သူ့အသက်က ၃၉ နှစ်ပဲရှိပါသေးတယ်။ ဘရာဂါနဲ့ကတည်းက သူ့စွမ်းဆောင်ရည်ကို တော်တော်များ များက သဘောကျနေနှင့်ပြီးကြပါပြီ။ သူ့အထူးကျွမ်းကျင်မှုက ကစားသမားတွေကို တစ်ဦးချင်း အနီးကပ်ကြီးကြပ်ပြီး အကောင်းဆုံးဖြစ်အောင်ထုတ်ယူတာပါပဲ။ ဒါကြောင့် သူ့ကိုလိုက်လျောညီထွေ ပြောင်းလဲနိုင်တဲ့ နည်းပြတစ်ယောက်အဖြစ်လည်း သတ်မှတ်ရမှာဖြစ်သလို သူ့နည်းဗျူဟာနဲ့ ကစား ကွက်အပေါ်ကိုလည်း ခိုင်ခိုင်မာမာရှိလို့ နည်းဗျူဟာသမား-စနစ်သမားလို့လည်း ယူဆလို့ရနိုင်ပါတယ်။ သူလိုအပ်နေတာက လုံလောက်တဲ့ ဩဇာတိက္ကမပါပဲ။ လိုက်လျောညီထွေပြောင်းလဲနိုင်စွမ်း-နည်းဗျူဟာ နဲ့ စနစ်ကို အခိုင်အမာကျင့်သုံးနိုင်စွမ်းနဲ့ ဩဇာလွှမ်းမိုးမှုရှိရင် နည်းပြတစ်ယောက် အောင်မြင်ဖို့ တော်တော်လမ်းများပါတယ်။ ယူနိုက်တက်ကတော့ သူ့အတွက် အရမ်းကို ဖိအားများမယ့်နေရာပေါ့။

သူက ၃-၄-၃ ကို တော်တော်စွဲလမ်းတဲ့နည်းပြပါ။ အများဆုံး အပြောင်းအလဲလုပ်ရင်တောင် ၃-၄-၃ ကနေ အခြေခံထားတဲ့ ၃-၄-၂-၁ ပါပဲ။ ၃-၄-၁-၂ တောင်သူကမသုံးပါဘူး။ ဒါက ပွဲစထွက်တဲ့အချိန် သူခင်း ထားတဲ့ အခြေခံကစားကွက်ပေါ့။ ဒါပေမဲ့ ပွဲတွင်းမှာတော့ လိုအပ်သလို ၅-၃-၂ တို့ ၅-၄-၁ တို့လည်းကစားပါတယ်။ ဘောလုံးကိုင်ထားနိုင်တဲ့အချိန်၊ ဘောလုံးဆုံးရှုံးထားတဲ့အချိန် ဒီလိုမတူတဲ့အချိန်အလိုက် သူ့ ကစားကွက်အပြောင်းအလဲက မတူပါဘူး။ ဒါက သူယူနိုက်တက်မှာ သွတ်သွင်းရမယ့်နည်းဗျူဟာပိုင်းတွေပါ။

သူက ၃-၄-၃ ခင်းကျင်းဖို့ အားသန်တာကြောင့် ခံစစ် ၃ ယောက်တန်းနဲ့ ကစားတဲ့နည်းပြတစ်ယောက် ဖြစ်တယ်ဆိုတာ သိသာပါတယ်။ ဒါကြောင့်ပဲ သူနဲ့ လီဗာပူးတို့ ဆွေးနွေးလို့အဆင်မပြေခဲ့တာဆိုတဲ့ သတင်းတွေရှိပါတယ်။ သူက သူ့ ၃-၄-၃ ကို ပြောင်းလဲပေးဖို့ ဆန္ဒမရှိပါဘူး။ ဆိုတော့ ယူနိုက်တက် မှာလည်း ဒါကိုပဲ သူ ဆက်ကစားမယ်လို့ အခုထိတော့ ယူဆထားပါတယ်။

၃-၄-၃ မှာ သူ့ ခံစစ်တန်း ၃ ယောက်ရဲ့ နေရာယူပုံက နည်းနည်း ထူးခြားပါတယ်။ ဘယ်ခြမ်း ဗဟိုခံစစ် 𝐋𝐂𝐁 နဲ့ ညာခြမ်း ဗဟိုခံစစ် 𝐑𝐂𝐁 တို့က ဂိုးသမားဆီက ဘောလုံးလက်ခံဖို့ ဧရိယာနားမှာ ကပ်ကစားကြပြီး အလယ် ဗဟိုခံစစ်မှူး 𝐂𝐂𝐁 ကတော့ ရှေ့ကိုတက်ပြီး ကွင်းလယ်ဗဟိုကစားသမား 𝐂𝐌 တစ်ယောက်နဲ့ တတန်းတည်း နေရာယူပါတယ်။ လုံးဝကြီး ရေပြင်ညီမျဉ်းအတိုင်းတော့ မဟုတ် ဘူးပေါ့။ အဲဒီနေရာမှာ နေရာယူလိုက်ခြင်းအားဖြင့် 𝐂𝐂𝐁 က ယာယီ 𝐂𝐃𝐌 တစ်ယောက်လို ဖြစ်သွားပါ တယ်။ ဆိုတော့ 𝐋𝐂𝐁 ရယ် ဘယ်ခံစစ်ကူတောင်ပံကစားသမား 𝐋𝐖𝐁 ရယ် 𝐂𝐂𝐁 (𝐂𝐃𝐌) ရယ်က တြိဂံ ပုံစံတတွဲဖြစ်လာသလို 𝐑𝐂𝐁-𝐑𝐖𝐁-𝐂𝐌 တို့က တြိဂံပုံစံတစ်တွဲဖြစ်သွားမှာပါ။ အဲဒီတြိဂံနှစ်ခုရဲ့ ညက်ညောတဲ့ ရွှေ့လျားမှုတွေက သူ့ ကစားကွက်မှာ နောက်ကနေ ကစားကွက်တည်တဲ့ အခြေအနေရဲ့ အခရာပါပဲ။

သူက 𝐂𝐌 နှစ်ယောက် သုံးပါတယ်။ 𝐂𝐃𝐌 ရယ်လို့ သုံးတာမျိုးမဟုတ်ဘဲ ခံစစ်ပိုင်း ပိုအားသန်တဲ့ က စားသမားမျိုးကို သုံးရင်တောင် လိုက်နိုင်၊ တိုးနိုင်၊ မြန်မြန်ဆန်ဆန်ရှိပြီး ဘောလုံးကို 𝐂𝐌 တစ် ယောက်လို သယ်နိုင်တဲ့ လူမျိုးကိုပဲ သုံးပါတယ်။ အဲဒီအတွက် ယူနိုက်တက်မှာ သူ့တပည့်ဟောင်း အူဂါတေးက အဆင်သင့်ရှိနေပါတယ်။ နောက်ထပ် 𝐂𝐌 တစ်ယောက်ကိုလည်း ရွှေ့နိုင်လျားနိုင်တဲ့ လူမျိုးကိုပဲ သူက သုံးတာပါ။ အဲဒီနှစ်ယောက်နဲ့ 𝐂𝐂𝐁 နဲ့ကွင်းလယ်မှာ လှည့်ပြီး ရွှေ့လျားမှုတွေကနေ ဒုတိယအဆင့် ကစားကွက်ကို တည်သွားမှာဖြစ်ပါတယ်။

တိုက်စစ်ကို သွားတဲ့ တတိယအဆင့် ကစားကွက်မှာတော့ သူ့တောင်ပံကစားသမားတွေက အစွန်ကို ထွက်၊ ကစားပေါက်ကိုချဲ့ပြီး ကစားတာမျိုးလည်းရှိသလို အတွင်းထဲဝင်လာတာမျိုးတွေလည်း မြင်ရ ပါတယ်။ အများအားဖြင့်တော့ သူက ဧရိယာထဲကို ဖြတ်ချိုးချပေးတာမျိုးတွေကိုလည်း သုံးတတ်တဲ့ သူပါ။ ဒါကြောင့် သူ့ တိုက်စစ်ရဲ့ အဓိကဆုံရပ် တိုက်စစ်မှူးက အမြင့်ဘောအဆုံးသတ်ပုံတွေလည်း ကောင်းဖို့ လိုပါတယ်။ တိုက်စစ် ၃ ယောက်မှာ နံပါတ် ၁၀ ပုံစံရော-တောင်ပံမှာရော ကစားနိုင်တဲ့သူ တွေကို သူ ပိုအသားပေးပါတယ်။ ယူနိုက်တက်မှာဆိုရင် ရက်ဖို့ဒ်တို့၊ အာမက်ဒီယာလိုတို့က အဲဒီနေ ရာအတွက် အတော်လေး လိုက်ဖက်မှာပါ။ ဒါမှမဟုတ် နံပါတ် ၁၀ တစ်ယောက်အဖြစ် ဘရူနိုကို သုံးပြီး ရက်ဖို့ဒ်နဲ့ တွဲပေးလာနိုင်ပါတယ်။

သူ့ 𝐂𝐌 တစ်ယောက် တတိယအဆင့် ကစားကွက်မှာ လိုက်ပါကစားမှာဖြစ်ပြီး ခံစစ်ကူတောင်ပံက စားသမားတွေ၊ နံပါတ် ၁၀ တွေနဲ့ နံပါတ် ၉ တိုက်စစ်မှူးတို့ရဲ့ ပေါင်းစပ်တိုက်စစ်ဆင်တဲ့ပုံစံက သူ့ပုံစံ ပါပဲ။ ပြဿနာရှိတာက သူယူနိုက်တက်ကို ကိုင်ပြီး ၃-၄-၃ ပဲ ဆက်ကစားမယ်ဆိုရင် ဦးဆောင်ဂိုးတွေရပြီးမှ ဂိုးတွေပြန်ပေးရတာလည်း ကြုံရနိုင်ပါတယ်။ ၃-၄-၃ ဖြစ်တာကြောင့် ကိုယ်က ဖိထားတဲ့အချိန် မှာ ကိုယ့်ခံစစ်တန်းရဲ့ အစွန်တွေက နေရာလွတ်တွေဖြစ်နေမှာပါ။ အဲဒီနေရာတွေအတွက် 𝐖𝐢𝐧𝐠𝐛𝐚𝐜𝐤 ခံစစ်ကူတောင်ပံကစားသမားတွေကလည်း အမြန်ဆုံး ဆင်း ကာကွယ်ဖို့မလွယ်ပါဘူး။ အထူးသဖြင့် အဝေးဘောတွေနဲ့ ချပေးပြီး တန်ပြန်အငိုက်ဖမ်းလာခဲ့ရင်ပေါ့။ အဲဒီအခါ အစွန်ဖက်က 𝐂𝐁 တွေက ထွက်ရင်ဆိုင်ရမှာဖြစ်ပြီး အဲဒီလို ရင်ဆိုင်ဖို့ရာ မြန်ဆန်-ဆုံးဖြတ်ပုံကောင်းတဲ့ 𝐂𝐁 တွေလိုသလို လျှင်မြန်ပြီး ဖိအားဒဏ်ခံနိုင်၊ ဘောလုံးဖြန့်နိုင်၊ ကိုင်ကစားနိုင်တဲ့ 𝐂𝐂𝐁 တစ်ယောက်လည်း လိုပါတယ်။ သူ ကလည်း အဲဒီလို တန်ပြန်တိုက်စစ်မိပြီဆိုရင် အမြန်ဆုံး ပြန်ဆင်းလာနိုင်ဖို့ လိုပါတယ်။ အဲဒီအတွက် ယူနိုက်တက်မှာ လုံလောက်လည်း လုံလောက် - ကိုက်လည်း ကိုက်ညီတဲ့ ဗဟိုခံစစ်တွေ ရှိမရှိဆိုတာ က စကားပြောသွားပါလိမ့်မယ်။

#k9mmmedia

#manchesterunited