အားကစားသတင်းများ

အကြီးကျယ် အခန်းနားဆုံး ကြယ်စင်စု အသင်းလို့ သတ်မှတ်ထားကြရတဲ့ ရီးရဲမက်ဒစ် အသင်းဘယ်က စတင်ခဲ့လဲ

blog image

February 28, 2025

   ကမ္ဘာပေါ်မှာ အအောင်မြင်ဆုံး နဲ့ အကြီးကျယ် အခမ်းနားဆုံး အသင်းတစ်သင်း ၊ ဥရောပဆုဖလား များစွာကို သိမ်းပိုက်နိုင်ထားတဲ့ အသင်းတစ်သင်းဖြစ်ပြီး ကြယ်စင်စု အသင်းလို့ သတ်မှတ်ရအောင်  ကောင်းပါတယ်ဆိုတဲ့ လူငယ် ၊ ကြယ်ပွင့် ကစားသမားတွေနဲ့သာဖွဲ့စည်းထားတဲ့ အသင်းတစ်သင်း အဲ့ဒိ အသင်းကတော့ ရီးရဲလ် မက်ဒရစ်အသင်း ပဲဖြစ်ပါတယ်။ ရီးရဲလ်မက်ဒရစ် အသင်းကို စပိန်နိုင်ငံ မက်ဒရစ်မြို့က စတင်ဖွဲ့စည်းခဲ့တာပဲဖြစ်ပါတယ်။  ၁၉၀၂ ခုနှစ်က စတင်ဖွဲ့စည်းပြီး မက်ဒရစ်ဆိုတဲ့ နာမည်နဲ့ စတင်ခဲ့တာပဲဖြစ်ပါတယ်။ ဘောလုံး ကစားသမားတိုင်းရဲ့ အိမ်မက် အသင်းတစ်သင်းဖြစ်တဲ့ ရီးရဲလ်မက်ဒရစ် အသင်း က သူတို့အသင်းရဲ့ နာမည် မက်ဒရစ်ရှေ့မှာ King Alfonso XIII က တော်ဝင်  ဆို တဲ့ အဓိပ္ပာယ်ရအောင် Real  ထည့်လိုက်တာကြောင့် ရီးရဲလ်မက်ဒရစ်ဆိုတဲ့ နာမည်ဖြစ်ပေါ်လာတာပဲဖြစ်ပါတယ်။


     ရီးရဲလ်မက်ဒရစ် အသင်းက အသင်းစထောင်တဲ့ ၁၉၀၂ ခုနှစ်ကတည်းက အခုချိန်ထိ အဖြူရောင် အင်္ကျီကို အစဥ်အလာအတိုင်းဝတ်ဆင်ခဲ့တာပဲဖြစ်ပါတယ်။ ရီးရဲလ်မက်ဒရစ် အသင်းရဲ့ logo ပုံစံ ကလဲ အမြဲလိုလို ပြောင်းလဲလာတာဖြစ်ပြီး အသင်း စတင်တည်ထောင်တဲ့ ၁၉၀၂ ခုနှစ်မှာတော့  M ပုံစံ logo တံဆိပ် တစ်ခုသာဖြစ်ပါတယ်။ အခုလက်ရှိသုံးနေတဲ့ ရီးရဲလ်မက်ဒရစ် အသင်းရဲ့ LOGO ကိုတော့ ၂၀၀၁ ခုနှစ်ကတည်းကစတင်သုံးလာခဲ့တာဖြစ်ပြီး ပုံစံတူ LOGO တစ်ခုကို ၁၉၉၇ ခုနှစ်ထဲ က အသုံးပြုနေခဲ့တာပဲဖြစ်ပါတယ်။ ၁၉၉၇ ခုနှစ်ထဲက အသုံးပြုနေတဲ့ ရီးရဲလ်မက်ဒရစ် အသင်းရဲ့ LOGO ကို  အရောင်အနည်းငယ်ပြောင်းလဲပြီး ၂၀၀၁ ခုနှစ်ထဲ ကစတင်အပြောင်းလဲ အသုံးပြုခဲ့တာပဲဖြစ်ပါတယ်။ ဒုတိယ ကမ္ဘာစစ်ဖြစ်ပွားခဲ့ပြီး  ၁၉၄၃ မှ စလို့ ဆန်တီယာဂို ဘာနေဗျူးက ရီးရဲလ်မက်ဒရစ်အသင်းရဲ့ ပိုင်ရှင်ဖြစ်လာခဲ့ပါတယ်။အသင်းကို  ပြန်လည်တည်ဆောက်ရေးတွေမှာ အခက်တွေ့ခဲ့ရတဲ့ ဘာနေဗျူးက အခုလက်ရှိရီးရဲလ် မက်ဒရစ် အသင်းရဲ့ အိမ်ကွင်းဖြစ်တဲ့ ဘာနေဗျူး ကွင်းကြီးကို ၁၉၄၇ ခုနှစ်ကစတင်တည်ဆောက်ခဲ့သလို ဥရောပ အသင်းတိုင်းနဲ့ ယှဥ်ပြိုင်နိုင်ရန်အတွက်လဲ နာမည်ကျော် ကစားသမားတွေကိုခေါ်ယူနိုင်ခဲ့ပါတယ်။


    ရီးရဲလ် အသင်းက ကြယ်စင်စု အသင်းတစ်သင်းဖြစ်လာခဲ့ပြီး ဆုဖလားများစွာကို သိမ်းပိုက်နိုင်ခဲ့ပါတယ်။  ပရိတ်သတ် အရေအတွက် ၈၅၀၀၀ လောက်ဝင်ဆံ့တဲ့  ဘာနေဗျူးကွင်းကြီးကို ၁၉၄၇ ခုနှစ်ကတည်းကနေ အခုချိန်ထိ ရီးရဲလ်မက်ဒရစ် အသင်းရဲ့ အိမ်ကွင်း အဖြစ် အသုံးပြုလာခဲ့တာပဲဖြစ်ပါတယ်။ ရီးရဲလ်မက်ဒရစ် အသင်းက အသင်းစတင်တည်ထောင်ပြီး ၃ နှစ် အကြာ ၁၉၀၅ ခုနှစ်မှာပဲ အသင်းရဲ့ ပထမဆုံး ဆုဖလားအောင်မြင်မှုဖြစ်တဲ့ ကိုပါဒယ်ရေးဖလား ကို ရရှိခဲ့တာပဲဖြစ်ပါတယ်။  ရီးရဲလ် အသင်း က ၁၉၀၆ ၊ ၁၉၀၇ ၊ ၁၉၀၈ ခုနှစ်တွေမှာလည်း ကိုပါဒယ်ရေးဖလားကို ထပ်မံသိမ်းပိုက်နိုင်ခဲ့ပြီး ၄ နှစ်ဆက် သိမ်းပိုက်နိုင်တဲ့ အသင်းတစ်သင်းဖြစ်လာခဲ့ပါတယ်။  ၁၉၃၂ ခုနှစ် အရောက်မှာ တော့ ရီးရဲလ်မက်ဒရစ် အသင်း က လာလီဂါဖလားကို စတင်သိမ်းပိုက်နိုင်ခဲ့တာပဲဖြစ်ပြီး ယခုအချိန်မှာတော့ ရီးရဲလ်မက်ဒရစ် အသင်းက လာလီဂါဖလားကို ၃၆ ကြိမ်တိုင်တိုင် ရရှိခဲ့ပြီး လာလီဂါရဲ့ အအောင်မြင်ဆုံး အသင်းတစ်သင်းဖြစ်ပါတယ်။ 


   ရီးရဲလ် အသင်းအောင်မြင်မှုတွေကို အကြီးအကျယ်ရရှိခဲ့ပြီး ၁၉၇၈ ခုနှစ်မှာတော့ ရီးရဲလ်မက်ဒရစ် အသင်းရဲ့ အသင်းပိုင်ရှင် ဆန်တီယာဂို ဘာနေဗျူး ဆုံးပါးသွားခဲ့ပါတယ်။ အဲ့နောက် ရီးရဲလ် အသင်းက အရင်ကလောက်မအောင်မြင်တော့ပဲ ဆုဖလားအနည်းငယ်ကိုသာ သိမ်းပိုက်နိုင်ခဲ့ပြီး  ၁၉၉၈ ခုနှစ်အရောက်မှသာ ရီးရဲလ်မက်ဒရစ်အသင်းက  ၃၂ နှစ်ကြာ အသင်းနဲ့ဝေးကွာနေတဲ့ ဥရောပ ဖလားကို ပြန်လည်သိမ်းပိုက်နိုင်ခဲ့တာပဲဖြစ်ပါတယ်။ ၂၀၀၀ ခုနှစ်မှာလဲ ဥရောပဖလားကိုနောက်ထပ်တစ်ကြိမ်သိမ်းပိုက်နိုင်ခဲ့ပါတယ်။ အဲနောက် ရီးရဲလ်မက်ဒရစ်အသင်းကို နိုင်ငံရေးသမားဟောင်း ဖလော်ရန်တီနို ပီရက်ဇ် က အသင်းရဲ့ ပိုင်ရှင်ဖြစ်လာခဲ့ကာ တစ်ရာသီမှာ အနည်းဆုံး နာမည်ကြီး ကစားသမား တစ်ယောက်ခေါ်ယူခဲ့ပြီး  ကမ္ဘာပေါ်မှာ အကျော်ကြားဆုံး အသင်းတစ်သင်းဖြစ်အောင်ပြုလုပ်ခဲ့တာပဲဖြစ်ပါတယ်။ အဲ့နောက်မှာ ရီးရဲလ်မက်ဒရစ်အသင်းက အလွန်တိုးတက်ကောင်းမွန်လာခဲ့ပြီး ယခု အချိန်ထိ ဆုဖလားတွေကို ဆက်တိုက်သိမ်းပိုက်လာနိုင်ခဲ့တာပဲဖြစ်ပါတယ်။ 


     ဥရောပ ဖလားတွေထဲမှာ အအောင်မြင်ဆုံး နဲ့ အကြီးကျယ်အခမ်းနားဆုံးသော ဖလား တစ်ခုဖြစ်တဲ့  ချန်ပီယံလိဂ် ဖလားကိုလည်း ၁၅ ကြိမ်အထိ သိမ်းပိုက်ထားနိုင်ပြီး ဥရောပ အရှင်ဘုရင်ဖြစ်လာခဲ့ပါတယ်။  ရီးရဲလ်မက်ဒရစ် အသင်း က ပြည်းတွင်းဆုဖလား စုစုပေါင်း ၇၁ လုံးထိ သိမ်းပိုက်နိုင်ခဲ့တာပဲဖြစ်ပါတယ်။  ဟုတ်ကဲ့ပါ ဒါတွေကတော့ ရီးရဲလ်မက်ဒရစ်အသင်း ရဲ့ စတင်ခဲ့ပုံပဲဖြစ်ပါတယ်။ အဆုံးထိဝင်ရောက်ဖတ်ရှုပေးတဲ့ တစ်ဦးတစ်ယောက်ချင်းစီတိုင်းကိုကျေးဇူးအများကြီးတင်ရှိပါတယ်။ 

#mmmedia 

#realmadrid 

#spain

#football

#Europe

Related Sports News