မန်စီးတီး အသင်းနဲ့ ဘယ်ဂျီယံ အသင်း ရဲ့ အကောင်းဆုံး ကစားသမားတစ်ဦးဖြစ်တဲ့ ကယ်ဗင်ဒီဘရိုင်းက ရာသီ အကုန်မှာ မန်ချက်စတာ စီးတီး အသင်းကနေ ထွက်ခွာတော့မယ့် လို့ ကြော်ငြာသွားခဲ့ပြီပဲဖြစ်ပါတယ်။ ပရီးမီးယားလိဂ်ရဲ့ အကောင်းဆုံးကွင်းလယ် ကစားသမားတွေထဲကတစ်ဦးဖြစ်တဲ့ ကယ်ဗင် ဒီဘရိုင်းက သူဘယ်လောက်ကောင်းတယ်ဆိုတာ သူ့ရဲ့ မယုံနိုင်စရာကောင်းတဲ့ လှပတဲ့ ကန်ချက်တွေ ၊ နောက်တစ်ကြိမ် ပြန်လည်မြင်တွေ့ဖို့ မဖြစ်နိုင်တော့တဲ့ ဘောလုံးပေးပို့မှုတွေနဲ့ အကြိမ်ကြိမ် သက်သေပြထားနိုင်တဲ့ ကစားသမား တစ်ဦးလည်းဖြစ်ပါတယ်။ ကျွန်တော်တို့ ဘောလုံးပရိတ်သတ်တွေက ပရီးမီးယားလိဂ်မှာ ကွင်းလယ်ကစားသမားတစ်ယောက်ခြေစွမ်းကောင်းတွေ ပြသပြီဆိုရင် ကယ်ဗင်ဒီဘရိုင်းနဲ့ အမြဲလိုလို နှိုင်းယှဥ်ခဲ့ကြတယ်။ဒါပေမယ့် ဘယ်ကစားသမားမှ ဒီဘရိုင်းရဲ့ level ကို မရောက်ရှိခဲ့ကြပါ။ ပရီးမီးယားလိဂ် ရဲ့ အကောင်းဆုံးကွင်းလယ်ကစားသမားဆိုတဲ့ ဂုဏ်ပုဒ်ကို ၁၀ စုနှစ် တစ်ခုကြာ သိမ်းပိုက်ပြခဲ့တဲ့ ကယ်ဗင်ဒီဘရိုင်းက နောက်ပိုင်းကာလတွေမှာ ခြေစွမ်းပိုင်း ကျဆင်းလာတာကို သတိထားမိကြမှာပါ။

    နည်းပြကြီး ပပ်ဂွာဒီယိုလာရဲ့ အသင်းမှာ အဓိက ကျောရိုး အဖြစ် ၁၀ နှစ်ကျော်ကြာ ကစားဖို့ဆိုတာ လွယ်ကူတဲ့ ကိစ္စတော့  မဟုတ်ပါဘူး။  အသက် ၃၃ နှစ် အရွယ် ဘယ်လ်ဂျီယံ   ကွင်းလယ်ဖန်တီးရှင်  ကယ်ဗင်ဒီဘရိုင်း က ၂၀၁၅ ခုနှစ် ကတည်းက မန်စီးတီး အသင်းကို ရောက်ရှိလာခဲ့ပြီး သူ့ရဲ့ ကစားသမား ဘဝ အကောင်းဆုံး အချိန်တွေမှာ မန်စီးတီး အသင်းအတွက် အကောင်းဆုံးပေးဆပ် ကစားပေးသွားခဲ့တာပဲဖြစ်ပါတယ်။ မန်စီးတီး အသင်းရဲ့ ဆုဖလားစိန်ခေါ်တဲ့ လမ်းကြောင်းမှာ အဓိက ကျတဲ့ အခန်းကဏ္ဌကနေ ပါဝင်ခဲ့ပြီး မန်းစီးတီး အသင်းအတွက် အဖိုးဖြတ်မရတဲ့ ကစားသမား တစ်ဦးဖြစ်ပါတယ်။ ဘာပဲဖြစ်ဖြစ် ဘယ်လောက်ပဲ ကောင်းတဲ့ ကစားသမား ဖြစ်ဖြစ် နောက်ဆုံးမှာတော့ အသက်အရွယ်က စကားပြောလာခဲ့ပြီဖြစ်ပါတယ်။ ဒီဘရိုင်းက ဒီနောက်ပိုင်းကာလတွေမှာ စွမ်းဆောင်ရည်တွေကျဆင်းလာတယ် ။ ကြံခိုင်မှု ပြသာနာတွေ ခနခန ရင်ဆိုင်လာရတယ်။ အဆိုးဆုံးကတော့ ဒီရာသီပဲ ။ ဒီဘရိုင်း လို ကစားသမားမျိုးက ပွဲချိန်ပြည့် မကစားနိုင်တော့ဘူး ။ ပွဲထွက်ခွင့်တွေ နည်းပါးလာတယ် ။ အဲ့တာတွေကြောင့်ပဲ ကယ်ဗင်ဒီဘရိုင်းက ရာသီ အကုန်မှာ မန်စီးတီးကနေ ထွက်ခွာတော့မယ်လို့ ကြော်ငြာခဲ့တာပဲဖြစ်ပါတယ်။ 

 ပရီးမီးယားလိဂ်ဖလား ( 6 ) ကြိမ်၊ ကာရာဘောင်ဖလား (5) ကြိမ်၊ အက်ဖ်အေဖလား (2) ကြိမ်၊ ကွန်မြူနစ်တီဒိုင်း (2) ကြိမ်၊ ချန်ပီယံလိဂ် (1) ကြိမ် ဒီချန်ပီယံဆုတွေကို မန်စီးတီး နဲ့ရယူနိုင်ခဲ့တာဖြစ်ပြီး တစ်ဦးချင်းဆုတံဆိပ်တွေအနေနဲ့ FIFA ရဲ့တစ်နှစ်တာကမ္ဘာ့အကောင်းဆုံးကစားသမား (11) ဦးစာရင်းမှာ (5) ကြိမ်၊ ပရီးမီးယားလိဂ်တစ်နှစ်တာအကောင်းဆုံးကစားသမား (11) ဦးစာရင်းမှာ (5) ကြိမ်၊ UEFA ရဲ့တစ်နှစ်တာအကောင်းဆုံးအသင်းမှာ (3) ကြိမ်၊ ပရီးမီးယားလိဂ်ရဲ့ဖန်တီးမှုအများဆုံးကစားသမားဆု (3) ကြိမ်၊ ပရီးမီးယားလိဂ်ရဲ့တစ်နှစ်တာအကောင်းဆုံးကစားသမားဆု (2) ကြိမ်နဲ့ PFA ဆု (2) ကြိမ် ရရှိခဲ့ပါတယ်။ 

   နောက်တစ်ချိန် အကောင်းဆုံး ကွင်းလယ်ကစားသမားတွေအကြောင်းပြောရင်တော့ ကယ်ဗင်ဒီဘရိုင်းကို မေ့ထားလို့ရမှာမဟုတ်ပါဘူး။ ကယ်ဗင်ဒီဘရိုင်းနား တစ်ယောက် ဘယ် အသင်းကို ပြောင်းရွှေ့သွားမလဲ ။ ဆော်ဒီ အသင်းတစ်သင်းကိုပဲ ပြောင်းရွှေ့သွားမလား။ ဒါမှမဟုတ် ဘယ်လ်ဂျီယံ အသင်းတွေ ကိုပဲပြောင်းရွှေ့သွားမလားဆိုတာတော့ စောင့်ကြည့်ရမှာပဲဖြစ်ပါတယ်။ အဆုံးထိ ဝင်ရောက်ဖတ်ရှုပေးခဲ့ကြတဲ့ တစ်ဦးတစ်ယောက်ချင်းစီတိုင်းကို ကျေးဇူးအများကြီး တင်ရှိပါတယ်။

#mmmedia

#manchestercity

#kevindebruyne

#mildfinder

#transfer