မန်ချက်စတာယူနိုက်တက်အသင်းဟာ ဥရောပတွင် အအောင်မြင်ဆုံးအသင်းများထဲမှ တစ်သင်းအပါအဝင်ဖြစ်ပြီး ကလပ်အသင်းရဲ့ပထမဆုံးရယူနိုင်ခဲ့တဲ့ဆုဖလားမှာ 𝟏𝟖𝟖𝟔 ခုနှစ်တွင် 𝐍𝐞𝐰𝐭𝐨𝐧 𝐇𝐞𝐚𝐭𝐡 𝐋𝐘𝐑 အဖြစ် ဆွတ်ခူးခဲ့သော မန်ချက်စတာဖလားဖြစ်ပါတယ်။ ပြည်တွင်းတွင် ယူနိုက်တက်အသင်းဟာ ပရီးမီးယားလိဂ်ဖလား 𝟐𝟎 ကြိမ်၊ 𝐅𝐀 ဖလား 𝟏𝟑 ကြိမ်၊ လိဂ်ဖလား 𝟔 ကြိမ်နှင့် 𝐅𝐀 ကွန်မြူနတီဒိုင်း 𝟐𝟏 ကြိမ် တို့ကိုစံချိန်တင်ရရှိထားကာ ဉရောပတွင်လည်း ယူအီးအက်ဖ်အေချန်ပီယံလိဂ် 𝟑 ကြိမ်၊ ယူအီးအက်ဖ်အေယူရိုပါလိဂ် 𝟏 ကြိမ်၊ ယူအီးအက်ဖ်အေ ဝင်းနားကပ် 𝟏 ကြမ်၊ ယူအီးအက်ဖ်အေ စူပါကပ် 𝟏 ကြိမ်၊ အင်တာနေရှင်နယ်ကပ် 𝟏 ကြိမ်နှင့် ဖီဖာကမ္ဘာ့ကလပ်ဖလား တစ်ကြိမ်စီ ရရှိခဲ့ပါတယ် ။ 𝟏𝟗𝟒𝟓 ခုနှစ်တွင် မန်နေဂျာအဖြစ် ခန့်အပ်ခံရသော မတ်ဘောဘီ ဟာ ပျမ်းမျှအသက် 𝟐𝟐 နှစ်သာ ရှိသေးသော အသင်းတစ်သင်း ကိုတည်ထောင်ခဲ့ပြီး ဘောဘီဘေဘီ လို့နာမည်ပြောင်ရရှိပြီး 𝟏𝟗𝟓𝟎 ခုနှစ်များတွင် လိဂ်ဖလားများ ဆက်တိုက်ရရှိခဲ့ကာ ဥရောပဖလားပြိုင်ပွဲတွင် ယှဉ်ပြိုင်ကစား တဲ့ပထမဆုံး အင်္ဂလိပ်ဘောလုံး အသင်းဖြစ်လာခဲ့ပါတယ်။ မြူးနစ်လေယာဉ်ပျက်ကျမှုတွင် ကစားသမားရှစ်ဦးသေဆုံးခဲ့သော်လည်း ယူနိုက်တက် ထရွီနတီ ဟုလူသိများသော ကြယ်ပွင့် ကစားသမားများဖြစ်သည့် ဂျော့ခ်ျဘတ်၊ ဒင်းနစ်လောနှင့် ဘော်ဘီချာတန် တို့၏အဖွဲ့ကို ဘောဘီ က ပြန်လည်တည်ဆောက်နိုင်ခဲ့ပါတယ်။ သူတို့ဟာ 𝟏𝟗𝟔𝟖 ခုနှစ်တွင် ဥရောပဖလားကို ဆွတ်ခူးနိုင်သည့် ပထမဆုံးအင်္ဂလိပ်အသင်းဖြစ်လာခြင်းမပြုမီ လိဂ်ဖလား နှစ်ခုကို လည်းထပ်မံဆွတ်ခူးနိုင်ခဲ့ပါတယ်။

ဘောဘီ အနားယူပြီးနောက် ကြားထဲမှာ မန်ချက်စတာယူနိုက်တက်ဟာ အောင်မြင်မှုတွေ ဝေးကွာလို့နေခဲ့ပြီး ကလပ်ရဲ့သက်တမ်းအကြာဆုံးနှင့် အအောင်မြင်ဆုံးမန်နေဂျာဖြစ်လာသည့် အဲလက်စ်ဖာဂူဆန် ရောက်ရှိလာချိန်မှ 𝟏𝟗𝟖𝟔 ခုနှစ်မှ 𝟐𝟎𝟏𝟑 ခုနှစ်အတွင်း လိဂ်ဖလား 𝟏𝟑 ကြိမ်၊ 𝐅𝐀 ဖလား 𝟓 ကြိမ်နှင့် ချန်ပီယံလိဂ်ဖလား 𝟐 ကြိမ်အပါအဝင် ဆုဖလားပေါင်း 𝟑𝟖 လုံးကို ရယူနိုင် ခဲ့တာဖြစ်ပါတယ်။ 𝟏𝟗𝟗𝟖-𝟗𝟗 ဘောလုံးရာသီ ဖာဂူဆန်လက်ထက်မှာ ကလပ်အသင်းဟာ ပရီးမီးယားလိဂ်၊ 𝐅𝐀 ဖလားနှင့် ယူအီးအက်ဖ်အေ ချန်ပီယံလိဂ်တို့ကိုရရှိခဲ့ပြီး ဖလား 𝟑 လုံးရရှိသည့် ပထမဆုံးအင်္ဂလိပ် ဘောလုံးကလပ် အသင်းအဖြစ် သမိုင်းတွင် ခဲ့ပါတယ်။ 𝟐𝟎𝟏𝟔-𝟏𝟕 တွင် ဟိုဆေးမော်ရင်ညိုလက်ထက် ယူရိုပါလိဂ်ဖလား ကို ဆွတ်ခူးရာတွင်လည်း ယူနိုက်တက်ဟာ မူလ ယူအီးအက်ဖ်အေကလပ်ပြိုင်ပွဲ 𝟑 ခု (ချန်ပီယံလိဂ်၊ ယူရိုပါလိဂ်နှင့် ဝင်းနားကပ် ) တို့ကို ရရှိထားသည့် ကလပ်အသင်း 𝟓 သင်းအနက်မှ တစ်သင်း အပါအဝင် ဖြစ်ခဲ့ပါတယ်။

မန်ချက်စတာယူနိုက်တက်အသင်းဟာ ကမ္ဘာပေါ်မှာ ပရိတ်သတ်အများဆုံးအားပေးသည့် ကလပ်အသင်းတွေထဲကတစ်သင်းအပါအဝင်ဖြစ်ပြီး 𝟐𝟎𝟏𝟔-𝟏𝟕 ခုနှစ်တွင် ကမ္ဘာပေါ်မှာ ဝင်ငွေအများဆုံးဘောလုံးအသင်းအဖြစ် တစ်နှစ်ဝင်ငွေ ယူရို 𝟔𝟕𝟔.𝟑 သန်း နှင့် 𝟐𝟎𝟏𝟗 ခုနှစ်တွင် ကမ္ဘာ့တတိယတန်ဖိုးအရှိဆုံးဘောလုံးအသင်းအဖြစ်ပေါင် 𝟑.𝟏𝟓 ဘီလီယံ (ဒေါ်လာ 𝟑.𝟖𝟏 ဘီလီယံ) ဖြင့်ရပ်တည်ခဲ့ပါတယ်။ 𝟐𝟎𝟎𝟓 ခုနှစ်မှာ အမေရိကန်စီးပွားရေးလုပ်ငန်းရှင် မယ်လ်ကွန်ဂလေဇာမှ ပေါင်သန်း ၈၀၀ နီးပါးတန်ဖိုးရှိသော ဝယ်ယူမှုအပြီးတွင် ကလပ်အသင်းဟာ ချေးယူငွေ ပေါင်သန်း 𝟓𝟎𝟎 ကျော်အကြွေးတင်ခဲ့ပါတယ်။ ဂလေဇာမိသားစုဟာ ကလပ်၏အလုံးစုံပိုင်ဆိုင်မှုနှင့် ထိန်းချုပ်မှုကို ဆက်လက်ပိုင်ဆိုင်ထားသော်လည်း 𝟐𝟎𝟏𝟐 ခုနှစ်မှစ၍ ကလပ်၏ရှယ်ယာအချို့ကို နယူးယောက်စတော့ အိတ်ချိန်းမှာ စာရင်းသွင်းခဲ့ပါတယ်။

လက်ရှိမှာတော့ အသင်းပိုင်ရှင်နေရာမှာ နောက်ထပ် အစုရှယ်ရာအများစုပိုင်တဲ့ အင်္ဂလန်သန်းကြွယ် 𝐈𝐍𝐄𝐎𝐒 တို့ပါ ပါဝင်လာပြီးအားကစားရေးရာပိုင်းကိုအဓိကထိန်းချုပ်ကာ ယူနိုက်တက်ကိုဦးဆောင် နေတာဖြစ်ပါတယ်။ 𝐈𝐍𝐄𝐎𝐒 လက်အောက်မှာ ယူနိုက်တက်ရဲ့ပြုပြင်ပြောင်းလဲမှုတွေ များစွာမြင်တွေ့ နေရပြီး အရင်လိုအောင်မြင်မှုတွေပြန်လည်ရယူနိုင်မလားစောင့် ကြည့်ချင်စရာ ကောင်းနေပါတယ်။

#k9mmmedia

#manchesterunited

#england