အားကစားသတင်းများ
မြန်မာအမျိုးသမီး အသင်းအတွက် ဝှက်ဖဲတစ်ချက်ဖြစ်တဲ့ ယွန်းဝတီလှိုင်
March 5, 2025
လွန်ခဲ့တဲ့တစ်နှစ်လောက်ကတည်းက မြန်မာလက်ရွေးစင်အမျိုးသမီးအသင်းအတွက်ရော ရန်ကုန်ယူနိုက်တက် အသင်းအတွက်ပါနောင်တစ်ချိန်မှာ ထွန်းတောက်လာမယ့် ကြယ်ပွင့်တစ်ပွင့်လို့ လူအများ မှတ်ချက်ကောင်းတွေပေးခဲ့ကြတဲ့ ကစားသမားတစ်ဦးရှိခဲ့ပါတယ်။ အဲ့ဒီကစာသမားကတော့ ဘောလုံးဆွဲပြေးပုံတွေ အလိမ်အခေါက် စကေးတွေ အရမ်းကောင်းမွန်တဲ့ ယွန်းဝတီလှိုင်ပဲဖြစ်ပါတယ်။ ဘောလုံးသမားကောင်းတစ်ယောက်ဖြစ်ဖို့ ရူးသွပ်ခဲ့တဲ့ ယွန်းဝတီလှိုင်က လက်ရှိအချိန်မှာတော့ သူဖြစ်ချင်သလို ရန်ကုန်ယူနိုက်တက် အသင်းကြီးရဲ့ တောင်ပံ တစ်နေရာအတွက် ပွဲထွက်ခွင့်နေရာတစ်နေရာကို အပိုင်စားရရှိနေတာပဲဖြစ်ပါတယ်။
ယွန်းဝတီလှိုင် က ငယ်စဥ်ကတည်းက ဘောလုံးကို ရူးသွပ်ခဲ့တဲ့ လူငယ်တစ်ယောက်ဖြစ်တာကြောင့် ကျောင်းပွဲတွေကမှ တဆင့် မန္တလေး အာကာသိပ္ပံ မှာ ဘောလုံးပညာကို ကောင်းကောင်းမွန်မွန်လေ့လာခွင့်ရရှိခဲ့တာပဲဖြစ်ပါတယ်။ ယွန်းဝတီလှိုင်က ခြေစွမ်းခြေဆ ကောင်းမွန်ပြီး သူ့ရဲ့ ဘောလုံးပါရမီ ကောင်းမွန်မှုကြောင့် သက်တမ်းအလိုက် မြန်မာလက်ရွေးစင် အသင်းတွေမှာ ရွေးချယ်ခြင်းခံခဲ့ရတာပဲဖြစ်ပါတယ်။ ယွန်းဝတီလှိုင်ရဲ့ တိုးအားရုန်းအားတွေ ၊ မမောနိုင်မပန်းနိုင် ကြိုးစားအားထုပ်မှုတွေ ကို မြန်မာလက်ရွေးစင် နည်းပြကြီးက ကြိုက်နှစ်သက်ခဲ့တာကြောင့် ၂၀၂၄ ခုနှစ်လောက်ကတည်းက မြန်မာ အမျိုးသမီး လက်ရွေစင် အသင်းကြီးမှာ ရွေးချယ်ခံခဲ့ရတာပဲဖြစ်ပါတယ်။ ရန်ကုန်ယူနိုက်တက် အသင်းနဲ့ မြန်မာလက်ရွေးစင်အမျိုးသမီး အသင်းရဲ့ တောင်ပံကစားသမား တစ်ဦးဖြစ်တဲ့ ယွန်းဝတီလှိုင်က အသက် ၁၉ နှစ်သာရှိသေးပေမယ့် သူရဲ့ ဘောလုံးကစားပုံတွေက ဝါရင့် ကစားသမား တစ်ဦး ကစားပုံနဲ့ မတိမ်းမယိမ်းပါပဲ ။
လုပ်အားနှုန်းကောင်းကောင်းနဲ့ တောင်ပံတစ်ဖက်ကို အတက်အဆင်းကောင်းကောင်းကစားနိုင်တဲ့ ကစားသမားတစ်ဦးဖြစ်တဲ့အပြင် နောက်တန်း ၊ ကွင်းလယ် ကစားသမားတွေနဲ့ နားလည်းမှုရှိရှိနဲ့ အတွဲညီညီ ကစားတက်တဲ့ ကစားသမားတစ်ဦးလည်းဖြစ်ပါတယ်။ Opening ဖွင့်တဲ့ အပိုင်းမှာလည်း အလွန်ကောင်းမွန်ပြီး ဘောလုံးအရည်အချင်း ပြည့်ဝတဲ့ ကစားသမားတစ်ဦးလည်းဖြစ်ပါတယ်။ အခုနောက်ဆုံး ချန်ပီယံ ဆုဖလားကြီးကို သိမ်းပိုက်နိုင်ခဲ့တဲ့ နီပေါလ် လေးနိုင်ငံဖိတ်ခေါ်ဖလားပြိုင်ပွဲမှာ ဆိုရင် ယွန်းဝတီလှိုင် တစ်ယောက် သူ့ရဲ့ အကောင်းဆုံးခြေစွမ်းတွေကို ပြသနိုင်ခဲ့ပြီး သူ့ရဲ့ ကြိုးစားမှုတွေကြောင့်မြန်မာဘောလုံးပရိတ်သတ်တော်တော်များများရဲ့ အသိအမှတ်ပြုခြင်းကိုလည်း ရရှိခဲ့တာပဲဖြစ်ပါတယ်။ နီပေါလ်ဖိတ်ခေါ်ဖလား ဒုတိယ ပွဲစဥ်ဖြစ်တဲ့ ကာဂျစ္စတန်နဲ့ ပွဲစဥ်မှာ ပွဲထွက်ကစားသမားအဖြစ် ယွန်းဝတီလှိုင်က ပါဝင်ကစားခွင့်ရရှိခဲ့ပြီး သူ့ရဲ့တောင်ပံ တစ်ဖက်က ပြိုင်ဘက်အသင်းကို ကောင်းကောင်းကြီး ဒုက္ခများစေခဲ့ပါတယ်။ အဲ့ပွဲစဥ်မှာ ယွန်းဝတီလှိုင်က ၂ ဂိုးသွင်းကာ ၂ ဂိုးထိ ဖန်တီးနိုင်ခဲ့ပြီး အဲ့ပွဲရဲ့ အကောင်းဆုံးကစားသမားဆုကို လည်းထိုက်ထိုက်တန်တန် ရရှိခဲ့တာပဲဖြစ်ပါတယ်။
ယွန်းဝတီလှိုင်ရဲ့ လိမ်ခေါက်ပုံတွေ ၊ ဘောလုံးဆွဲပြေးပုံတွေ က ပရိတ်သတ်တွေ အတွက် ကြည့်မဝ ဖြစ်စေခဲ့ပြီး ၊သူ့ဘောလုံးကို လက်ခံရရှိပြီးပြီးဆိုတာနဲ့ ဘာလုပ်ရမယ်ဆိုတာကို ကောင်းကောင်းကြီးနားလည်တဲ့ကစားသမားတစ်ဦးလည်းဖြစ်ပါတယ်။မြန်မာအမျိုးသမီးဘောလုံးနည်းပြကြီး ယူကီ ရဲ့ စိတ်ကြိုက်ကစားသမား တစ်ဦးဖြစ်တဲ့ ယွန်းဝတီလှိုင်က အနာဂတ်မြန်မာ အမျိုးသမီး အသင်းအတွက် အများကြီးအားကိုးရတဲ့ ကစားသမားတစ်ဦးဖြစ်ပြီး နည်းပြကြီး ယူကီရဲ့ ဝှက်ဖဲတစ်ဖဲလည်းဖြစ်နိုင်ပါတယ်။ ဟုတ်ကဲ့ပါ ဒီနေ့တင်ဆက်ပေးသွားတာကတော့ အနာဂတ် မြန်မာ အမျိုးသမီးဘောလုံးအသင်းအတွက် အများကြီးအားကိုးရပြီး နည်းပြကြီး ယူကီရဲ့ ဝှက်ဖဲတစ်ဖဲ တစ်နိုင်တဲ့ ယွန်းဝတီလှိုင်အကြောင်းပဲဖြစ်ပါတယ်။အဆုံးထိဝင်ရောက်ဖတ်ရှုပေးအတွက် ကျေးဇူးအများကြီးတင်ရှိပါတယ်။
Related Sports News
ခက်ခဲတဲ့ဘဝကိုကျော်ဖြတ်ခဲ့ရပြီး အောင်မြင်တဲ့ ဘောလုံးသမားတစ်ယောက်ဖြစ်လာခဲ့သူ ကားလို့စ်တီးဗက်ဇ်
April 5, 2025
21ရာစုရဲ့ တစ်ပွဲ ပျှမ်းမျှ ဝင်ငွေအများဆုံး ရရှိကြတဲ့ ကလပ်သင်း ၅သင်း
April 5, 2025
ဥရောပ ရဲ့ အကောင်းဆုံး အကယ်ဒမီ ၅ ခု အကြောင်း
April 4, 2025
အိမ်မက်ကဇတ်ရုံမှာ အသုံးတော်ခံကစားနေတဲ့ ဂါနာချို
April 3, 2025
မန်ယူ အသင်းအနေနဲ့ လက်ကျန်ပွဲကြပ်တွေကို ဖြတ်ကျော်ပြီး ရာသီကုန်မှာ အဆင့်ဘယ်လောက်မှာ ရပ်တည်နိုင်မလဲ?
April 3, 2025