မာဆယ်လို က ခံစစ်ကစားသမားတော်တော်များများမှာ မတွေ့ရတက်တဲ့ ဘောလုံး အထိန်းအသိမ်းစွမ်းရည်တွေနဲ့ 𝐈𝐧𝐝𝐢𝐯𝐢𝐝𝐮𝐚𝐥 𝐒𝐤𝐢𝐥𝐥𝐬 တွေကြောင့် နာမည်ကြီးတဲ့ ကစားသမားတစ်ယောက်လည်းဖြစ်ပါတယ်။ မာဆယ်လိုကို ၁၉၈၈ ခုနှစ် မေလ ၁၂ ရက်နေ့မှာ ဘရာဇီးနိုင်ငံ ရဲ့ လူနေထိုင်မှုအဒုတိယ များဆုံး ဖြစ်တဲ့ ရီယိုဒီဂျနေရိုး မှာ မွေးဖွားခဲ့တာပဲဖြစ်ပါတယ်။ မာဆယ်လို က ဘရာဇီးသား ပီပီ ဘောလုံးစကေးပိုင်း အလွန်ကောင်းမွန်ပြီး အသက် ၉ နှစ်အရွယ်မှာပဲ ဖူဆယ် ကို စတင်ကစားခဲ့တာပဲဖြစ်ပါတယ်။ မာဆယ်လို က အသက် ၁၃ နှစ် မှာတော့ သူရဲ့မွေးရပ်မြေ ရီယိုဒီဂျနေရိုး မှာ တည်ရှိပြီးသား ကလပ်အသင်းတစ်သင်းဖြစ်တဲ့ 𝐅𝐥𝐮𝐦𝐢𝐧𝐞𝐧𝐬𝐞 အသင်းမျာ စတင် ကစားခဲ့ပါတယ်။ 𝐅𝐥𝐮𝐦𝐢𝐧𝐞𝐧𝐬𝐞 အသင်းမှာ ၆ နှစ်ကြာ ကစားခဲ့ပြီး သူရဲ့ ကစားသမား ဘဝ အပြောင်းအလဲဖြစ်စေမယ့် အပြောင်းအရွှေ့တစ်ခု က ၂၀၀၇ ခုနှစ် ဇန်နဝါရီ အပြောင်းအရွှေ့ကာလမှာ ဖြစ်ပေါ်ခဲ့ပြီး မာဆယ်လိုတစ်ယောက် ရီးရဲလ်မက်ဒရစ် အသင်းကို ရောက်ရှိခဲ့ပါတယ်။ မာဆယ်လို လို အသက်ငယ်ငယ်ရွယ်ရွယ်နဲ့ အရည်အချင်းတွေ ပြည့်ဝနေတဲ့ ကစားသမား တစ်ဦးကို အခြားသော ဥရောပ အသင်းတွေကလည်း အလိုရှိနေခဲ့တာပဲဖြစ်ပါတယ်။ ရီးရဲလ်မက်ဒရစ် ပရိတ်သတ်တော်တော်များများ ကတော့ ဘရာဇီး နဲ့ ရီးရဲလ်မက်ဒရစ် အသင်းရဲ့ ဘယ်နောက်ခံ ကစားသမား ရော်ဘက်တို ကားလို့စ် လိုကစားသမားတစ်ဦးဖြစ်ဖို့မျော်လင့်ခဲ့ကြပြီး မာဆယ်လိုက လည်း သူနည်းသူ့ဟန် နဲ့ ရော်ဘတ်တိုကားလို့စ် ရဲ့ နေရာမှာ အကောင်းဆုံး အစားထိုးနိုင်ခဲ့တာပဲဖြစ်ပါတယ်။

ရီးရဲလ်မက်ဒရစ် အသင်းမှာ ၁၅ နှစ်ကြာ ကစားခဲ့ပြီး ကမ္ဘာ့ထိပ်တန်း ကစားသမား တော်တော်များများ ကို တားစီးနိုင်ခဲ့ပြီး အသင်းလိုအပ်ရင်လိုအပ်သလို ဂိုးဖန်တီးမှု နဲ့ သွင်းဂိုးတွေကို အမြဲလိုလို ဖော်ဆောင်ပေးနိုင်တဲ့ ကစားသမား တစ်ဦးလည်းဖြစ်ပါတယ်။ မာဆယ်လို က ရီးရဲလ်မက်ဒရစ် အသင်းရဲ့ ဖလားအများဆုံး ရရှိတဲ့ အအောင်းမြင်ဆုံး ကစားသမား တစ်ဦးလည်းဖြစ်ပါတယ်။ မာဆယ်လိုက ရီးရဲလ်မက်ဒရစ်မှာ ပွဲပေါင်း (၅၀၀) ကျော် ကစားခဲ့တာဖြစ်ပြီး ချန်ပီယံလိဂ်ဖလား (၅) ကြိမ်ရခဲ့တဲ့ ကစားသမားတွေထဲက တစ်ယောက်လည်း ဖြစ်ပါတယ်။ မြက်ခင်းစိမ်းတွေကို ကျောခိုင်းသွားပြီ ဖြစ်တဲ့ မာဆယ်လို က ရီးရဲလ်မက်ဒရစ် အသင်းရဲ့ ရွှေခေတ် မှာ အရေးပါတဲ့ အခန်း ကဏ္ဍကနေပါဝင်ခဲ့ပြီး ဆုဖလားပေါင်းများစွာကို သိမ်းပိုက်နိုင်ခဲ့တာပဲဖြစ်ပါတယ်။ ရီးရဲလ်မက်ဒရစ်ရဲ့ အသင်းခေါင်းဆောင် တစ်ယောက်ဖြစ်ခဲ့ဖူးတဲ့ မာဆယ်လိုက ရီးရဲလ် မက်ဒရစ် အသင်းရဲ့ အကောင်းဆုံးခေါ်ယူမှုတွေထဲကတစ်ခုဖြစ်ခဲ့ပါတယ်။ ၂၀၂၀ ခုနှစ် အရောက်မှာ မာဆယ်လိုက သူရဲ့ ၁၅ နှစ်တာ ဖြတ်သန်းခဲ့တဲ့ ရီးရဲလ်မက်ဒရစ် အသင်းနဲ့ လမ်းခွဲခဲ့ပြီး ဂရိကလပ် အသင်းတစ်သင်းဖြစ်တဲ့ အိုလံပီယာကော့ အသင်းကိုပြောင်းရွှေ့သွားခဲ့ပါတယ်။

ရီးရဲလ် မက်ဒရစ် အသင်းနှင့် အတူ ၁၅နှစ်ကြာ ဖြတ်သန်းခဲ့ပြီး ချန်ပီယံလိဂ်ဖလား - 𝟓ကြိမ်၊ လာလီဂါဖလား - 𝟔ကြိမ် ၊ဖီဖာကလပ်ကမ္ဘာ့ချန်ပီယံဖလား - 𝟒ကြိမ်၊ 𝐔𝐄𝐅𝐀 စူပါဖလား - 𝟑ကြိမ်၊ စပိန်ကိုပါဒယ်ရေးဖလား - 𝟐ကြိမ်၊ စပိန်စူပါဖလား - 𝟓ကြိမ်၊ကိုပါလီဘာတေးဒိုးစ်ဖလား - 𝟏ကြိမ်၊ ကွန်ဖက်စ်ဒရေးရှင်းဖလား - 𝟏ကြိမ်၊ စတဲ့ ရရှိနိုင်တဲ့ ဆုဖလား အကုန်လုံးကိုသိမ်းပိုက်နိုင်ခဲ့တာလည်းဖြစ်ပါတယ်။ အိုလံပီယာကော့ အသင်းမှာ ၅ လကြာ ကစားခဲ့ပြီး ၂၀၂၃ ဖေဖော်ဝါရီ လ ၂၄ ရက်နေ့မှာ ငယ်ဘဝ အသင်းဟောင်းဖြစ်တဲ့ 𝐅𝐥𝐮𝐦𝐢𝐧𝐞𝐧𝐬𝐞 အသင်းကို ပြန်လည်ပြောင်းရွှေ့သွားခဲ့တာပဲဖြစ်ပါတယ်။ ၂၀၂၅ ခုနှစ် ဖေဖော်ဝါရီ လ ၆ ရက်နေ့မှာ ဘရာဇီး အသင်းနဲ့ ရီးရဲလ်မက်ဒရစ် အသင်းတို့ရဲ့ ဂန္ထဝင်ကစားသမား ဖြစ်တဲ့ မာဆယ်လို က သူရဲ့ အသက် ၃၆ နှစ်အရွယ်မှာပဲ မြက်ခင်းစိမ်းတွေကိုကျောခိုင်းပြီး ကစားသမားဘဝ ကို အနားယူတော့မယ်လို့ သူရဲ့ ဆိုရှယ်မီဒီယာမှ တစ်ဆင့် ကြေညာခဲ့တာပဲဖြစ်ပါတယ်။ 𝐅𝐥𝐮𝐦𝐢𝐧𝐞𝐧𝐬𝐞 အသင်းနဲ့လည်း 𝐂𝐚𝐦𝐩𝐞𝐨𝐧𝐚𝐭𝐨 𝐂𝐚𝐫𝐢𝐨𝐜𝐚 ( 𝟐 ) ကြိမ် ၊ 𝐓𝐚𝐜𝐚 𝐑𝐢𝐨 ( 𝟏 ) ကြိမ် ၊ 𝐂𝐨𝐩𝐚 𝐋𝐢𝐛𝐞𝐫𝐭𝐚𝐝𝐨𝐫𝐞𝐬 ( 𝟏 ) ကြိမ်၊ 𝐑𝐞𝐜𝐨𝐩𝐚 𝐒𝐮𝐝𝐚𝐦𝐞𝐫𝐢𝐜𝐚𝐧𝐚 ( 𝟏 )ကြိမ် တို့ကိုသိမ်းပိုက်နိုင်ခဲ့တာပဲဖြစ်ပါတယ်။ ဘရာဇီး အသင်းနှင့် အတူ ၂၀၀၈ အိုလံပစ် ဘရာဇီး 𝐔 - 𝟐𝟑 အသင်းမှာပါဝင်ခဲ့ပြီး ကြေးတံဆိပ်ဆုရရှိခဲ့တာပဲဖြစ်ပါတယ်။ ဘရာဇီးအသင်းအတွက်လည်း အရေးပါတဲ့ ကစားသမား တစ်ဦးဖြစ်ခဲ့ပြီး ဆုဖလားအောင်မြင်မှူ အနေနဲ့ ၂၀၁၃ ခုနှစ် ဖီဖာကွန်ဖက်ဒရေးရှင်းဖလား ပြိုင်ပွဲမှာ ဆုဖလားကို ဘရာဇီး အသင်းနဲ့ အတူ ကိုင်မြှောက်နိုင်ခဲ့တာပဲဖြစ်ပါတယ်။မာဆယ်လို က နိုင်ငံနဲ့ကလပ်အတွက် ၇၂၁ပွဲကစား၊ ၅၈ဂိုးသွင်း၊ ၁၁၇ဂိုးဖန်တီးခဲ့ပြီး ဆုဖလား၃၁လုံးသိမ်းပိုက်ခဲ့တာပဲဖြစ်ပါတယ်။

ဆုဖလား အောင်မြင်မှုများစွာနဲ့ မြက်ခင်းစိမ်းတွေကို ကျောခိုင်းနှုတ်ဆက်ခဲ့ရတဲ့ မာဆယ်လို ရဲ့ ကစားသမား ဘဝ ကတော့ ပြန်တွေးမိတိုင်း ဂုဏ်ယူစရာ နှင့် တွေးမိလိုက်တိုင်း ကြည်နူးစရာ ဖြစ်စေခဲ့ပါတယ်၊ အဆုံးထိ ဝင်ရောက်ဖတ်ရှူ‌ပေးတဲ့ တစ်ဦးတစ်ယောက်ချင်းစီတိုင်းကို ကျေးဇူးအများကြီး တင်ရှိပါတယ်။

𝗠𝗠 𝗠𝗲𝗱𝗶𝗮 မှာ နေ့စဉ် အပတ်စဉ် အားကစား နှင့် ပတ်သက်သည့် သတင်းအကြောင်းအရာ ဗဟုသုတ အစီအစဉ် ကောင်းများစွာကို အချိန် နှင့် တပြေးညီ စုစည်းတင်ဆက်ပေးမှာ ဖြစ်တဲ့အတွက် ကြောင့်မလို 𝗠𝗠 𝗠𝗲𝗱𝗶𝗮 ရဲ့ 𝐂𝐡𝐚𝐧𝐧𝐞𝐥 များ ကို 𝐉𝐨𝐢𝐧 ထားပြီး 𝐋𝐢𝐤𝐞 & 𝐒𝐮𝐛𝐬𝐜𝐫𝐢𝐛𝐞 လုပ်ပြီး 𝐒𝐡𝐚𝐫𝐞 ပေးသွားကြပါဦး ။"

"LIVE ပွဲစဥ် ကို www.mmmedia.stream မှာ ဝင်ရောက် ကြည့်လို ရပါတယ် ခင်ဗျာ

ဘောလုံးပွဲစဉ်တွေ ရဲ့ တိုက်ရိုက် သတင်း ၊ အကြောင်းအရာ များကို သိရှိရန် Telegram Channel ကို Join ထားရန် >> https://t.me/mmmediasportschannel"

#Marcelo

#ronaldo

#realmadrid