အားကစားသတင်းများ
2024-25 ရာသီ ပရီးမီးယားလိဂ် အကောင်းဆုံး ကစားသမား ၅ ယောက်
April 1, 2025
၂၀၂၄-၂၅ ဘောလုံးရာသီ ကလဲ မကြာခင်ပြီးဆုံးတော့မှာဖြစ်ပြီး လက်ကျန်ကစားဖို့ ၉ ပွဲသာကျန်တော့တာပဲဖြစ်ပါတယ်။ ဒီနှစ် ပရီးမီးယားလိဂ် အသင်းတော်တော်များများက တိုးတက်လာတာတွေရှိသလို အချို့အသင်းကြီးတွေကလည်း အဘက်ဘက်က အဆင်မပြေမှုတွေနဲ့ ရင်ဆိုင်ခဲ့ရပြီး တိုင်ပတ်နေကြတာကိုလည်းတွေ့မြင်ရမှာပဲဖြစ်ပါတယ်။ ဒီနှစ်ရာသီမှာလည်း ခြေစွမ်းကောင်းတွေပြသပြီး အသင်းကို အကောင်းဆုံးထမ်းတင်ပေးနေတဲ့ကစားသမားပေါင်းများစွာရှိပါတယ်။ဒီနေ့တင်ဆက်ပေးသွားမှာကတော့ 2024-25 ဘောလုံးရာသီ ပရီးမီးယားလိဂ် ရဲ့ အကောင်းဆုံး ကစားသမား ၅ ယောက် အကြောင်းပဲဖြစ်ပါတယ်။
၁. ဆာလတ်
ဆာလတ်ကတော့ ဒီရာသီ အထူးခြေစွမ်းပြနေပြီး On Fire ဖြစ်နေတဲ့ ကစားသမား တစ်ယောက်လည်းဖြစ်တယ်။ လီပါပူး အသင်းရဲ့ တိုက်စစ်ကို အဓိက ဦးဆောင်မောင်းနှင်နေပြီး ဂိုးတွေရှယ်သွင်းပြနေတဲ့ကစားသမားတစ်ယောက်လည်းဖြစ်ပါတယ်။ လီပါပူး အသင်းအတွက် မရှိမဖြစ်ကာစားသမား တစ်ဦးဖြစ်ပြီး ဆာလတ်မပါတဲ့ လီပါပူးကို ကြည့်ရတာ ဘောလုံးရသ အပြည့်အဝ မခံရသလို ခံစားရပါတယ်။ ဒီရာသီ ဆာလတ်က လီပါပူး အသင်းအတွက် ပရီးမီးယားလိဂ် ၂၉ ပွဲမှာ ၂၇ ဂိုးအထိ သွင်းယူးထားပြီး ၁၇ ဂိုးအထိ ဖန်တီးပေးထားနိုင်တာပဲဖြစ်ပါတယ်။ ၂၀၂၄-၂၅ ဘောလုံးရာသီ ပရီးမီးယားလိဂ် ရွှေဖိနပ်ဆု အတွက်လည်း ဒုတိယနေရာက ဟာလန်းကို ၆ ဂိုးအထိ ဖျက်ထားနိုင်တာပဲဖြစ်ပါတယ်။
၂. ခူညာ
ဝုစ် အသင်းရဲ့ အကောင်းဆုံး ကစားသမား တစ်ဦးဖြစ်တဲ့ ခူညာကလည်း ဒီစာရင်းမှာ မပါမဖြစ် ကစားသမား တစ်ဦးလည်းဖြစ်ပါတယ် ။ ဝုစ် အသင်းကို တစ်ယောက်ထဲ အားနဲ့ အကောင်းဆုံးထမ်းတင်နေပြီး ကမ္ဘာ့အဆင့်ခြေစွမ်းတွေကို ပွဲတိုင်းလိုလို ပြသနိုင်ခဲ့တာပဲဖြစ်ပါတယ်။ ခူညာ မပါဝင်တဲ့ ဝုစ် အသင်းက အဘက်ဘက်က အားနည်းတာကိုလည်း တွေ့ရပါတယ်။အဲ့အချက်ကို ကြည့်ရင် ခူညာက ဝှစ် အသင်းအတွက် ဘယ်လောက် အရေးကြီးတဲ့ ကစားသမားတစ်ယောက်ဖြစ်တယ်ဆိုတာ သိမယ်ထင်ပါတယ်။ ဒီနှစ်ဘောလုံးရာသီမှာ ခူညာကလည်း အကောင်းဆုံးခြေစွမ်းတွေကို ပြသနိုင်တဲ့ ကစားသမားတွေထဲက တစ်ယောက်ပဲဖြစ်ပါတယ်။
၃. ဗန်ဒိုက်
ဗန်ဒိုက်က ဘယ်လောက်ကောင်းတဲ့ ကစားသမားတစ်ဦးဖြစ်တယ်ဆိုတာပြောပြနေဖို့တောင်မလိုဘူးထင်ပါတယ်။ လီပါပူး အသင်း ကို နည်းပြ ကလော့ ပြန်လည်ပြုပြင်တည်ဆောက်တဲ့ အချိန်ကတည်းက အခုချိန်ထိ လီပါပူး အသင်းအတွက် အတော်လေးအရေးပါတဲ့ ကစားသမား တစ်ယောက်ဖြစ်ပါတယ်။ ဒီရာသီ လီပါပူး အသင်းရဲ့ ခံစစ်ကို အကောင်းဆုံးပုံစံ ဖြစ်အောင် ခေါင်းဆောင် အရည်အချင်းအပြည့်အဝ နဲ့ ဦးဆောင်ကာကွယ်နေတဲ့ သူ က ဗန်ဒိုက်ပဲဖြစ်ပါတယ်။ ဝါရင့် ကစားသမားတွေနဲ့ ပဲ တွဲကစားကစား ၊ လူငယ်လေးတွေနဲ့ တွဲကစားကစား တသမက်ထဲ ခြေစွမ်းကို ပြသနိုင်တဲ့ ဗန်ဒိုက်ကလည်း ဒီစာရင်းမှာ ပါကိုပါရမယ့် ကစားသမား တစ်ယောက်လည်းဖြစ်ပါတယ်။
၄. ကိုလ်းပါမား
ကိုလ်းပါမား ဆိုတဲ့ ကစားသမားကတော့ အလွန်အံဩ စရာကောင်းတဲ့ ကစားသမား တစ်ဦးလည်းဖြစ်ပါတယ်။ ချယ်ဆီး အသင်း အဆင်မပြေနေတဲ့ အချိန် မန်စီးတီး အသင်းရဲ့ အရံခုံတန်းကနေ ရောက်ရှိလာခဲ့တဲ့ ပါးမား က ချယ်ဆီး အသင်းကို ရောက်ရောက်ချင်းမှာပဲ မန်စီးတီး အသင်း ရောင်းလိုက်တာ နှမြောတဲ့ စိတ် ဖြစ်လောက်အောင်ကို ခြေစွမ်းပြခဲ့ပြီး တစ်ဦးချင်းဆုတံဆိပ်တွေကို သိမ်းပိုက်ပြထားတဲ့ ကစားသမား တစ်ယောက်လည်းဖြစ်ပါတယ်။ ဒီရာသီမှာလည်း ချယ်ဆီး အသင်း အတွက် မရှိမဖြစ် ကစားသမား တစ်ဦးဖြစ်ပြီး ပါးမား မပါတဲ့ ချယ်ဆီး အသင်းရဲ့ တိုက်စစ် က ဆားမပါတဲ့ ဟင်းလိုပဲ ဘာလိုလို့ လိုမှန်းမသိဖြစ်ရပါတယ်။ ပါးမား မပါတဲ့ ချယ်ဆီး အသင်းက ဂိုးရဖို့ခက်ခဲတာကိုလည်းတွေ့မြင်ရမှာဖြစ်ပါတယ်။ ချယ်ဆီး အသင်းရဲ့ တိုက်စစ်ကို ဦးဆောင်နေတဲ့ ပါးမားက ချယ်ဆီး အသင်းတိုက်စစ်ရဲ့ သွေးကြောပဲဖြစ်ပါတယ်။ ဒီရာသီ ချယ်ဆီး အသင်းအတွက် ကိုလ်းပါမား က 14 ဂိုးသွင်းပြီး 6 ဂိုး ဖန်တီးမှုပြုလုပ်ထားတာပဲဖြစ်ပါတယ်။
၄. အာနိုး
ဒီနှစ် ပရီးမီးယားလိဂ် ရဲ့ အကောင်းဆုံး ကစားသမား စာရင်းကို လီပါပူး အသင်းရဲ့ ကစားသမားတော်တော်များများက ဦးဆောင်နေတာပဲဖြစ်ပါတယ်။ အာနိုး ကလည်း ဒီစာရင်းမှာ မရှိမဖြစ်ကစားသမား တစ်ဦးလည်းဖြစ်ပြီး အာနိုး ရဲ့ ခြေစွမ်းကြောင့် ဥရောပ အသင်းကြီး တစ်သင်းဖြစ်တဲ့ ရီးရဲလ်မက်ဒရစ် အသင်း က လိုချင်နေတာပဲဖြစ်ပါတယ် ။ တိုက်စစ် အားသန်တဲ့ fullback ကစားသမားဖြစ်တာကြောင့် လီးပါပူး အသင်းအတွက် အရေးပါပြီး လှပတဲ့ ဖြတ်တင်ဘောတွေကို ပွဲတိုင်းနီးပါး အားနိုးဆီကနေ ရရှိနေတာပဲဖြစ်ပါတယ်။
ဟုတ်ကဲ့ပါ ဒီနေ့တင်ဆက်ပေးသွားတာတော့ 2024-25 ရာသီ ပရီးမီးယားလိဂ် အကောင်းဆုံး ကစားသမား ၅ ယောက် ပဲဖြစ်ပါတယ်။ အဆုံးထိ ဝင်ရောက်ဖတ်ရှုပေးတဲ့ တစ်ဦးတစ်ယောက်ချင်းစီတိုင်းကိုကျေးဇူးအများကြီးတင်ရှိပါတယ်။
#mmmedia
#premierleague
#mohamedsalah
#matheuscunha
#virgilvandijk
#colepalmer
#trentalexanderarnold
Related Sports News
အသင်းရဲ့ လိုအပ်နေတဲ့ နေရာတွေမှာ အကောင်းဆုံး အစားထိုးမှုတွေကို ပြုလုပ်နိုင်နေတဲ့ ရီးရဲလ် မက်ဒရစ် အသင်း
April 2, 2025
အသက်ကြီးပေမဲ့ နှစ်ချို့ဝိုင်ဖြစ်နေဆဲ မိုဟာမက်ဆာလပ်စ်
April 2, 2025
အက်စတွန် ဗီလာ အသင်းအနေနဲ့ ရာသီကုန်မှာ မာကပ် ရက်ဖို့စ်ကို အပြီးသတ်ခေါ်ယူသွားနိုင်မလား ?
April 2, 2025
သောမက်တူချယ် ရဲ့ England အသင်း ဘယ်လောက်ထိ အောင်မြင်မှုရနိုင်မလဲ?
April 1, 2025
အာဆင်နယ် အသင်း ရဲ့ နှမြောစရာကောင်းတဲ့ တိုက်စစ်မှူးတစ်ဦး
April 1, 2025