မန်ချက်စတာယူနိုက်တက် ရဲ့ရာသီသစ်စတင်ခြင်းတွေကတော့ အားလုံးတွေ့မြင်ကြတဲ့အတိုင်းတကယ်ကိုစိတ်ပျက်စရာကောင်းလွန်းခဲ့ပါတယ်။ ပိုင်ရှင်သစ်လက်ထက်မှာ လူစာရင်းဖြည့်တင်းမှုတွေ ၊ ပြောင်းလဲမှုတွေ အကောင်းဆုံးပြုလုပ်ထားနိုင်ခဲ့ပါလျှက် အသင်းရဲ့ရလဒ်တွေကမကောင်းတဲ့အပြင် ခြေစွမ်းကပြော လောက်စရာမရှိအောင်ကို နုံခြာလွန်းခဲ့ပါတယ်။ အမှန်ဆိုဒီရာသီက တန်ဟက်ရဲ့ တတိယမြောက် ဘောလုံးရာသီဖြစ်ပြီး အရင်နှစ်တွေကထက်ကိုပိုမျှော်လင့်လိုရတဲ့ အခြေအနေတစ်ခုဖြစ်နေရမှာပါ။ အရင်ကလိဂ်ဖလားတွေကိုပဲ စိန်ခေါ်ထားနိုင်ခဲ့ရင် ဒီနှစ်မှာက အဲ့ဒီထက်ပိုတဲ့ ရည်းမှန်းချက်နဲ့လာရတော့မှာပါ။ ဒါပေမယ့် တန်ဟက်ရဲ့ ယူနိုက်တက်ဟာ အခုချိန်ထိကိုတိုင်တွေပတ်နေတုန်းဖြစ်ပြီး အသင်းရဲ့ကစားဟန်ကဘာကိုပြောတာလဲလို့တောင်‌မေးယူရမဲ့ အခြေအနေဖြစ်နေခဲ့ပါတယ်။ ဒါတွေကြောင့်ပဲအခုဆို တန်ဟက်ရဲ့နည်းပြခုံလဲ စတင်လှုပ်ခတ်လာပြီး လာမဲ့ပွဲစဉ်တွေအတွင်းမှာ ယူနိုက်တက် ဘက်က အဖြေရှာသွားမယ်လိုသတင်းတွေထွက်ပေါ်လာခဲ့ပါတယ်။
အမှန်ဆို တန်ဟက်ကမနှစ်ကရာသီထဲကပြုတ်လုဆဲဆဲဖြစ်ပြီးမှ စာချုပ်သစ်ထပ်ချုပ်ခြင်းကိုခံခဲ့ရတာဖြစ်ပါတယ်။ ယူနိုက်တက်ဘက်က ဘိုင်ယန်နည်းပြဟောင်း တူချယ်လ် ကိုနည်းပြအဖြစ်ခန့်အပ်ခြင်ခဲ့ပေမဲ့ ညှိနှိင်းမှုတွေ အဆင်မပြေလို့သာ တန်ဟက်က ယူနိုက်တက်နည်းပြအဖြစ်ရှိနေခဲ့တာဖြစ်ပါတယ်။ ပြောရမယ်ဆို ယူနိုက်တက် ဘက်ကလည်း မနှစ်ထဲက တန်ဟက်ကို သိပ်မယုံကြည်တော့ဘူးလို့ဆိုရမှာပါ။ ဒါပေမဲ့ ပိုင်ရှင်သစ်က သူတို့လိုချင်တဲ့နည်းပြတွေမရခဲ့ပြီးတဲ့နောက် တန်ဟက်ကိုပဲ အခွင့်အရေးပေးခဲ့ပြီးဆက်လက်ကိုင်တွယ်ဖို ဆုံးဖြတ်ခဲ့တာဖြစ်ပါတယ်။ အခုတော့သူတို့ရဲ့ဆုံးဖြတ်ချက်နဲ့ ပက်သက်ပြီး သူတို့ကိုယ်တိုင် နည်းပြ နေရာအတွက်စတင်ခေါင်းခြောက်နေရပြီဖြစ်ပါတယ်။
လက်ရှိထွက်ပေါ်တဲ့သတင်းတွေအရတော့ ယူနိုက်တက်ဘက်က တန်ဟက်ကိုထုတ်ပယ်ဖြစ်ခဲ့ရင် အင်္ဂလန် လက်ရွေးစင်နည်းပြဟောင်း ဆောက်ဂိတ်အပြင် အခြားနည်းပြတွေကိုလဲ ခန့်အပ်သွားအုံးမှာမဟုတ်ပဲ ဒီနှစ်မှာမှ တန်ဟက်ရဲ့လက်ထောက်နည်းပြအဖြစ်ခေါ်ယူထားတဲ့ နစ္စတယ်ရွိုင်း ကို‌တာဝန်ပေးသွားမယ် လို့ဆိုပါတယ်။ နည်းပြအဖြစ်နဲ့ PSV ကိုအကောင်းဆုံးကိုင်တွယ်ခဲ့တာ ၊ ယူနိုက်တက်ရဲ့ ဂန္တဝင်ကစား သမားဖြစ်တာ၊ လက်ရှိယူနိုက်တက် အသင်းသားတွေရဲ့ လေးစားမှုကိုခံ​နေရနေတာတွေက နစ္စတယ်ရွိုင်းကို နည်းပြနေရာအတွက် စဉ်းစားစေခဲ့တာလို့လည်းသိရပါတယ်။
နစ္စတယ်ရွိုင်း ဟာဂန္တဝင်တိုက်စစ်မှူးကြီးပီပီ PSV ကိုကိုင်တွယ်ချိန်တုန်းက သူ့ရဲ့နည်းစနစ် တိုက်စစ်ကစားဟန်ဟာ စွဲမက်ဖွယ်​ကောင်းခဲ့ပြီး PSV ကိုလည်းတစ်နှစ်အတွင်းဖလားနှစ်လုံးရ​ရှိအောင်စွမ်း​ဆောင်​ပေးထားနိုင်ခဲ့ပါတယ်။ ​နောက်ပိုင်း PSV ထိပ်ပိုင်းကသူ​တွေနဲ့စိတ် သ​ဘောထားမတိုက်ဆိုင်လို့လမ်းခွဲခဲ့ပြီး အခြားကလပ်အသင်း​တွေရဲ့ကမ်းလှမ်းမှုများကြားမှ ယူနိုက်တက်ရဲ့လက်​ထောက်နည်းပြ​နေရာကိုလက်ခံကာ ဒီနှစ်မှာယူနိုက်တက်ဆီ​ရောက်ရှိလာတာဖြစ်ပါတယ်။
​ပြောရရင် နစ္စတယ်ရွိုင်းဟာလည်း နည်းပြအ​တွေ့အကြုံ​ကောင်း​တွေရှိပြီးနည်းစနစ်ပိုင်းလည်း​ကောင်းသူမို့ ယူနိုက်တက်နည်းပြအဖြစ်မြင်​တွေ့ရမည်ဆိုလည်း ယူနိုက်တက်အတွက်က အ​ပေါင်းလက္ခဏာ​ဆောင်တယ်လို့ဆိုရပါမယ်။ ဒတ်လူမျိုးနည်းပြ​​တွေ ၊ ဒတ်ကစားသမား​တွေများစွာရှိခြင်းကလည်း နစ္စတယ်ရွိုင်းကိုနည်းပြအဖြစ်ပိုပြီးမြင်​တွေ့ရဖို့အခြအ​နေရှိတာဖြစ်နိုင်ပါတယ်။
ဘာပဲ​ပြော​ပြောလက်ရှိထွက်​ပေါ်​နေတဲ့ တန်ဟက်ရဲ့ နည်းပြ​ထိုင်ခုံလှုပ်ခတ်​နေမှုက အင်္ဂလန်နည်းပြ​ဟောင်း ​ဆောက်ဂိတ်ထပ်စာရင် နစ္စတယ်ရွိုင်းကပိုပြီးသင့်​တော်မယ်လို့လည်းထင်ပါတယ်။ ဒါ​တွေက နည်းပြတန်ဟက်ကိုမ​လေးစားလို့မဟုတ်ပဲ ​ပြောင်းလဲချိန်တန်ရင်​ပြောင်းလဲရမဲ့ အရာ​တွေကိုလက်ခံထားခြင်းသာဖြစ်ပါတယ်။ ​သေချာတာ​တော့ လာမဲ့ယူနိုက်တက်ပွဲစဥ်​တွေက တန်ဟက်ရဲ့ အနာဂတ်နဲ့တိုက်ရိုက်သက်ဆိုင်​နေပြီး ဘာ​တွေဆက်ဖြစ်လာမလဲဆိုတာစိတ်ဝင်စားဖို့​ကောင်း​နေပါတယ်။