အားကစားသတင်းများ
မြန်မာတွေ အတွက်မေ့မရနိုင်တဲ့ မြန်မာ 𝐔𝟏𝟗 အသင်း
January 26, 2025
ဒီလိုအချိန်နဲ့ ၁၀ နှစ် လောက်အကွာတုန်းက ဖြစ်ပျက်ခဲ့တဲ့ မြန်မာဘောလုံးလောကအတွက် တက်ကြွလှုပ်ရှားစရာဖြစ်ရပ် တွေကို လှမ်းပြီး ပြန်ကြည့်မိပြန်ပါတယ်။ ၂၀၁၄ ခုနှစ်နဲ့ ၂၀၁၅ ခုနှစ်တွေတုန်းက အရာတွေပေါ့။ မြန်မာ ယူ ၁၉ အသင်း အာရှ ယူ ၁၉ မှာ ဆီမီးဖိုင်နယ်တက်ပြီး ကမ္ဘာ့ဖလားခြေစစ်ပွဲအောင်သွားခဲ့ချိန်နဲ့ ယူ ၂၀ ကမ္ဘာ့ဖလားကို ဝင်ရောက်ဆင်နွှဲနေချိန်တွေဆိုရင်လည်း မမှားပါဘူး။နည်းပြကြီး ဂက်ဖရိုင်းဒရစ်က ပြောစမှတ်တွင်တဲ့ နည်းပြတစ်ယောက်ဖြစ်သွားပြီဆိုပေမဲ့ သူ့ ရောက်လာလာချင်းကာလတုန်းကဒီလောက်အထိတော့လူသိများခဲ့တာမဟုတ်ပါဘူး။ ယူ ၁၉ မျိုးဆက်ကို ကိုင်တွယ်နေတုန်းက သူ့အတွက် အထောက်အပံ့တွေ ကောင်းကောင်းတောင် မရခဲ့သေးဘူး။ကစားသမားတွေရဲ့လေ့ကျင့်ရေးကွင်းနဲ့ အထွေထွေမပြည့်စုံမှုတွေ၊ မြန်မာ့လက်ရွေးစင်လူငယ်အသင်း တိုင်း ကြုံနေကျ မအောင်မြင်ခင် နွမ်းပါးတဲ့အခြေအနေတွေ၊ ထောက်ပံ့မှုအားနည်းတာတွေကြားကနေပဲ သူက ဒီအသင်းလေးကို အခြေကနေ စတင်တည်ဆောက်လာခဲ့တာပါ။
ယူ ၁၉ အသင်းအတွက် အလှည့်အပြောင်းကတော့ ၂၀၁၄ ဩဂုတ်ထဲမှာ ကစားခဲ့တဲ့ ဘရူနိုင်းဘုရင့် ဖလားပါပဲ။ အဲဒီမှာ မြန်မာက ထိုင်း၊ ဖိလစ်ပိုင်၊ လာအို၊ အရှေ့တီမောတို့နဲ့တစ်အုပ်စုတည်းကျရောက် ခဲ့ပြီး ၄ ပွဲကစား ၄ ပွဲနိုင် အုပ်စုပထမနဲ့ နောက်တစ်ဆင့်တက်နိုင်ခဲ့တာကနေ သတိထားမိစရာဖြစ်လာ ခဲ့ပြီး ဆီမီးမှာ မလေးကို ဂိုးပြတ်နိုင် ဖိုင်နယ်မှာ ဗီယက်နမ်ကို နိုင်လိုက်ရာကနေ သူတို့အသင်းစပြီး ပရိသတ်ရှေ့ရောက်လာပါတော့တယ်။ ဒီအချိန်လောက်မှာတော့ ထောက်ပံ့မှုတွေက စပြီး အပြောင်း အလဲဖြစ်စပြုပါပြီ။ မြန်မာအသင်းဟာ အာရှ ယူ ၁၉ မှာထိုင်း၊ ယီမင်၊ အီရန်တိုနဲ့ တစ်အုပ်စုတည်းကျရောက်ခဲ့ပြီး ယီမင် နဲ့သရေ၊ ထိုင်းကိုနိုင်၊ အီရန်ကို ရှုံးပြီးအုပ်စု ဒုတိယနဲ့ ကွာတားကို တက်လာနိုင်ခဲ့ပါတယ်။ကွာတားဖိုင်နယ်ကို ကျော်ရင် ဆီမီးရောက်တာနဲ့ ယူ ၂၀ ကမ္ဘာ့ဖလားဝင်ခွင့်ရမှာပဲဖြစ်ပါတယ်။
အဲဒီပွဲကိုတော့ အထူးပြောနေဖို့မလိုတော့ပါဘူး။ ကွာတာဖိုင်နယ် ပွဲစဥ်မှာ ယူအေအီး အသင်းကို ငြိမ်းချမ်းအောင်ရဲ့ တွန်းတွန်းတိုက်တိုက်ဖန်တီးချပေးမှုကို သန်းပိုင်က ပိတ်သွင်းသွားတဲ့ တစ်လုံးတည်းသော ဂိုးနဲ့ ပွဲချိန်ပြည့် ခံစစ်ကစားသွားခဲ့ပြီး ကမ္ဘာ့ဖလားဝင်ခွင့်အရယူနိုင်ခဲ့တာပါ။ ဒီပွဲနဲ့ ထက် ကာတာနဲ့ ကစားခဲ့တဲ့ဆီမီးပွဲစဉ်က အများကြီး ပိုကြည့်ကောင်းခဲ့တာလည်း အမှတ်ရစရာပါပဲ။ ကမ္ဘာဖလားမှာတော့ မြန်မာ ယူ ၂၀ အသင်းဟာ အိမ်ရှင် နယူးဇီလန်၊ အမေရိကန်၊ ယူကရိန်းတို့နဲ့ တစ်အုပ်စုတည်းကျခဲ့ပါ တယ်။ အဖွင့်ပွဲမှာ အမေရိကန်တို့နဲ့ ကစားခဲ့ရတာပါ။မြန်မာ ကစားသမား ရန်နိုင်ဦး ကအဖွင့်ဂိုးသွင်းပေးနိုင်ခဲ့ပေမဲ့ ပွဲအပြီး မှာတော့ ၂-၁ နဲ့ရှုံးသွားခဲ့ပါတယ်။
ဒုတိယပွဲမှာတော့ ယူကရိန်းကို ပထမပိုင်း ၀-၀ ဖြစ်အောင် ခံကစားနိုင်ခဲ့ပြီးမှ ဒုတိယပိုင်းမှာ ကြံ့ခိုင်မှုနဲ့ ရုပ်ပိုင်းဆိုင်ရာအားနည်းချက်တွေကြောင့် ဂိုးတွေဆက်တိုက်ပေးခဲ့ရပြီး ၆-၀ အထိဖြစ်သွားခဲ့ပါ တယ်။ နောက်ဆုံးပွဲမှာလည်း အတူတူပါပဲ။ အောင်သူရဲ့လှပတဲ့ ဂိုးနဲ့ ပွဲကို စဖွင့်နိုင်ခဲ့ပေမဲ့ နယူးဇီလန် က ကြံ့ခိုင်မှုအသာ၊ သက်လုံအသာနဲ့ ၅ ဂိုးပြန်သွင်းယူသွားခဲ့တာပါ။
ဒီမတိုင်ခင်မှာ ငြိမ်းချမ်းအောင်ကို ဒဏ်ရာကြောင့် ဆုံးရှုံးထားရတာက တော်တော်ကို အထိနာစေသလို ပထမပွဲထွက် လူစာရင်း ၁၁ ယောက်တည်းကသာ ခြေစွမ်းကောင်းပြီး လူစားဝင်ကစားသမား တွေက အဆင့်တစ်ခု ကွာခြားနေတာကလည်း ပြဿနာတစ်ခုလိုပါပဲ။ ဘယ်လိုပဲဖြစ်ဖြစ် ထိုက်ထိုက်အောင်၊ နန္ဒကျော်၊ ကျော်မင်းဦး၊ ငြိမ်းချမ်းအောင်၊ မောင်မောင်စိုး၊ သန်းပိုင်၊ မောင်မောင်လွင်၊ အောင်သူ၊ နန်းဝေမင်း၊ ရန်နိုင်ဦး၊ မျိုးကိုထွန်း၊ သီဟထက်အောင် စတဲ့ ကစားသမားအစုအဖွဲကို ဒီမျိုးဆက် က မွေးထုတ်ပေးခဲ့တာကတော့ အမှန်ပါ။
အခုတင်ဆက်ပေးသွားတာကတော့ မြန်မာတွေအတွက် မေ့မရနိုင်တဲ့ မြန်မာ 𝐔 𝟏𝟗 ဘောလုံးအသင်းအကြောင်းပဲဖြစ်ပါတယ်။ အဆုံးထိ ဝင်ရောက်ကြည့်ရှုပေးတဲ့တစ်ဦးတစ်ယောက်ချင်းစီတိုင်းကိုကျေးဇူးအများကြီးတင်ရှိပါတယ်။
"〰〰〰〰〰〰〰〰〰〰〰〰〰〰〰
𝗠𝗠 𝗠𝗲𝗱𝗶𝗮 မှာ နေ့စဉ် အပတ်စဉ် အားကစား နှင့် ပတ်သက်သည့် သတင်းအကြောင်းအရာ ဗဟုသုတ အစီအစဉ် ကောင်းများစွာကို အချိန် နှင့် တပြေးညီ စုစည်းတင်ဆက်ပေးမှာ ဖြစ်တဲ့အတွက် ကြောင့်မလို 𝗠𝗠 𝗠𝗲𝗱𝗶𝗮 ရဲ့ 𝐂𝐡𝐚𝐧𝐧𝐞𝐥 များ ကို 𝐉𝐨𝐢𝐧 ထားပြီး 𝐋𝐢𝐤𝐞 & 𝐒𝐮𝐛𝐬𝐜𝐫𝐢𝐛𝐞 လုပ်ပြီး 𝐒𝐡𝐚𝐫𝐞 ပေးသွားကြပါဦး ။"
"LIVE ပွဲစဥ် ကို www.mmmedia.stream မှာ ဝင်ရောက် ကြည့်လို ရပါတယ် ခင်ဗျာ
ဘောလုံးပွဲစဉ်တွေ ရဲ့ တိုက်ရိုက် သတင်း ၊ အကြောင်းအရာ များကို သိရှိရန် Telegram Channel ကို Join ထားရန် >> https://t.me/mmmediasportschannel"
#MMMedia
#MyanmarU19
#players
#burmesepeople
Related Sports News
၃နှစ်ပွဲပယ်ခံခဲ့ရပေမဲ့ အခုချိန်မှာ မြန်မာ့လက်ရွေးစင်အဖြစ်ပြန်လည်ရွေးချယ်ခံခဲ့ရတဲ့ MIU ကစားသမား ခင်ဇော်လင်း
April 6, 2025
Manchester United ရဲ့နောက်ဆုံးရ Injury Update အကြောင်းအရာများ
April 5, 2025
ရာသီကုန်မှာ မန်စီးတီး အသင်းကနေ ထွက်ခွာတော့မယ် ကယ်ဗင် ဒီဘရိုင်း
April 5, 2025
ဆူပါလပ် လိုကစားသမားမျိုးတောင် အမှောက်ထိုးနိုင်ခဲ့တဲ့ One Championship ရဲ့ ကြားဖြတ်ရွှေခါးပတ်ပိုင်ရှင် နာဘီလ်
April 5, 2025
ခက်ခဲတဲ့ဘဝကိုကျော်ဖြတ်ခဲ့ရပြီး အောင်မြင်တဲ့ ဘောလုံးသမားတစ်ယောက်ဖြစ်လာခဲ့သူ ကားလို့စ်တီးဗက်ဇ်
April 5, 2025