အားကစားသတင်းများ

အာဆင်နယ် အသင်း ရဲ့ နှမြောစရာကောင်းတဲ့ တိုက်စစ်မှူးတစ်ဦး

blog image

April 1, 2025

   အတိတ်က အကြောင်းတွေပြန်တွေးမိရင် အာဆင်နယ် အသင်းမှာ  ထိုက်သင့်တာထက် ပိုပြီး ခြေစွမ်းကောင်းတွေကို ပြသနိုင်ခဲ့တဲ့ တိုက်စစ်မှူးတစ်ဦးကို အမှတ်ရစေတယ်။ အဲ့ဒီ တိုက်စစ်ကစားသမားကတော့ အူဘာမီယန် ပဲဖြစ်ပါတယ်။ အာဆင်နယ် အသင်းရဲ့ ဟင်နရီ နောက်ပိုင်း တိုက်စစ်ကို ကောင်းကောင်းကြီး ဦးဆောင်နိုင်မယ့် တိုက်စစ်မှူးတစ်ယောက်ကို မတွေ့ရတာကြာခဲ့ပါပြီ။ အသင်းမှာ ကစားသမား ကခြေစွမ်းကောင်းရင် ဒဏ်ရာပြသနာနဲ့ ရင်ဆိုင်ရလိုက် ၊ အသင်းနဲ့ အဆင်မပြေပဲ အသင်းကနေ ထွက်ခွာသွားလိုက်နဲ့ အာဆင်နယ် အသင်းရဲ့ တိုက်စစ်နေရာအတွက် ကစိုးရိမ်စရာ ဖြစ်ခဲ့ပါတယ်။ အဲ့ဒီ အာဆင်နယ် အသင်းပရိတ်သတ်တွေ ရဲ့ စိုးရိမ်မှုတွေကို အူဘာမီယန် တစ်ယောက် ကောင်းကောင်းကြီး ချေဖျက်ပေးနိုင်ခဲ့တာပဲဖြစ်ပါတယ်။   အာဆင်နယ် ပရိတ်သတ်တော်တော်များများက အာဆင်နယ် အသင်းကို တိတ်တဆိတ်နဲ့ ရောက်ရှိခဲ့ပြီး အသင်းအတွက် အများကြီး အထောက်အကူပြုပြီး ပရိတ်သတ်တွေရဲ့ အသဲနှလုံးကို ဆွဲလှုပ်ခက်ခဲ့တဲ့ ကစားသမားကို အိုဇေးလို့ထင်မှတ်ကြပေမယ့် အူဘာမီယန် ကလည်း အာဆင်နယ် အသင်းပရိတ်သတ်တွေရဲ့ ရင်ထဲကို ရောက်မှန်းမသိ ရောက်နေရတဲ့ ပရိတ်သတ် အချစ်တော် ကစားသမား တစ်ယောက်ဖြစ်ပါတယ်။


    ၂၀၁၈ ခုနှစ်မှာ အူဘာမီယန် တစ်ယောက် အာဆင်နယ် အသင်းကို ရောက်ရှိခဲ့ပြီး  မကြာခင်မှာပဲ   အာဆင်နယ် အသင်းရဲ့ တိုက်စစ်ပြသာနာကို ဖြေရှင်းပေးနိုင်မယ့် ကစားသမား တစ်ယောက်ဖြစ်တယ်ဆိုတာ ပရိတ်သတ်တော်တော်များများကိုသက်သေပြနိုင်ခဲ့တာပဲဖြစ်ပါတယ်။ အူဘာမီယန် က သူ့ရဲ့ စွမ်းဆောင်ရည် တွေနဲ့ အာဆင်နယ် အသင်းတိုက်စစ်ကို အများကြီး ပြန်လည်ရှင်သန်စေခဲ့ပေမယ့် သူရောက်ရှိခဲ့တဲ့အချိန် အာဆင်နယ်က  အခု အာဆင်နယ်လို အဘက်ဘက် က အဆင်ပြေနေတဲ့ အသင်းတစ်သင်းမဟုတ်ပဲ    အခြေအနေ တွေ အားလုံးက ရှုပ်ထွေးနေတဲ့ အသင်းတစ်သင်းပဲဖြစ်ပါတယ်။  နောက်ဆုံးမှာတော့ အာဆင်နယ် အသင်းနဲ့ အူဘာမီယန် က အဆင်မပြေဖြစ်ခဲ့ရပြီးအသင်းကနေထွက်ခွာသွားခဲ့တာပဲဖြစ်ပါတယ်။ အာဆင်နယ် အသင်း ရဲ့ ပြသာနာ အရပ်ရပ် နဲ့ ရင်ဆိုင်နေရတဲ့ အချိန် အူဘာမီယန်နဲ့ အာဆင်နယ် အသင်းရဲ့ လမ်းခွဲမှုကတော့ အဆင်မပြေခဲ့ပါဘူး။ 


   အာဆင်နယ် အသင်းက အူဘာမီယန် ထွက်ခွာ သွားပြီး ၂နှစ်လောက် အကြာမှသာ အခြေအနေ အဖက်ဖက် ကနေ တိုးတက်ကောင်းမွန်လာခဲ့တဲ့ အသင်း တစ်သင်းဖြစ်လာခဲ့တာပဲဖြစ်ပါတယ်။ အဲ့ချိန်မှာသာ အာဆင်နယ် အသင်းရဲ့ တိုက်စစ် နေရာအတွက် အူဘာမီယန်သာ ရှိခဲ့ရင်ဆိုတဲ့ အတွေးက အာဆင်နယ် အသင်း ပရိတ်သတ်တွေ အတွက်တော့ လွမ်းဆွတ်ဖွယ်ကောင်းစေပါတယ်။ အူဘာမီယန် က အာဆင်နယ် အသင်းအတွက် အများကြီး အထောက် အကူ ပြုခဲ့တယ်။ဂိုးတွေ ကို လိုအပ်ရင် လိုအပ်သလို သွင်းပေးနိုင်ခဲ့တယ်။ အသင်းရဲ့ ပြသာနာ အမျိုးမျိုး နဲ့ ရင်ဆိုင်ရပြီး အကျပိုင်းကို ရောက်နေတဲ့ အချိန် တစ်ကိုယ်တော် အားနဲ့ အများကြီး ထမ်းတင်ပေးခဲ့တယ်။ အဲ့တာတွေက အာဆင်နယ် ပရိတ်သတ်တွေ အတွက်တော့ ဟင်နရီ နောက်ပိုင်း တိုက်စစ်မှုးနေရာ အတွက် စိုးရိပ်ပူပန်နေရတဲ့ အသင်းကို ထမ်းတင်ပေးခဲ့တဲ့ အူဘာမီယန်ကို လွမ်းစေတဲ့ အကြောင်းအရာတွေပဲဖြစ်ပါတယ်။


   အခုအချိန်မှာလည် အာဆင်နယ် အသင်းက တိုက်စစ်နေရာ အတွက် ပြသာနာ ကို ဖြေရှင်းနေရတဲ့ အသင်းတစ်သင်းဖြစ်ပါတယ်။ ဒီလို တိုက်စစ်ပြသာနာ တွေကို ဟင်နရီနောက်ပိုင်း အမြဲလိုလို ရင်ဆိုင်နေရတဲ့ အာဆင်နယ် အသင်း အတွက်ကတော့ အူဘာမီယန်က လွမ်းဆွတ်ဖွယ် အကောင်းဆုံးသော တိုက်စစ်မှူး တစ်ယောက်ဖြစ်တယ်လို့ ပြောရင်း ဒီမှာပဲ အဆုံးသတ်ပါရစေ။ အဆုံးထိ ဝင်ရောက်ဖတ်ရှုပေးတဲ့ တစ်ဦးတစ်ယောက်ချင်းစီတိုင်းကို ကျေးဇူး အများကြီးတင်ရှိပါတယ်။                                                             


အပြည့်အစုံကြည့်ရန် >>>>

#mmmedia 

#arsenal

#aubameyang

#thierryhenry

#attacking 


Related Sports News