အင်္ဂလန် ဘောလုံး အသင်းတွေအတွက် နှမြောဖို့ ကောင်းလောက်အောင်  အကောင်းဆုံး အသုံးမချလိုက်နိုင်တဲ့ ကစားသမား ၊ အခြားကွင်းလယ် ခံစစ်ကစားသမားတွေနဲ့ မတူကွဲပြားခြားနားတဲ့ ကစားဟန်နဲ့ ကစားတဲ့ ကစားသမား တစ်ယောက် ၊ လှပညက်ညောတဲ့ 𝐬𝐡𝐨𝐫𝐭 𝐩𝐚𝐬𝐬 ၊ 𝐥𝐨𝐧𝐠 𝐩𝐚𝐬𝐬 တွေကို ထမင်းစားရေသောက် ပေးနိုင်တဲ့ ကစားသမား တစ်ယောက် အဲ့ဒိ ကစားသမား ကတော့ တစ်ချိန်က မန်ချက်စတာယူနိုက်တက်အသင်းရဲ့ အသံတိတ် လက်နက် ဖြစ်ခဲ့တဲ့ မိုက်ကယ် ကားရစ် ပဲဖြစ်ပါတယ်။ အင်္ဂလန် နိုင်ငံ သား တစ်ယောက် ဖြစ်ပေမယ့် မိုက်ကယ် ကားရစ်ရဲ့ ကစားပုံက လှပသေသပ်ပြီး အင်္ဂလန် ကစားသမား တစ်ယောက် နဲ့ မတူပဲ စပိန် ကစားဟန် နဲ့ ပိုတူတာပဲဖြစ်ပါတယ်။  မိုက်ကယ် ကားရစ်ကို  ၁၉၈၁ ခုနှစ် ဇူလိုင်လ ၂၈ ရက်နေ့မှာ နယူးကာဆယ် ယူနိုက်တက် အသင်းတည်ရှိရာ ဒေသဖြစ်တဲ့ 𝐓𝐲𝐧𝐞 𝐚𝐧𝐝 𝐰𝐞𝐚𝐫  မှာ မွေးဖွားခဲ့တာပဲဖြစ်ပါတယ်။ ကာရစ် က ငယ်စဥ်ကတည်းက ဘောလုံးကစား လာခဲ့ပြီး ငယ်စဥ်ကတော့ တိုက်စစ်နေရာမှာ ကစားခဲ့တာပဲဖြစ်ပါတယ်။

    ကားရစ်က သူရဲ့ အသက်ကိုးနှစ် အရွယ်မှာ မစ်ဒယ်ဘရော့ ၊ စတုတ်စီးတီး ၊ အာဆင်နယ် ၊ ချယ်ဆီး ၊ ခရစ္စတယ်ပဲလေ့စ်  စတဲ့ အသင်းရဲ့ အကယ်ဒမီတွေမှာ ဝင်ရောက် အရွေးခံခဲ့ပေမယ့် မအောင်မြင်ခဲ့ပါဘူး။ကားရစ်တစ်ယောက်ကျောင်းဘောလုံးပွဲတော်တော်များများ မှာ ရွေးချယ်ခံခဲ့ရပြီး သူ့ရဲ့ အရည်အချင်းတွေကို ပြသနိုင်ခဲ့ပါတယ် ။ ကားရစ်ရဲ့ ‌ခြေစွမ်းတွေကို ဝက်စ်ဟမ်း ယူနိုက်တက် အကယ်ဒမီရဲ့ ကင်းထောက်တွေက ကြိုက်နှစ် သက်ခဲ့ပြီး အသက် ၁၅ နှစ်  အရွယ်မှာပဲ ကားရစ်တစ်ယောက်   ကစားသမား ကောင်းများစွာထွက်တဲ့ ဝက်စ်ဟမ်း အကယ်ဒမီ ကို ရောက်ရှိခဲ့ပါတယ်။ ကားရစ်တစ်ယောက် ဝက်စ်ဟမ်း အကယ်ဒမီ ကိုရောက်ရှိပြီးနောက် ပုံမှန် ကစားခဲ့တဲ့ တိုက်စစ်မှူးနေရာ ထက်ကွင်းလယ်ခံစစ် ကစားသမား တစ်ယောက် အနေနဲ့သာ ကစားခဲ့ရတာပဲဖြစ်ပါတယ်။  မိုက်ကယ် ကားရစ် က ဝက်စ်ဟမ်း အကယ်ဒမီ အစမှာတော့ ဒဏ်ရာပြဿနာတွေကြောင့် ရော သူရဲ့ခြေစွမ်းတွေကြောင့်ရော ရုန်းကန်ခဲ့ရပေမယ့် နောက်ပိုင်းမှာ တော့ အသင်းအတွက် အရေးပါတဲ့ ကစားသမား တစ်ယောက်ဖြစ်လာပြီး အသင်းကြီး အတွက်လည်း ကစားလာခဲ့ရပါတယ်။ ၂၀၀၂ - ၀၃ ရာသီမှာတော့ ဝက်စ်ဟမ်း အသင်းက ပရီးမီးယားလိဂ်မှာ တန်းဆင်းခဲ့ရတာဖြစ်ပြီး ကားရစ်တစ်ယောက် အသင်းမပြောင်းရွှေ့ပဲ အင်္ဂလန် ချန်ပီယံရှစ် ကိုတန်းဆင်းသွားတဲ့ ဝက်စ်ဟမ်း အသင်းနဲ့ အတူ  လိုက်ပါ ကစားခဲ့ပါတယ်။

   ချန်ပီယံရှစ်မှာ တစ်ရာသီ အကြာ ကစားခဲ့ပြီး ရာသီကုန်မှာ  အဆင့်  ၄ နဲ့ အဆုံး သက်ခဲ့ပေမယ့် ဗိုလ်လုပွဲမှာတော့ ခရစ္စတယ် ပဲလေ့စ် အသင်းကို ရှုံးနိမ့်ခဲ့ပြီး ပရီးမီးယားလိဂ် ကို တက်ရောက်မယ့် အခွင့်အရေးကို လွဲချော်ခဲ့ပါတယ်။ မိုက်ကယ် ကားရစ်ကတော့   တစ်နှစ်တာ အကောင်းဆုံး  𝐏𝐅𝐀 အသင်းမှာပါ ရွေးချယ်ခံခဲ့ရပါတယ်။ မိုက်ကယ် ကားရစ်ကို အာဆင်နယ် ၊ ခရစ္စတယ် ပဲလေ့စ်  နှင့်အခြားသော အင်္ဂလန် အသင်းတော်တော်များများ က ခေါ်ယူရန် ချိတ်ဆက်ခဲ့ကြပါတယ်။ နောက်ဆုံးမှာတော့ မိုက်ကယ် ကားရစ်တစ်ယောက် စပါး အသင်းကို ပြောင်းရွှေ့သွားခဲ့ပါတယ်။ စပါး အသင်းနဲ့ ရာသီ အစ မှာတော့ ရုန်းကန်ခဲ့ရပြီး အရံကစားသမား တစ်ယောက် အနေနဲ့သာ ကစားခဲ့ရပါတယ်။   တော်တင်ဟမ် အသင်းရဲ့  မန်နေဂျာ အသစ်ဖြစ်လာတဲ့ မာတင်ဂျို လက်ထပ်မှာတော့ မိုက်ကယ် ကားရစ်က ပုံမှန်ပွဲထွက်ခွင့် ရရှိခဲ့ပြီး သူရဲ့ အကောင်းဆုံးပုံစံတွေကို ပြသနိုင်ခဲ့ပါတယ်။  ၂၀၀၅ ခုနှစ် အရောက်မှာတော့ မန်ချက်စတာ ယူနိုက်တက် ကွင်းလယ် ကစားသမား ရွိုင်ကိန်း နဲ့ နည်းပြကြီး ဖာကူဆန် တွေ အဆင်မပြေဖြစ်ခဲ့တာကြောင့်  ရွိုင်ကိန်းရဲ့ နေရာကို အစားထိုးဖို့ အတွက် မိုက်ကယ် ကားရစ်ကို စပါး အသင်းထံကနေ ပြောင်းရွှေ့ကြေး  ၊ အခြားဆုကြေး အပါအဝင်  ၁၈.၆ သန်းဖြင့်ခေါ်ယူခဲ့ပါတယ်။

    မိုက်ကယ် ကားရစ်ကတော့ အသင်းရဲ့ အဓိက 𝐋𝐞𝐠𝐞𝐧𝐝  ကစားသမားတွေနေရာမှာ အစားထိုးဝင်ရောက်ကစားခဲ့တာပဲဖြစ်ပါတယ်။ မန်ယူ အသင်းရဲ့ ဂန္ထဝင်  အသင်းခေါင်းဆောင်  ရွိုင်ကိန်း နေရာမှာ အစားထိုးဖို့ အတွက်  မိုက်ကယ် ကားရစ်လို ကစားသမားမျိုးကို ရွေးချယ်ခဲ့တာကြောင့် ဝေဖန်သံ အချို့ကို ကြားခဲ့ရပါတယ်။ တော်တော်များများ ကွင်းလယ်ခံစစ် နေရာမှာ ကစားတဲ့ ကစားသမား တွေ က တိုးအား ၊ ဖျက်အား ၊ ရုန်းအားကောင်းကောင်း စတဲ့ အားသားချက်တွေကို အသုံးချ ကစားကြပေမယ့် မိုက်ကယ် ကားရစ်ကတော့ မတူကွဲပြားစွာ ဦးနှောက် ကို ခွန်အားထက် ပို အသုံးပြုတက်တဲ့ ကစားသမား တစ်ယောက်လည်းဖြစ်ပါတယ်။ ကားရစ်က မန်ချက်စတာ ယူနိုက်တက် အသင်းမှာလည်း အစပိုင်း ရုန်းကန်ခဲ့ရပြီး နောက်ပိုင်းမှာ ကစားကွက် နဲ့ အံဝင်လာခဲ့ပြီး  ကောင်းမွန်တဲ့ ခြေစွမ်းတွေနဲ့ အတူ ဆုဖလား အောင်မြင်မှု များစွာရရှိခဲ့ပါတယ်။ ကားရစ်က ကွင်းတွင်း ကွင်းပြင် စည်းကမ်း အရမ်းရှိတဲ့ ကစားသမား တစ်ယောက်လည်းဖြစ်ပြီး မန်ချက်စတာယူနိုက်တက် ဂန္ထဝင်နည်းပြကြီး ဖာကူဆန် ရဲ့ စိတ်ကြိုက်ကစားသမားတစ်ယောက်လည်းဖြစ်ပါတယ်။ 

   ကားရစ်က ဖာကူဆန် လက်အောက်မှာ အကောင်းဆုံး အသုံးတော်ခံခဲ့ပြီး လိုအပ်ရင် လိုအပ်သလို ခံစစ်  ၃ ယောက်အတွဲမှာပါ ဗဟို ခံစစ်မှူး အဖြစ် ပွဲတော်တော်များများ ကို ကစားခဲ့ပါတယ်။ ၂၀၁၇-၁၈ ရာသီမှာ အကုန်မှာ မိုက်ကယ် ကားရစ် တစ်ယောက် ကစားသမား ဘဝ ကို အနားယူခဲ့ပြီး မန်ချက်စတာယူနိုက်တက် အသင်းရဲ့ နည်းပြတစ်ဦးဖြစ်တဲ့ မော်ရင်ဟို ရဲ့ နည်းပြ အဖွဲ့ ဝင်အဖြစ်တာဝန်ထမ်းဆောင်ခဲ့ပါတယ်။ မိုက်ကယ် ကားရစ်က  က မန်ချက်စတာ ယူနိုက်တက် အသင်းရဲ့ အကောင်းဆုံး ကွင်းလယ် ကစားသမားတွေထဲ က တစ်ယောက် ဖြစ်ပါတယ် ။ အခုတင်ဆက်ပေးသွားတာကတော့ မန်ချက်စတာယူနိုက်တက် အသင်းရဲ့ အကောင်းဆုံး ကွင်းလယ် ကစားသမား တစ်ယောက်ဖြစ်တဲ့ မိုက်ကယ် ကားရစ်အကြောင်းပဲဖြစ်ပါတယ်။ အဆုံးထိဝင်ရောက်ဖတ်ရှူ ပေးတဲ့ တစ်ဦးတစ်ယောက်ချင်းစီတိုင်းကိုကျေးဇူးအများကြီးတင်ရှိပါတယ်။

〰〰〰〰〰〰〰〰〰〰〰〰〰〰〰

𝗠𝗠 𝗠𝗲𝗱𝗶𝗮 မှာ နေ့စဉ် အပတ်စဉ် အားကစား နှင့် ပတ်သက်သည့် သတင်းအကြောင်းအရာ ဗဟုသုတ အစီအစဉ် ကောင်းများစွာကို အချိန် နှင့် တပြေးညီ စုစည်းတင်ဆက်ပေးမှာ ဖြစ်တဲ့အတွက် ကြောင့်မလို 𝗠𝗠 𝗠𝗲𝗱𝗶𝗮 ရဲ့ 𝐂𝐡𝐚𝐧𝐧𝐞𝐥 များ ကို 𝐉𝐨𝐢𝐧 ထားပြီး 𝐋𝐢𝐤𝐞 & 𝐒𝐮𝐛𝐬𝐜𝐫𝐢𝐛𝐞 လုပ်ပြီး 𝐒𝐡𝐚𝐫𝐞 ပေးသွားကြပါဦး ။"

"LIVE ပွဲစဥ်  ကို www.mmmedia.stream မှာ ဝင်ရောက် ကြည့်လို ရပါတယ် ခင်ဗျာ

ဘောလုံးပွဲစဉ်တွေ ရဲ့ တိုက်ရိုက် သတင်း ၊ အကြောင်းအရာ များကို သိရှိရန် Telegram Channel ကို Join ထားရန် >> https://t.me/mmmediasportschannel"

#MMMedia

#MichaelCarrick

#ManchesterUnited

#Midfielder