အားကစားသတင်းများ

ပရီးမီးယားလိဂ် သမိုင်းတစ်လျှောက် အဆိုးဝါးဆုံး ချန်ပီယံကာကွယ်မှု ( ၅ )ခု

blog image

March 26, 2025

ပြိုင်ဆိုင်မှု အပြင်းထန်ဆုံး နဲ့ လူစိတ်ဝင်စားမှု အများဆုံးဖြစ်တဲ့ ပရီးမီးယားလိဂ် လို လိဂ်မျိုးမှာ ချန်ပီယံ ဖြစ်ဖို့ဆိုတာ လွယ်ကူတဲ့ ကိစ္စတစ်ခုတော့မဟုတ်ပါဘူး။ ဒီရာသီ ချန်ပီယံ ဖြစ်သွားရင်လည်း နောက်ရာသီ ရရှိထားတဲ့ ချန်ပီယံ ကို ကာကွယ်ဖို့ဆိုတာ ပိုလို့တောင်ခက်ခဲတဲ့ ကိစ္စတစ်ခုပဲဖြစ်ပါတယ်။ ပရီးမီးယားလိဂ် လို လိဂ်မျိုးက တစ်ရာသီထက်တစ်ရာသီ လူခေါ်ယူမှုတွေ ၊ နည်းပြကပြောင်းလဲမှုတွေ အပြင် နှစ်တိုင်းလိုလို  ပြောင်းလဲပြင်ဆင်မှုများစွာကို  လုပ်တက်တာကြောင့် အသင်းတိုင်း က တစ်ရာသီထက် တစ်ရာသီ ပိုမို ကောင်းမွန်လာတာပဲဖြစ်ပါတယ်။ဒီနေ့တင်ဆက်ပေးသွားမှာကတော့ ပရီးမီးယားလိဂ် သမိုင်းတစ်လျောက် အဆိုးဝါးဆုံး ဖြစ်ခဲ့တဲ့ ချန်ပီယံကာကွယ်မှု ( ၅ )ခု အကြောင်းပဲဖြစ်ပါတယ်။ 

၁. မန်ယူ 

 မန်ချက်စတာယူနိုက်တက် အသင်းရဲ့ ဂန္ထဝင် နည်းပြကြီးဖြစ်တဲ့ ဆာအဲလတ် ဖာဂူဆန် က သူ့ရဲ့ နည်းပြဘဝ နောက်ဆုံးရာသီမှာ ယူနိုက်တက်အသင်းအတွက် ပရီးမီးယားလိဂ် ဖလားကို ဆွတ်ခူးနိုင်ခဲ့တာပဲဖြစ်ပါတယ်။ နည်းပြကြီး ဖာဂူဆန် ထွက်သွားပြီး  မန်ချက်စတာယူနိုက်တက်ရဲ့ ချန်ပီယံ ကာကွယ်ရမယ့်ရာသီမှာ မန်ချက်စတာယူနိုက်တက် အသင်းက အဆိုးဝါးဆုံးရာသီတစ်ခုနဲ့ရင်ဆိုင်ခဲ့ရပါတယ်။ အိမ်ကွင်းရှုံးပွဲများစွာနဲ့ ရင်ဆိုင်ခဲ့ရပြီး ခက်ခက်ခဲခဲ နဲ့ တစ်ရာသီကိုဖြတ်သန်းခဲ့ရတာပဲဖြစ်ပါတယ်။ ရာသီ အကုန်မှာတော့ အဆင့် ၇ နဲ့ သာ ရာသီသိမ်းခဲ့ရပြီး နည်းပြကြီး ဖာဂူဆန် ယူပေးခဲ့တဲ့ ၂၀၁၂-၁၃ ရာသီ ပရီးမီးယားလိဂ်ဖလား ပြီးနောက် အခုချိန်ထိ မန်ချက်စတာယူနိုက်တက် အသင်းက ပရီးမီးယားလိဂ် ဖလားကို နောက်ထပ်တစ်ကြိမ် ဆွတ်ခူးနိုင်ခြင်းမရှိတော့တာပဲဖြစ်ပါတယ်။


၂. လီပါပူး 

နည်းပြကြီး ကလော့ရဲ့ အချိန်ယူတည်ဆောက်လာခဲ့တဲ့ လီပါပူး အသင်းက တဖြည်းဖြည်းနဲ့ အသားကျလာတဲ့ အချိန်မှာ ဗန်ဒိုက် ၊ အာနိုး ၊ မားနေး ၊ ဖာမီနို ၊ ဆာလတ် တို့ရဲ့ အကောင်းဆုံး ခြေစွမ်းတွေနဲ့ အတူ  ၂၀၁၉-၂၀ ရာသီ ပရီးမီးယားလိဂ် ဖလားကို ဆွတ်ခူးနိုင်ပါတယ်။ သူတို့ပြသခဲ့တဲ့ခြေစွမ်းတွေနဲ့ သူတို့ရဲ့ အကောင်းဆုံး လူစာရင်းကြောင့် နောက်ရာသီ ပရီးမီးယားလိဂ် ဖလားကို အကောင်းဆုံး ကာကွယ်နိုင်မယ်လို့ ပရိတ်သတ်တော်တော်များများက ထင်ခဲ့ကြတာပဲဖြစ်ပါတယ်။ဒါပေမယ့် နောက်ရာသီ လီးပါပူး အသင်းက ပရိတ်သတ်တော်တော်များများ ထင်သလို ဖြစ်မလာပဲ အသင်းရဲ့ အဓိကအားထားရတဲ့ ဗန်ဒိုက်က ဒဏ်ရာပြဿနာကြောင့် ကာလရှည်ကြာနားခဲ့ရတာကြောင့် ပရီးမီးယားလိဂ် ချန်ပီယံ မန်စီးတီး အသင်းနဲ့ ၁၃ မှတ်ကွာဟ ခဲ့ပြီး ရာသီကုန်ခံနီးမှ  အသည်းအသန် ရုန်းကန်ပြီး ချန်ပီယံလိဂ် ဝင်ခွင့်ကို  ရရှိခဲ့တာပဲဖြစ်ပါတယ်။ 


၃.  လက်စတာစီးတီး 

လက်စတာစီးတီး အသင်းက ၂၀၁၆ ခုနှစ်မှာ ကမ္ဘာ့ဘောလုံးလောက ကို လှုပ်လှုပ်ခက်ခက် ဖြစ်သွားအောင်လုပ်နိုင်ခဲ့ပါတယ်။ ပြိုင်ဆိုင်မှုပြင်းထန်ပါတယ်ဆိုတဲ့ ပရီးမီးယားလိဂ် လိုမျိုး အသင်းကြီးတွေနဲ့ အကောင်းဆုံးယှဥ်ပြိုင်ပြီး ရာသီကုန်မှာ မာရက် ၊ ကန်တီ ၊ ဗာဒီ တို့ရဲ့ အကောင်းဆုံးခြေစွမ်းတွေနဲ့ အတူ  ပရီးမီးယားလိဂ် ဖလားကြီးကို အရယူနိုင်ခဲ့တာပဲဖြစ်ပါတယ်။  လက်စတာစီးတီးရဲ့ ချန်ပီယံကာကွယ်တဲ့ နောက်ရာသီကတော့ အခြေအနေတော်တော်လေးဆိုးဝါးခဲ့တာပဲဖြစ်ပါတယ်။ အသင်းရဲ့ အဓိက အားထားရတဲ့ ကစားသမား ကန်တီ ထွက်ခွာသွားမှုနဲ့ အတူ လက်စတာစီးတီး အသင်းက ရာသီ အကုန်မှာ အဆင့် ၁၂ အထိ ရောက်ရှိခဲ့တာပဲဖြစ်ပါတယ်။ 


၄. ချယ်ဆီး 

ချယ်ဆီး အသင်းက ၂၀၁၅-၁၆ ဘောလုံးရာသီမှာ နည်းပြကြီးမော်ရင်ဟို နဲ့ အတူ အကောင်းဆုံးရာသီ တစ်ခုကိုဖြတ်သန်းခဲ့ရပါတယ်။ ကစားသမားတွေရဲ့ အကောင်းဆုံးခြေစွမ်းတွေ၊ မော်ရင်ဟို ရဲ့ အကောင်းဆုံး နည်းစနစ် တွေနဲ့ အတူ ပရီးမီးယားလိဂ်ဖလားကို သိမ်းပိုက်နိုင်ခဲ့တာပဲဖြစ်ပါတယ်။ နောက်ရာသီ  ပထမဆုံး ၁၆ ပွဲမှာ ၇ ပွဲအထိ ရှုံးခဲ့ပြီး ရလဒ်တွေဆိုးဝါးနေတာကြောင့် နည်းပြကြီး မော်ရင်ဟိုကိုပါ အသင်းကနေထုပ်ခဲ့ရပါတယ် ။ အဲ့ရာသီ ချယ်ဆီး အသင်းက ပရီးမီးယားလိဂ် ပြီးဆုံးသွားချိန်မှာ အဆင့် ၁၀ ထိရောက်ရှိခဲ့တာပဲဖြစ်ပါတယ်။ 


၅. မန်စီးတီး 

ဒီရာသီက နည်ပြကြီး ဂွာဒီယိုလာ အတွက်ရော မန်စီးတီး အသင်းအတွက်ပါ  အလွန်ခက်ခဲပြီး တော်တော်လေး လုပ်ရကိုင်ရ ကြပ်တည်းနေတဲ့ ရာသီတစ်ခုဖြစ်ခဲ့ပါတယ်။ မန်စီးတီး အသင်းက ပရီးမီးယားလိဂ် ကို ကြီးစိုးနေခဲ့တာ အချိန်တစ်ခုတော့ ကြာမြင့်ခဲ့ပြီပဲဖြစ်ပါတယ်။ မန်စီးတီး အသင်းရဲ့ ခြေစွမ်းက အခုလိုဖြစ်လာမယ်လို့ ဘယ်သူကမှ ထင်ထားမှာတော့ မဟုတ်ပါဘူး ။ မန်စီးတီး ရဲ့ အဓိက အားထားရတဲ့ ကစားသမားအများစု အသက်အရွယ် ကြီးလာတာတွေ ၊ ရိုဒရီလို ကစားသမားမျိုးက ဒဏ်ရာပြသနာကို တစ်ရာသီလုံးလုံး ရင်ဆိုင်နေရတာတွေက မန်စီးတီး အသင်းရဲ့ အဓိက ကျရှုံးရတဲ့ အကြောင်းအရင်းတစ်ခုဖြစ်ခဲ့ပါတယ်။ အသင်းရဲ့ ကစားသမားတွေ ခြေစွမ်းပိုင်းကျဆင်းလာချိန်မှာ လူစားလဲဖို့ ဒေါင်ဒေါင်မြည် ကစားသမား နောက်ထပ်ကစားသမားတွေ မရှိတာကလည်း အသင်းကို အများကြီး အခြေအနေဆိုးဝါးစေခဲ့ပါတယ်။ ဒီရာသီ မန်စီးတီး အသင်း ပရီးမီးယားလိဂ် ရာသီပိတ်တဲ့ အချိန် အဆင့်ဘယ်လောက်မှာ ရပ်တည်သွားမလည်းဆိုတော့ စောင့်ကြည့်ရမှာပဲဖြစ်ပါတယ်။ 

ဟုတ်ကဲ့ပါ အခုတင်ဆက်ပေးသွားတာကတော့ ပရီးမီးယားလိဂ် သမိုင်းတစ်လျောက် အဆိုးရွားဆုံး ပရီးမီးယားလိဂ် ချန်ပီယံကာကွယ်မှု ဖြစ်ခဲ့တဲ့ အသင်း ၅ သင်းအကြောင်းပဲဖြစ်ပါတယ်။အဆုံးထိဝင်ရောက်ဖတ်ရှုပေးခဲ့ကြတဲ့တစ်ဦးတစ်ယောက်ချင်းစီတိုင်းကိုကျေးဇူးအများကြီးတင်ရှိပါတယ်။ 

#mmmedia

#manchesterunited

#chelsea

#liverpool

#leicestercity

#manchestercity

Related Sports News