ့ ကစားခဲ့တဲ့ 𝟐𝟎𝟎𝟑 ယူအီးအက်ဖ်အေဖလား ဖိုင်နယ်မှာ အသင်းကို အချိန်ပိုမှာ 𝟑-𝟐 နဲ့ ရှုံးနိမ့်ခဲ့တဲ့ သွင်းဂိုးနှစ်ဂိုးကိုလည်း သွင်းယူပေးနိုင်ခဲ့ပါတယ်။ ဆဲလ်တစ်အသင်း အတွက် 𝟑𝟏𝟑 ပွဲမှာ 𝟐𝟒𝟐 ဂိုးသွင်းယူနိုင်ခဲ့ပြီး ဆဲလ်တစ်ပရိသတ်တွေက သူ့ကို 𝐊𝐢𝐧𝐠 𝐨𝐟 𝐊𝐢𝐧𝐠𝐬 လို့ နာမည်ပြောင်ပေးခဲ့ကြပါတယ်။
𝟐𝟎𝟎𝟒 ခုနှစ်တွင် ဘာစီလိုနာသို့ ရောက်ရှိလာခဲ့ပြီး လိဂ်ဖလား 𝟐 ကြိမ်နှင့် 𝟐𝟎𝟎𝟓-𝟎𝟔 ယူအီးအက်ဖ်အေ ချန်ပီယံလိဂ် တို့ကို ဆွတ်ခူးခဲ့ပြီး ဖိုင်နယ်တွင် သွင်းဂိုးနှစ်ဂိုးစလုံးကို ဖန်တီးပေးခဲ့ပါတယ်။ ဘာစီလိုနာ အသင်းတွင် သူရဲ့စာချုပ်သက်တမ်းကုန်ဆုံးပြီးနောက် လာဆင်ဟာ 𝟐𝟎𝟎𝟕 ခုနှစ်အစောပိုင်းမှာ မန်ချက်စတာယူနိုက်တက်အသင်းတွင် အငှားသွားရောက်ကစားပြီး ဟယ်လ်ဆင်ဘာ့ခ်သို့ ပြန်လည်ရောက်ရှိခဲ့ကာ အောက်တိုဘာ 𝟐𝟎 ၊ 𝟐𝟎𝟎𝟗 တွင် ဘောလုံးလောကမှ အနားယူကြောင်း ကြေညာခဲ့ပါတယ်။
သူဟာနိုင်ငံလက်ရွေးစင် ဆွီဒင်အတွက် ဖီဖာကမ္ဘာ့ဖလား 𝟑 ကြိမ်နှင့် ယူရို 𝟑 ကြိမ်တွင် ပါဝင်ကစားခဲ့ပြီး 𝟏𝟗𝟗𝟒 ဖီဖာကမ္ဘာ့ဖလား တွင် ကြေးတံဆိပ်ရရှိခဲ့ကာ နိုင်ငံအသင်းခေါင်းဆောင်ဟောင်းတစ်ဦးအဖြစ် တာဝန်ထမ်းဆောင်ခဲ့သူလည်းဖြစ်ပါတယ် ။ လက်ရွေးစင် ကစားသမားဘဝပွဲပေါင်း 𝟏𝟎𝟔 ပွဲတွင် 𝟑𝟕 ဂိုးသွင်းယူထားသူပါ။ ယူအီးအက်ဖ်အေ ဂျူဗလီဆုပေးပွဲရဲ့ တစ်စိတ်တစ်ပိုင်းအဖြစ် နှစ် 𝟓𝟎 ရဲ့ အကောင်းဆုံး ဆွီဒင်ဘောလုံးသမားဆု ကိုလည်း 𝟏𝟗𝟗𝟖 ခုနှစ်တွင် ပထမအကြိမ်နှင့် 𝟐𝟎𝟎𝟒 ခုနှစ်တွင် တစ်ကြိမ်ဖြင့် နှစ်ကြိမ်တိုင်တိုင် ဆွတ်ခူးရရှိခဲ့ပါတယ်။
လာဆင် နဲ့ပက်သက်ပြီးချီးကျူးသံတွေကတော့-
𝟐𝟎𝟎𝟔 ချန်ပီယံလိဂ်အနိုင်ဂိုးရှင် ဘယ်လက်တီက “ ခင်ဗျားကဘာစီလိုနာမှာကစားပြီဆိုရင် ခင်ဗျားဆီမှာ အာရုံစူးစိုက်မှု ၊ စည်းကမ်းရှိမှု ၊ စိတ်ဓာတ်ပြင်းထန်မှုတွေ အမြင့်ဆုံး လယ်ဗယ် မှာရှိမှရမှာပါ၊ လာဆင်မှာက ဒါတွေအကုန်လုံးပြည့်စုံနေတယ်၊ သူ့ရဲ့အကြီးမားဆုံးအားသာချက်က အဆုံးသတ်စွမ်းရည်နဲ့ အသင်းလိုက်ကစားပုံကောင်းတာပဲလို့ “ ဆိုခဲ့ပါတယ်။
ယူနိုက်တက် နည်းပြဟောင်း ဆိုးလ်ရှားကလည်း “ မိုက်ကယ်လော့ဒရပ်ပြီးနောက် လာဆင်က စကင်နေဗီးယန်းမှာ အကောင်းဆုံးပါပဲ” ဟုချီးမွမ်းခဲ့ပါတယ်။
သူဟာအသက် 𝟑𝟓 နှစ်အရွယ်မှာမှယူနိုက်တက်ကိုရောက်လာပေမဲ့ ကစားသမားတွေရဲ့ လေးစားအတုယူစရာကောင်းတဲ့သူဖြစ်ကြောင်းကိုလည်း ဖာဂူဆန်က “ ကျွန်တော်တို့အတွက် သူနောက်ဆုံး ကစားပေးခဲ့တာက မစ်ဒယ်ဘရော့နဲ့ပွဲပါ၊ 𝟐-𝟏 နဲ့ကျွန်တော်တို့အနိုင်ရခဲ့ပြီး လာဆင်က ကွင်းလယ်မှာဆင်းကစားကာ ခြေစွမ်းပြခဲ့ပါတယ်၊ အဝတ်လဲခန်းထဲသူရောက်လာချိန် အသင်းဖော် တွေအားလုံး လက်ခုပ်တီးပြီးဂုဏ်ပြုခဲ့ကြသေးတယ်၊ 𝟐လအတွင်းမှာပဲ တချို့ကစားသမား တွေအပေါ် သူ့ရဲ့အကျိုးသက်ရောက်မှုက ကြီးမားခဲ့ပါတယ် “ လို့ပြောခဲ့ပါတယ်။
လာဆင်ဟာ တကယ်ကိုကြီးမြတ်ခဲ့တဲ့ ဆွီဒင်သမိုင်းထဲကဂန္ထဝင်တိုက်စစ်မှူးကြီးတစ်ယောက်ပါ။ သူဘယ်လောက်ကောင်းလဲဆိုတာ သူနဲ့တွဲကစားဖူးကြတဲ့သူတိုင်းကသိကြပါတယ်။ ချီးကျူးမှုတွေ၊ ဂုဏ်ပြုမှုတွေနေရာမှာလူတွေကအခြားနာမည်ကြီး တိုက်စစ်မှူးတွေအကြောင်းတွေပဲပြောနေကြပေမဲ့ ပွဲအတွင်းသူ့ရဲ့အကျိုးသက်ရောက်မှုက တကယ်ကိုတန်းဖိုးကြီးမားလွန်းခဲ့ပါတယ်။
Related Sports News
၃နှစ်ပွဲပယ်ခံခဲ့ရပေမဲ့ အခုချိန်မှာ မြန်မာ့လက်ရွေးစင်အဖြစ်ပြန်လည်ရွေးချယ်ခံခဲ့ရတဲ့ MIU ကစားသမား ခင်ဇော်လင်း
April 6, 2025
Manchester United ရဲ့နောက်ဆုံးရ Injury Update အကြောင်းအရာများ
April 5, 2025
ရာသီကုန်မှာ မန်စီးတီး အသင်းကနေ ထွက်ခွာတော့မယ် ကယ်ဗင် ဒီဘရိုင်း
April 5, 2025
ဆူပါလပ် လိုကစားသမားမျိုးတောင် အမှောက်ထိုးနိုင်ခဲ့တဲ့ One Championship ရဲ့ ကြားဖြတ်ရွှေခါးပတ်ပိုင်ရှင် နာဘီလ်
April 5, 2025
ခက်ခဲတဲ့ဘဝကိုကျော်ဖြတ်ခဲ့ရပြီး အောင်မြင်တဲ့ ဘောလုံးသမားတစ်ယောက်ဖြစ်လာခဲ့သူ ကားလို့စ်တီးဗက်ဇ်
April 5, 2025