အားကစားသတင်းများ

ပရီးမီးယားလိဂ်သမိုင်းတလျှောက်အမြန်ဆုံးသွင်းဂိုးများ

blog image

March 13, 2025

ကမ္ဘာပေါ်မှာ လူကြိုက်အများဆုံးနဲ့ ပြိုင်ဆိုင်မှု အပြင်းထန်ဆုံးသော လိဂ်တစ်ခုဖြစ်တဲ့ ပရီးမီးယားလိဂ် ပြိုင်ပွဲတွေက ပွဲအစ တစ်စက္ကန့် က စပြီး ပွဲပြီးဆုံးတဲ့အချိန်အထိ ပရိတ်သတ်တွေကို ရင်ခုန်စိတ်လှုပ်ရှားစရာ အကောင်းဆုံး အခိုက်အတန့်တွေကို အမြဲလိုလိုပေးတက်တဲ့ လိဂ် တစ်ခုလည်းဖြစ်ပါတယ်။ ဒါကြောင့် ပရီးမီးယားလိဂ် က ကမ္ဘာပေါ်မှာ လူကြိုက်အများဆုံးနဲ့ စိတ်ဝင်တစားစောင့်ကြည့်ရတဲ့ လိဂ်တစ်ခုဖြစ်နေတယ်ဆိုတာ ထူးဆန်းတဲ့ ကိစ္စတစ်ခုတော့မဟုတ်ပါဘူး။ အဲ့တာကြောင့် ပဲ ကမ္ဘာပေါ်မှာ ရှိတဲ့ဘောလုံးပွဲများစွာထဲကမှ ပရီးမီးယားလိဂ်ပြိုင်ပွဲက ကျွန်တော်တို့မြန်မာလူမျိုးတွေအကြိုက်ပြိုင်ပွဲတစ်ခုဖြစ်နေခဲ့တာပဲဖြစ်ပါတယ်။ပရီးမီးယားလိဂ် ပြိုင်ပွဲတွေက ပြိုင်ဆိုင်မှု အလွန်ပြင်းထန်ပြီး အချို့ပွဲစဥ်တွေမှာဆို ဂိုးတစ်ဂိုးရဖို့က အလွန်ခက်ခဲသလို တစ်ချို့ပွဲစဥ်တွေမှာဆိုလည်း ပွဲစလို့ မျက်စိတစ်မှိတ်အတွင်းမှာပဲ ဂိုးရရှိခဲ့တဲ့ပွဲတွေကလည်းမနည်းပါဘူး။ ဟုတ်ကဲ့ပါ ဒီနေ့တင်ဆက်ပေးသွားမှာကတော့ ပရီးမီးယားလိဂ် သမိုင်းတစ်လျောက်  အမြန်ဆုံးသွင်းဂိုး ၅ ဂိုးအကြောင်းပဲဖြစ်ပါတယ်။

၁. ရိုန်းလောင်း 

ဆောက်သမ်တန် အသင်းရဲ့ ကစားသမား တစ်ဦးဖြစ်တဲ့ ရိုန်းလောင်း ကတော့ ဘောလုံးသမိုင်းတစ်လျောက် အမြန်ဆုံးသွင်းဂိုးသွင်းနိုင်တဲ့စံချိန်တင်ထားနိုင်တာပဲဖြစ်ပါတယ်။ ဆောက်သမ်တန် အသင်းရဲ့ တိုက်စစ်မှူးတစ်ဦးဖြစ်တဲ့ ရိုန်းလောင်း ကတော့ ကစားသမား ဘဝ ကတော့ အနားယူသွားခဲ့ပြီဖြစ်ပေမယ့် သူ့ရဲ့ အမြန်ဆုံးသွင်းဂိုးစံချိန်ကိုတော့ဘယ်သူကမှမချိုးဖျက်နိုင်သေးတာပဲဖြစ်ပါတယ်။ ရိုန်းလောင်းကတော့  သူ့ရဲ့ အမြန်ဆုံးသွင်းဂိုးကိုတော့ ၂၀၁၉ ခုနှစ်က ဆောက်သမ်တန် အသင်းနဲ့ ဝက်ဖို့စ် အသင်းတို့ ယှဥ်ပြိုင်ကစားခဲ့တဲ့ပွဲစဥ်မှာ ပွဲစပြီး ၇.၆၉ စက္ကန့်အကြာမှာပဲသွင်းနိုင်ခဲ့တာဖြစ်ပါတယ်။ 


၂. ဖီးလစ် ဘီးလင်း 

ဘုန်းမောက် အသင်းရဲ့ ကစားသမား တစ်ဦးဖြစ်တဲ့ ဖီးလစ်ဘီးလင်းကတော့  လက်ရှိ အချိန်မှာ ဘုန်းမောက် အသင်းအတွက် အရံ ကစားသမား တစ်ဦးဖြစ်ခဲ့ပေမယ့် အရင်က ဘုန်းမောက် အသင်းရဲ့ အဓိက ကစားသမား တစ်ဦးဖြစ်သလို ပရီးမီးယားလိဂ် သမိုင်းတစ်လျောက် အမြန်ဆုံးသွင်းဂိုး စံချိန်ရဲ့ ဒုတိယနေရာ မှာရပ်တည်နိုင်တဲ့ ဂိုးကို သွင်းယူနိုင်ခဲ့တဲ့ ကစားသမား တစ်ယောက်လဲဖြစ်ပါတယ်။ဖီလစ် ဘီးလင်း က ၂၀၂၃ ဘောလုံးရာသီ အာဆင်နယ် အသင်းနဲ့ ဘုန်းမောက် အသင်းတို့ရဲ့ ပွဲစဥ်မှာ ပွဲစပြီး ၉.၁၁ စက္ကန့်အကြာမှာပဲ အာဆင်နယ်အသင်းဘက်ကို  ပရီးမီးယားလိဂ် သမိုင်းတလျောက် ဒုတိယမြောက် အမြန်ဆုံးဖြစ်စေမယ့် ဂိုးကိုသွင်းယူနိုင်ခဲ့တာပဲဖြစ်ပါတယ်။ 


၃. လက်ကလေ ကင်း 

 လက်ကလေ ကင်း  က ပရီးမီးယားလိဂ် မှာ ပွဲပေါင်း ၂၀၀ ကျော်ကစားထားတဲ့ စပါးအသင်းရဲ့  ဂန္ထဝင် နောက်ခံလူတစ်ယောက်လည်းဖြစ်ပါတယ်။ လက်စလေ ကင်းက ကစားသမားဘဝ စုစုပေါင်း ပွဲ ၂၀၀ ကျော်ကစားခဲ့ရာကနေ သွင်းဂိုး၁၀ ဂိုးအထိသွင်းယူနိုင်ခဲ့ပြီး အဲ့ ၁၀ ဂိုးထဲကမှ  ၂၀၀၀ ခုနှစ် စပါး အသင်း နဲ့ ဘရန့်ဖိုဒ့်   အသင်းတို့ယှဥ်ပြိုင်ကစားခဲ့တဲ့ ပွဲမှာ ပွဲစစချင်း ၉.၈၂ စက္ကန့်မှာ လက်စလေ ကင်းသွင်းယူခဲ့တဲ့ ဂိုးက သမိုင်းတစ်လျောက် တတိယမြောက် အမြန်ဆုံး သွင်းဂိုးဖြစ်ခဲ့ပါတယ်။


၄. ဒိုကူရေး

အဲဗာတန် အသင်းရဲ့ ကွင်းလယ်ကစားသမား တစ်ဦးဖြစ်တဲ့ ဒိုကူရေး ကတော့ ယခုနှစ်ဘောလုံးရာသီမှာပဲ ပရီးမီးယားလိဂ် သမိုင်းတစ်လျောက် စတုတ္ထမြောက် အမြန်ဆုံးဖြစ်စေမယ့်သွင်းဂိုးကို သွင်းယူနိုင်ခဲ့တာပဲဖြစ်ပါတယ်။ ဖေဖော်ဝါရီလ ၁ ရက်နေ့က ယှဥ်ပြိုင်ကစားကြတဲ့ အဲဗာတန် အသင်းနဲ့  လက်စတာအသင်းတို့ရဲ့ ပွဲစဥ်မှာ ပွဲစစချင်းမှာပဲ အဲဗာတန် ဂိုးသမား ကန်တင်ပေးလိုက်တဲ့ ဘောလုံးကို ဂိုးအဖြစ်ပြောင်းလဲခဲ့ပြီး သမိုင်းတလျောက် စတုတ္ထမြောက် အမြန်ဆုံးဖြစ်စေမယ့်သွင်းဂိုးကို ၁၀.၁၈ စက္ကန့် အကြာမှာပဲ သွင်းယူနိုင်ခဲ့တာဖြစ်ပါတယ်။ 


၅ . အလန်ရှီးယား 

အလန်ရှီးယား က ပရီးမီးယားလိဂ်ရဲ့ ထာဝရ သွင်းဂိုးအများဆုံး ကစားသမား တစ်ယောက်ဖြစ်ပြီး  ဂိုးပေါင်း ၂၆၀ ကျော် သွင်းယူနိုင်ခဲ့တာပဲဖြစ်ပါတယ်။ အလန်ရှီးယားကလည်း သူ့ရဲ့ သွင်းဂိုးပေါင်း ၂၆၀ ကျော်ထဲကမှ သွင်းဂိုးတစ်ဂိုးကတော့ ပရီးမီးယားလိဂ် သမိုင်းတစ်လျောက် အမြန်ဆုံးသွင်းဂိုး တစ်ဂိုးအဖြစ် ပါဝင်နေတာပဲဖြစ်ပါတယ်။ ၂၀၀၃ ခုမှာ နယူးကာဆယ် အသင်းနဲ့ မန်စီးတီး အသင်းတို့ရဲ့ ပွဲစဥ်မှာ  အလန်ရှီးယားက ပွဲစစချင်း ၁၀.၅၂ စက္ကန့်မှာပဲ ပဥ္စမမြောက် အမြန်ဆုံးသွင်းဂိုး ကို သွင်းယူနိုင်ခဲ့တာပဲဖြစ်ပါတယ်။ 

အခုတင်ဆက်ပေးသွားတာကတော့ ပရီးမီးယားလိဂ် သမိုင်းတစ်လျောက် အမြန်ဆုံးသွင်းယူနိုင်ခဲ့တဲ့ သွင်းဂိုး ၅ ဂိုးပဲဖြစ်ပါတယ်။ အဆုံးထိဝင်ရောက်ဖတ်ရှူပေးခဲ့ကြတဲ့ တစ်ဦးတစ်ယောက်ချင်းစီတိုင်းကို ကျေးဇူးအများကြီးတင်ရှိပါတယ်။ 

#mmmedia

#ShaneLong

#PhilipBiilling

#LedleyKing

#Fastestgoals


Related Sports News