အားကစားသတင်းများ

𝐄𝐧𝐠𝐥𝐚𝐧𝐝 နည်းပြ တွေ က နည်းပြလောကမှာဘာ လို့ မအောင်မြင်ကြတာလဲ

blog image

February 20, 2025

 á€˜á€ąá€Źá€œá€Żá€śá€¸á€œá€ąá€Źá€€ မှာ အင်္ဂလန် 𝐋𝐞𝐠𝐞𝐧𝐝 ကစားသမား တော်တော်များများ က ကစားသမား ဘဝ မှာ အောင်မြင်ခဲ့ကြပေမယ့် နည်းပြဘဝ အောင်မြင်မှုရရှိတဲ့ လူက အနည်းငယ်သာရှိတက်တယ်။ အခု လက်ရှိ နည်းပြတစ်ယောက် အဖြစ် တာဝန်ထမ်းဆောင်နေတဲ့ အင်္ဂလန် 𝐋𝐞𝐠𝐞𝐧𝐝 ကစားသမားတွေက သူတို့ရဲ့ ကစားသမား ဘဝမှာတော့ အကောင်းနည်းပြတွေရဲ့ လက်အောက်မှာ ပညာတွေသင်ကြားခဲ့ရတာပဲဖြစ်ပါတယ်။ ဒါပေမယ့် နည်းပြတစ်ယောက် အဖြစ်တာဝန်ယူ ရတဲ့ အချိန်မှာတော့ သူတို့ရဲ့ 𝐓𝐚𝐜𝐭𝐢𝐜𝐚𝐥 𝐈𝐧𝐧𝐨𝐯𝐚𝐭𝐢𝐨𝐧 ( နည်းပညာတီထွင်မှု ) နဲ့ 𝐂𝐨𝐚𝐜𝐡𝐢𝐧𝐠 𝐄𝐱𝐩𝐞𝐫𝐢𝐞𝐧𝐜𝐞 ( နည်းပြ အတွေ့အကြုံ) တွေက အများကြီးလိုအပ်သေးတာပဲဖြစ်ပါတယ်။ အခြားနိုင်ငံနည်းပြ တွေတော်တော်များများ က နည်းပညာတီထွင်မှုပိုင်းမှာ အလွန်ထူးချွန်ပြီး သူတို့ရဲ့ နည်းပြ ဘဝ ကိုလည်း အောက်ခြေကနေ တစ်ဆင့်ချင်း လေ့လာခဲ့ကြပြီး နည်းပြတစ်ယောက်မှာ ရှိသင့်ရှိထိုက်တဲ့ နည်းစနစ် တီထွင်နိုင်မှု ၊ နည်းပြဘဝ အတွေ့အကြုံ ၊ အဝတ်လဲခန်း ပြသနာတွေကို ကိုင်တွယ်နိုင်စွမ်းနဲ့ 𝐌𝐞𝐝𝐢𝐚 ဖိအားတွေကိုလည်း အကောင်းဆုံး ကိုင်တွယ်ဖြေရှင်း နိုင်တဲ့ အချိန်တစ်ခုရောက်မှသာ နည်းပြဘဝကို အကောင်းဆုံးစတင်ခဲ့ကြပါတယ်။


အင်္ဂလန် 𝐋𝐞𝐠𝐞𝐧𝐝 တော်တော်များများ က နိုင်ငံခြားနည်းပြတွေလို သူတို့ရဲ့ နည်းပြဘဝ အစ ကို အသင်းအသေးလေးတွေကနေ စတင်ပြီး အတွေ့အကြုံတွေ ပြည့်ဝမှ တစ်ဆင့်ချင်း အသင်းကြီးတွေကို ကိုင်တွယ်တာထက် နည်းပြဘဝ အစမှာထဲက ထိပ်တန်းအသင်းတွေကို စတင်ကိုင်တွယ်တာကြောင့် အခက်အခဲတွေနဲ့ ကြုံခဲ့ရတာလည်းဖြစ်ပါတယ်။ အင်္ဂလန် နည်းပြတော်တော်များများ က ကိုယ်ပိုင် နည်းစနစ် နည်းဗျူဟာ တီထွင်နိုင်တဲ့ အပိုင်းမှာ နိုင်ငံခြားနည်းပြတွေထက် အလွန်နိမ့်ကျတာကို တွေ့ရမှာပဲဖြစ်ပါတယ်။ နိုင်ငံခြား နည်းပြတွေက ကိုယ်ပိုင်နည်ဗျူဟာ တွေကို အကောင်းဆုံး စမ်းသပ် ပုံဖော်ပြီး ဆုဖလားပေါင်းများစွာကိုသိမ်းပိုက်ကာ ဘောလုံးလောကမှာ သူတို့ရဲ့ အကောင်းဆုံးအချိန်တစ်ခုကို ဖန်တီးနိုင်ခဲ့တာပဲဖြစ်ပါတယ်။ ဂွာဒီရိုလာ က ( 𝐓𝐢𝐤𝐢-𝐓𝐚𝐤𝐚 ) ၊ ကလော့ က ( 𝐆𝐞𝐠𝐞𝐧𝐩𝐫𝐞𝐬𝐬𝐢𝐧𝐠 ) ၊ အန်စလော့တီ က ( 𝐀𝐝𝐚𝐩𝐭𝐢𝐯𝐞 𝐅𝐨𝐨𝐭𝐛𝐚𝐥𝐥 ) စတဲ့ ကိုယ်ပိုင်နည်းစနစ်တွေကို တီထွင်ပြီး ၁၀ စုနှစ်တစ်ခု အကြာ ဘောလုံးလောက ကို အကောင်းဆုံးလွှမ်းမိုးနိုင်ခဲ့တာပဲဖြစ်ပါတယ်။

အင်္ဂလန် လူမျိူးနည်းပြတွေက အင်္ဂလန် ပရီးမီးယားလိဂ် ဖလားကို မသိမ်းပိုက်နိုင်ပဲ အခြား နိုင်ငံခြားနည်းပြတွေသာ သိမ်းပိုက်နိုင်ခဲ့တာ အချိန်ကာလအားဖြင့် တော်တော်ကြာမြင့်နေတာကို လည်းတွေ့မြင်ရမှာဖြစ်ပါတယ်။ အင်္ဂလန် 𝐥𝐞𝐠𝐞𝐧𝐝 ကစားသမားတွေဖြစ်ကြတဲ့ ဂျာရက် ၊ လမ်းပတ် ၊ ဂယ်ရီ နဗီး ၊ ရွန်းနီ တို့က ကစားသမား ဘဝ မှာ ကမ္ဘာ့ အကောင်းဆုံး ကစားသမား တွေဖြစ်ခဲ့ကြပေမယ့် နည်းပြ ဘဝမှာ တစ်ယောက်ကို အကြောင်းပြချက်တစ်ခုစီနဲ့ ကျရှုံးခဲ့ကြတာပဲဖြစ်ပါတယ်။ သူတို့ရဲ့ နည်းပြဘဝမှာ 𝐌𝐚𝐧- 𝐌𝐚𝐧𝐚𝐠𝐞𝐦𝐞𝐧𝐭 ၊ 𝐏𝐫𝐞𝐬𝐬𝐮𝐫𝐞 𝐌𝐚𝐧𝐚𝐠𝐞𝐦𝐞𝐧𝐭 ၊𝐌𝐞𝐝𝐢𝐚 𝐇𝐚𝐧𝐝𝐥𝐢𝐧𝐠 ၊ 𝐂𝐨𝐚𝐜𝐡𝐢𝐧𝐠 𝐄𝐱𝐩𝐞𝐫𝐢𝐞𝐧𝐜𝐞 နဲ့ 𝐓𝐚𝐜𝐭𝐢𝐜𝐚𝐥 𝐈𝐧𝐧𝐨𝐯𝐚𝐭𝐢𝐨𝐧 အပိုင်းတွေမှာ အတွေ့အကြုံနည်းပါးတာကြောင့်ရော အများကြီးလိုအပ်ခဲ့တာပဲဖြစ်ပါတယ်။ ဘောလုံးနဲ့ ပတ်သတ်ရင် အင်္ဂလန် ကစားသမားတော်တော်များများက နည်းစနစ်လည်းမကြွယ်ဝသလို နိုင်ငံခြားထွက်ပြီး တာဝန်ထမ်းဆောင်တဲ့ အင်္ဂလိပ်နည်းပြတွေထဲမှာ အောင်မြင်တာဆိုလို့ ဘာစီလိုနာ အသင်းတွေ အတူ ဆုဖလားတွေသိမ်းပိုက်နိုင်ခဲ့တဲ့ ဆာဘော်ဘီရော်ဆန် တစ်ယောက်လောက်ပဲရှိတာဖြစ်ပါတယ်။

နည်းပြလောက ကကစားသမား ဘဝနဲ့ မတူညီတာကြောင့် အင်္ဂလန်နည်းပြတွေ အကောင်းဆုံးနည်းပြတစ်ယောက်ဖြစ်လာဖို့ဆိုရင် နည်းဗျူဟာ တီထွင်နိုင်မှု ၊ နည်းပြ အတွေ့အကြုံ ၊ မီဒီယာ ဖိအား ကိုင်တွယ်နိုင်မှု၊ ကစားသမားတွေကို ဦးဆောင်နိုင်စွမ်း ၊ အဝတ်လဲခန်းပြဿနာတွေကို ကိုင်တွယ်နိုင်စွမ်း စတဲ့ အချက်တွေ လိုအပ်နေတာပဲဖြစ်ပါတယ်လို့ပြောရင်း ဒီမှာပဲ အဆုံးသတ်ပါရစေ ။ အဆုံးထိဝင်ရောက်ဖတ်ရှုပေးတဲ့ တစ်ဦးတစ်ယောက်ချင်းစီတိုင်းကို ကျေးဇူးအများကြီး တင်ရှိပါတယ်။

#mmmedia

#England

#coach

#Guardiola

#Klopp

#Ancelotti

Related Sports News

Manchester United ရဲ့နောက်ဆုံးရ Injury Update အကြောင်းအရာများ

April 5, 2025

ရာသီကုန်မှာ မန်စီးတီး အသင်းကနေ ထွက်ခွာတော့မယ် ကယ်ဗင် ဒီဘရိုင်း

April 5, 2025

ဆူပါလပ် လိုကစားသမားမျိုးတောင် အမှောက်ထိုးနိုင်ခဲ့တဲ့ One Championship ရဲ့ ကြားဖြတ်ရွှေခါးပတ်ပိုင်ရှင် နာဘီလ်

April 5, 2025

ခက်ခဲတဲ့ဘဝကိုကျော်ဖြတ်ခဲ့ရပြီး အောင်မြင်တဲ့ ဘောလုံးသမားတစ်ယောက်ဖြစ်လာခဲ့သူ ကားလို့စ်တီးဗက်ဇ်

April 5, 2025

21ရာစုရဲ့ တစ်ပွဲ ပျှမ်းမျှ ဝင်ငွေအများဆုံး ရရှိကြတဲ့ ကလပ်သင်း ၅သင်း

April 5, 2025