အားကစားသတင်းများ
ဘောလုံးလောက ရဲ့ အနီကဒ် အများဆုံးပြခံဖူးတဲ့ ကစားသမား ၅ ယောက်
March 4, 2025
ဘောလုံးလောကမှာ အနီကဒ် တစ်ခါ မှ မထိ ဖူးတဲ့ ဖီးလစ်လမ်း လို ကစားသမားမျိုး ရှိသလို အနီကဒ်ကို ထမင်းစားရေသောက်ယူနေတဲ့ ကစားသမားတွေလဲရှိပါတယ်။ အနီကဒ်ပြစ်ဒဏ်ဆိုတာ ကစားသမား တိုင်းနီးပါး ရရှိဖူးတဲ့ ပြစ်ဒဏ်တစ်ခုဖြစ်ပြီး ကစားသမား ဘဝ အနီကဒ်မထိဖူးတဲ့ ကစားသမား က အနည်းစုတာရှိတာပဲဖြစ်ပါတယ်။ ဒီနေ့တင်ဆက်ပေးသွားမှာကတော့ ဘောလုံးလောက ရဲ့ အနီကဒ် အများဆုံး ထိဖူးတဲ့ ကစားသမား ၅ ယောက်အကြောင်းပဲဖြစ်ပါတယ်။ ဒီကစားသမား တွေထဲမှာ ပရိတ်သတ်တွေနဲ့ ရင်းနီးပြီးသား ကစားသမား တွေ ပါသလို ပရိတ်သတ်တွေနဲ့ အကျွမ်းတဝင် မရင်းနှီးတဲ့ ကစားသမားတွေလဲ ပါဝင်နေတာပဲဖြစ်ပါတယ်။
၁. ဂါရာဒို ဘက်တိုရာ
ဘောလုံးလောက ရဲ့ အနီကဒ်အများဆုံး ရရှိထားတဲ့ ကစားသမား က တော့ ပရိတ်သတ်တွေနဲ့ ရင်းနီးတဲ့ ကစားသမား တစ်ယောက်တော့မဟုတ်ပါဘူး။ အဲဒိ ကစားသမား ကတော့ ဂါရာဒို ဘက်တိုရာ ပဲဖြစ်ပါတယ်။ ဘက်တိုရာက ကိုလံဘီယာ ကစားသမား တစ်ဦးဖြစ်ပြီး ကစားသမား ဘဝ တစ်ယောက်လည်း ကိုလံဘီယာ အသင်းတွေမှာ သာ ကစားခဲ့တာလည်းဖြစ်ပါတယ်။ ကွင်းလယ် ခံစစ် ကစားသမား တစ်ဦးဖြစ်ပြီး လိုအပ်ရင်လိုအပ်သလို ဗဟို ခံစစ်နေရာမှာပါ ကစားနိုင်တဲ့ ကစားသမားလည်းဖြစ်ပါတယ်။ ဂါရာဒို ဘက်တိုရာ က သူ့ရဲ့ ကြမ်းတမ်းတဲ့ ကစားပုံကြောင့် ကစားသမား ဘဝ မှာ အနီကဒ် စုစုပေါင်း ၄၆ ကြိမ်အထိ ပြသခံခဲ့ရတာပဲဖြစ်ပါတယ်။ ဘက်တိုရာ က ကစားသမား ဘဝ ကို ၂၀၁၅ ခုနှစ်လောက်က အနားယူခဲ့ပြီး နည်းပြ ဘဝကို ကူးပြောင်းခဲ့ကာ ကိုလံဘီယာ အသင်းတွေကို နည်းပြခဲ့တာပဲဖြစ်ပါတယ်။
၂ . ဆာဂျီရို ရာမို့
ကမ္ဘာ့အကောင်းဆုံး ခံစစ် မှူးတွေအကြောင်းပြောရင် ရာမို့ အကြောင်းကတော့ မပါမဖြစ်ပါပဲ။ ရီးရဲလ် မက်ဒရစ် အသင်းရဲ့ အတောက်ပဆုံးအချိန်တွေမှာ ခံစစ်ကို အကောင်းဆုံးကာကွယ်နိုင်ခဲ့ပြီးတိုက်စစ်မှူးတိုင်းကြောက်ရလောက်အောင် ကြမ်းပြ ၊ရမ်းပြခဲ့တဲ့ ကစားသမား ကြီး ရာမို့ ကလဲ ကစားသမား ဘဝမှာ အနီကဒ်တွေနဲ့ စိမ်းတဲ့ ကစားသမားတစ်ယောက်တော့မဟုတ်ခဲ့ပါဘူး ။ ကြမ်းပါတယ် ဆိုတဲ့ ပီပီ နဲ့ ရာမို့ တို့ရဲ့ ခံစစ် အတွဲ ကတော့ ပြိုင်ဘက်တိုက်စစ်သမားတိုင်းအတွက်အိမ်မက်ဆိုးတစ်ခုလိုဖြစ်ခဲ့ပါတယ်။ ဆာဂျီရိုရာမို့ က ကစားသမား ဘဝမှာ အနီကဒ် ၂၈ ကြိမ်အထိ ပြသခြင်းခံခဲ့ရတာပဲဖြစ်ပါတယ်။
၃. ဖီရီ ရိုး
ပြင်သစ် ကစားသမား တစ်ဦးဖြစ်တဲ့ ဖီရီ ရိုးကတော့ ကစားသမား ဘဝ ကို ပြင်သစ် ကလပ် အသင်းတွေဖြစ်ကြတဲ့ လန်းစ်တို့ ၊ မာဆေး တို့ မိုနာကို တို့လို အသင်းတွေမှာ Left Back နေရာမှာ ကစားတဲ့ ကစားသမား တစ်ဦးလည်းဖြစ်ပါတယ်။ ဖီရီရိုး က သူ့ရဲ့ ကြမ်းကြမ်းတမ်းတမ်းနဲ့ မာမာကျောကျော ကစားတဲ့ ကစားပုံကြောင့် ကစားသမား ဘဝမှာ အနီကဒ် စုစုပေါင်း ၂၇ ကဒ်အထိ ပြသခံခဲ့ရတာလည်းဖြစ်ပါတယ်။
၄. အလက်ဆစ် ရိုကာနို ဒီယာလို
အလက်ဆစ် ရိုကာနို ဒီယာလို ရဲ့ ကစားပုံက အင်မတန် ကြမ်းတမ်းပြီး တိုက်စစ် ကစားသမားတိုင်းကြောက်ရလောက်အောင် မာမာထန်ထန် နဲ့ ကြမ်းတမ်းတဲ့ ဖြတ်ထုတ်မှုတွေကို အမြဲလိုလို ပြုလုပ်တက်တဲ့ ကစားသမား တစ်ဦးလည်းဖြစ်ပါတယ်။ ကစားသမား ဘဝမှာတော့ စပိန်ကလပ် အသင်းတွေဖြစ်ကြတဲ့ ဗလင်စီယာတို့ ဂီတာဖေး အသင်းတွေမှာ ကစားခဲ့ပြီး အနီကဒ် စုစုပေါင်း ၂၄ ကဒ်အထိ ကစားသမား ဘဝမှာ ပြသခံခဲ့ရတာလည်းဖြစ်ပါတယ်။
၅ . ပါလို မွန်တယ်ရို
ပါလို မွန်တယ်ရို က ကစားသမား ဘဝ အနီကဒ် စုစုပေါင်း ၂၁ ကြိမ် အထိပြသခံခဲ့ရပြီး ကစားသမား ဘဝ မှာ တော့ အက်တလန်တာနဲ့ ဂျူဗင်တပ်စ် အသင်းတွေမှာ ကစားခဲ့ပြီး ကစားသမား ဘဝ အနားယူချိန်မှာတော့ နည်းပြ ဘဝကိုပြောင်းလဲခဲ့တာပဲဖြစ်ပါတယ်။
ဟုတ်ကဲ့ပါအခုတင်ဆက်ပေးသွားတာကတော့ဘောလုံးသမိုင်းတစ်လျောက် အနီကဒ်အများဆုံး ကစားသမား ၅ ယောက်အကြောင်းပဲဖြစ်ပါတယ်။အဆုံးထိဝင်ရောက်ဖတ်ရှူပေးခဲ့ကြတဲ့တစ်ဦးတစ်ယောက်ချင်းဆီတိုင်းကိုကျေးဇူးအများကြီးတင်ရှိပါတယ်။
#mmedia
#sergioramos
#PaoloMontero
#GerardoBedoya
#footballer
#coach
Related Sports News
ခက်ခဲတဲ့ဘဝကိုကျော်ဖြတ်ခဲ့ရပြီး အောင်မြင်တဲ့ ဘောလုံးသမားတစ်ယောက်ဖြစ်လာခဲ့သူ ကားလို့စ်တီးဗက်ဇ်
April 5, 2025
21ရာစုရဲ့ တစ်ပွဲ ပျှမ်းမျှ ဝင်ငွေအများဆုံး ရရှိကြတဲ့ ကလပ်သင်း ၅သင်း
April 5, 2025
ဥရောပ ရဲ့ အကောင်းဆုံး အကယ်ဒမီ ၅ ခု အကြောင်း
April 4, 2025
အိမ်မက်ကဇတ်ရုံမှာ အသုံးတော်ခံကစားနေတဲ့ ဂါနာချို
April 3, 2025
မန်ယူ အသင်းအနေနဲ့ လက်ကျန်ပွဲကြပ်တွေကို ဖြတ်ကျော်ပြီး ရာသီကုန်မှာ အဆင့်ဘယ်လောက်မှာ ရပ်တည်နိုင်မလဲ?
April 3, 2025