အားကစားသတင်းများ

One ပြိုင်ပွဲတွေဆီရောက်ရှိလာတော့မယ့် ကယန်းသူလေး ဘရော်နီကာ

blog image

October 4, 2024

ဘရော်နီကာ ကတော့ကျွန်တော်တို့တွေ ထွေထွေထူးထူးပြောစရာမလိုတော့ပါဘူး။ ယောက်ျားတစ်ယောက်လို ကြံ့ခိုင်မှုတွေနဲ့ မွေထိုင်းပြိုင်ပွဲတွေမှာ တည်ပေးစရာပြိုင်ဘက်မရှိလောက်အောင်ကို နာမည်တစ်လုံးရရှိထား တဲ့ကြယ်တစ်ပွင့် ဖြစ်တယ်ဆိုတာအားလုံးသိရှိပြီးသားဖြစ်ပါတယ်။ နောက်ပြီး One မှာယှဉ်ပြိုင်ချင်တာ ၊ One ရဲ့ ချန်ပီယံခါးပတ်ကိုရယူချင်တာတွေက သူ့ရဲ့အိမ်မက်တွေဖြစ်တယ်ဆိုတာလည်း ကျွန်တော်တို့တွေ မကြာခန ဆိုသလိုမြင်တွေ့ခဲ့ပြီးတဲ့အရာဖြစ်ပါတယ်။ ဒါကြောင့် သူ One ကိုရောက်လာမဲ့ အချိန်ကို အားလုံးကစောင့်ဆိုင်း နေကြပြီး ပွဲစဉ်ကောင်းတွေကိုမြင်တွေ့ရဖို့မျှော်လင့်နေကြတာဖြစ်ပါတယ်။
လက်ရှိအချိန်မှာတော့ အဲ့ဒီမျှော်လင့်ချက်တွေဟာ အသက်ဝင်လာခဲ့ပြီး ဘရော်နီကာဟာ One နဲ့စာချုပ် ချုပ်ဆိုခဲ့ပြီး လာမဲ့နှစ်အစပိုင်းလောက်မှာ ဘရော်နီကာ ရဲ့ပွဲစဉ်တွေကို မြင်တွေ့ ရတော့မယ်လို့သိရပါတယ်။ ဒီအကြောင်းအရာတွေက တရားဝင်ထုတ်ပြန် ထားတာ တော့မရှိသေးပေမဲ့ သေချာတဲ့သတင်းတွေအရ ဘရော်နီကာနဲ့ One နဲ့စာချုပ်ခဲ့ပြီးပြီဆိုတာသေချာနေခဲ့ပါတယ်။ နောက်ပြီး ဘရော်နီကာရဲ့ အကောင့်မှာလည်း အရိပ်အမွတင်ထားတာဖြစ်လို့ ဒါကဖြစ်နိုင်ခြေရှိပြီး လာမဲ့နှစ်မှာ သေချာပေါက် One မှာမြင်တွေ့သွား ရတော့ မှာဖြစ်ပါတယ်။ပြောရမယ်ဆို ဒါတွေ ဖြစ်ပေါ်လာမယ်ဆိုတာ အားလုံးသိထားကြပြီး ဘရော်နီကာလို ဖိုက်တာမျိုး One ကလက်လွှတ်မခံဘူး ဆိုတာလည်း သိထားခဲ့ကြပါတယ်။ ဒီနေရာမှာ စိတ်ဝင်စား ဖို့ကောင်းတာက One ဘက်က ဘရော်နီကာ ကိုစာချုပ်လိုက်တာထပ် ဘယ်လိုပုံစံမျိုး နဲ့ချုပ်ဆိုလိုက် လဲဆိုပြီးတော့ပါ။ ဘရော်နီကာ လိုဖိုက်တာမျိုးက ဘာမှသက်သေပြစရာ မလိုတော့တာမို့ တစ်ခါထဲ ပြိုင်ပွဲကြီးတွေမှာ ယှဉ်ပြိုင် ဖို့အတွက် ချုပ်တာလား ၊ One Friday Fights လိုပုံစံမျိုးနဲ့ပဲ တစ်ဆင့်ချင်းစီ ယှဉ်ပြိုင်သွားရဖို့အတွက်ပဲလား ဆိုပြီး ဖြစ်ပါတယ်။
သေချာတာကတော့ ဘရော်နီကာကို One မှာမြင်တွေ့ရတော့မယ် ၊ လက်ရှိအချိန်မှာလည်း မြန်မာဖိုက်တာတွေ ကထိုင်းပရိတ်သတ်တွေအပါအဝင် မွေထိုင်းပရိတ်သတ်တွေကြားမှာလည်း လေးစားမှုတွေရနေတော့ ဘရော်နီကာ အတွက်က One ကိုရောက်ရှိတဲ့အချိန်ကအချိန်ကောင်းလို့ဆိုရပါမယ်။ ကျွန်တော်တို့ မြန်မာ ပရိတ်သတ်တွေအတွက်လည်း ချန်ပီယံခါးပတ်ကို ကိုင်မြှောက်ပေးနိုင်မယ့် ဖိုက်တာကို အားပေးရတော့မှာ ဖြစ်တဲ့အတွက် အရင်ကထပ်ပိုပြီးအားအင်တွေအပြည့်နဲ့အားပေးနိုင်တော့မှာဖြစ်ပါတယ်။
ဘရော်နီကာ ရဲ့မွေထိုင်းဆုတံဆိပ်များ ✨
Thai Fight Kard Chuek 2022 (53kg) ချန်ပီယံ
Thai Fight Kard Chuek 2023 (54kg) ချန်ပီယံ
(WMO) No. 1 Ranked Women Bantamweight (53kg)
((WBC) Muay Thai No. 1 Contender Women Bantamweight (53kg)
2022 WMO Female Fighter of the Year

#K9WinSportsMedia
#onechampionship
#veronika

Related Sports News