မြန်မာ MLBB Esport  လောကအတွက်   သတင်းကောင်းတစ်ခုဖြစ်ပြီး  MPL အစားထိုး ပြိုင်ပွဲ တစ်ခုဖြစ်တဲ့ MLBB Super League  _MSL MM Season 1 ပြိုင်ပွဲကြီးတစ်ခု ကျင်းပတော့မယ်လို့ မကြာသေးခင်က ကြေညာခဲ့တာပဲဖြစ်ပါတယ်။ အရင် MPL ပြိုင်ပွဲ မဟုတ်တော့လို့ အားနည်းချက်တွေနဲ့ ပြိုင်ဆိုင်မှုပြင်းထန်မှုတွေက လျော့ကျသွားမလားလို့ ပရိတ်သတ်တွေ က ထင်ကြပေမယ့် MSL MM season 1 က ကျွန်တော်တို့ထင်ထားတာထက် ပြိုင်ဆိုင်မှု ပိုမို ပြင်းထန်မယ့်ပြိုင်ပွဲတစ်ခုဖြစ်လာမှာပဲဖြစ်ပါတယ်။ အရင် MPL အချိန်တွေကထက် ယခု အချိန်မှာ ပိုမိုတောင့်တင်းတဲ့ esport organization တွေပိုမို များပြားလာတာက တစ်ကြောင်း အရင်ကလို ပြိုင်ပွဲ တစ်ခုလုံးမှာ အားပြိုင်မှုကောင်းတဲ့ အသင်း ၊ လက်ရည်တူတဲ့ အသင်း ၂ သင်း ၃ သင်း ပဲရှိတာမဟုတ်တော့ပါဘူး။ အခုအချိန်မှာ လူငယ် လက်သစ်ကစားသမား တွေရော ၊ အတွေ့အကြုံ ပိုင်းနဲ့ပတ်သတ်ရင် အချိန်တစ်ခုထိ အတွေ့အကြုံတွေများစွာရရှိထားတဲ့ ကစားသမားတွေရော ၊ ဝါရင့် ကစားသမားတွေရော ပိုမိုများပြားလာပြီး အခုနောက်ပိုင်း အသင်းတိုင်းကလဲ အရင်က ထက်ပိုမိုအားကောင်းလာတာကို အရင်က ပြိုင်ပွဲတွေမှာ မျက်မြင်တွေ့ရှိခဲ့ရပြီးပြီပဲဖြစ်ပါတယ်။ 

    MPL  ကျင်းပခဲ့တဲ့ အချိန်တွေတုန်းကဆို  အင်းအားကြီး အသင်းတွေဆိုလို့ Burmese  Ghouls ၊ Yangon Galaticos ၊ Claw Esport  စတဲ့ အသင်း ၃ သင်း ကသာ ကြီးစိုးခဲ့ပြီး ကျန်တဲ့ အသင်းတွေက အားနည်းတဲ့ အသင်းတွေသာဖြစ်ခဲ့ပါတယ်။ အခုအချိန်မှာတော့  အသင်းတိုင်းလိုလို က  အရင်က Burmese  Ghouls ၊ Yangon Galaticos ၊ Claw Esport အသင်းတွေထက် ပြိုင်ပွဲတွေကို အတည်တကျ အားထည့်လာတာကြောင့် ပြိုင်ပွဲတိုင်းလိုလို က အရင်ကပွဲတွေထက် ပိုပိုမြိုင်လာတာကို တွေ့မြင်ခဲ့ကြပြီးပြီပဲဖြစ်ပါတယ်။ အရင် MPL တုန်းက အသင်း ၈ သင်းသာပါဝင်ခဲ့ပြီး အခုချိန်MSL MM  မှာတော့ အသင်း ၁၀ သင်းအထိ ပါဝင်မှာပဲဖြစ်ပါတယ်။ အခုအချိန်မှာဆိုရင်  Falcon Esport  ၊ Ai Esport ၊  ZINO Esport ၊ MythicSEALတို့က ခိုင်မာတောင့်တင်းတဲ့ အသင်းကြီးတွေဖြစ်ကြပြီး Divine Era  Esport  အသင်းကလည်း အခုမှ ကစားသမား ကောင်းတွေနဲ့ ပြန်လည်ဖွဲ့စည်းထားခဲ့တာကြောင့် စောင့်ကြည့်ချင်စရာ အကောင်းဆုံး အသင်းတစ်သင်းလည်းဖြစ်ပါတယ်။ 

   MSL MM season 1 မှာတော့ အသင်း ၆ သင်းက Diret Invited  ရရှိခဲ့ပြီး ကျန်တဲ့ ၄ သင်းကတော့ Qualifier အနေနဲ့ပါဝင်မှာပဲဖြစ်ပါတယ်။ MSL MM season 1 မှာ AI Esports ၊   Falcon Esports ၊   Burmese Ghouls ၊  MythicSEAL ၊  ZINO Esports နဲ့ Divine Era Esports  စတဲ့ အသင်းကြီး ၆ သင်း က Diret Invited   အသင်းဖြစ်မယ်လို့ လူတော်တော်များများက သတ်မှတ်ခဲ့ကြပြီး   ကျန်တဲ့ လေးသင်းကိုတော့ Open Qualifier  အဖြစ် မတ်လ ၁ ရက်နေ့နဲ့  ၂ ရက်နေ့တွေမှာ ကျင်းပပေးသွားမှာပဲဖြစ်ပါတယ်။ Regular season ကိုတော့ မတ်လ ၁၄ ရက်ကနေစတင်ကျင်းပသွားမှာဖြစ်ပါတယ်။ Regular season  အတွင်းမှာ အသင်း 10 သင်းက တစ်သင်းနဲ့ တစ်သင်း  တစ်ကြိမ်ဆီ ထိပ်တိုက်ရင်ဆိုင်ရမှာပဲဖြစ်ပါတယ်။ရှုံးထွက်ပွဲစဥ်များကို Play -In နဲ့ Play - off ဆိုပြီး 2 မျိုးခွဲကျင်းပသွားမှာပဲဖြစ်ပါတယ်။Play Off ပွဲတွေကို ကျင်းပမယ့် ဇွန်လ 7 ရက်နေ့တွေနဲ့ 8 ရက်နေ့တွေက အသင်းကြီးတွေ အပြင် ကောင်းနေပါတယ်ဆိုတဲ့ အသင်းတွေ ထိပ်တိုက်တွေဆုံနိုင်တဲ့ Main Event နေ့ဖြစ်ဖို့များတာပဲဖြစ်ပါတယ်။

   ဒီ MSL MM Season 1  က ပြိုင်ပွဲကြီးတွေနဲ့ ဝေးကွာနေတဲ့ ကျွန်တော်တို့ မြန်မာပရိတ်သတ်တွေအတွက်တော့ စောင့်ကြည့်ချင်စရာ အကောင်းဆုံးပြိုင်ပွဲတစ်ခုပဲဖြစ်ပါတယ်။ ဟုတ်ကဲ့ပါ ဒီနေ့တင်ဆက်ပေးသွားတာကတော့ ကျွန်တော်တို့ မြန်မာ MLBB ပရိတ်သတ်တိုင်း‌ရော ကစားသမားတိုင်းရောတောင်းဆိုနေကြတဲ့ mplလိုပြိုင်ပွဲကြီးမလာခင်မှာတော့စောင့်ကြည့်ချင်စရာ အကောင်းဆုံးပြိုင်ပွဲကြီးတစ်ခုဖြစ်တဲ့ msl  mm SEASON 1 အကြောင်းပဲဖြစ်ပါတယ်။အဆုံးထိဝင်ရောက်ဖတ်ရှုပေးခဲ့ကြတဲ့တစ်ဦးတစ်ယောက်ချင်းစီတိုင်းကိုကျေးဇူးအများကြီးတင်ရှိပါတယ်။