မန်ချက်စတာယူနိုက်တက်လို့ ပြောလိုက်တာနဲ့ ကမ္ဘာပေါ်မှာ လူကြိုက်အများဆုံး အသင်းတစ်သင်းဖြစ်ပြီး  ခေတ်တစ်ခုကို သူတို့ရဲ့ အကောင်းဆုံးပုံစံတွေနဲ့ ပိုင်စိုးခဲ့တဲ့ အသင်းတစ်သင်းဖြစ်ပါတယ်။ ပရီးမီးယားလိဂ် ဖလားကို အများဆုံးသိမ်းပိုက်ထားနိုင်တဲ့ အသင်းတစ်သင်းလည်းဖြစ်ပါတယ်။ ခေတ်တစ်ခေတ်ကို အကောင်းဆုံးဖော်ဆောင်နိုင်ခဲ့ပေမယ့် နောက်ပိုင်းကာလတွေမှာတော့ မန်ချက်စတာယူနိုက်တက် အသင်းက ဆုဖလားတွေကို စိန်ခေါ်နိုင်တဲ့ အသင်းတစ်သင်းတော့မဟုတ်ခဲ့ပါဘူး ။ မန်ချက်စတာယူနိုက်အသင်းရဲ့ ဂန္ထဝင်နည်းပြကြီး ဖာဂူဆန် ခေတ်အလွန်မှာ မန်ချက်စတာယူနိုက်တက်အသင်းက ကြီးကြီးမားမား ဘာအောင်မြင်မှုမှ မရရှိတော့တာပဲဖြစ်ပါတယ်။ မန်ချက်စတာယူနိုက်တက်အသင်းက နည်းပြကြီး ဖာဂူဆန် ထွက်သွားပြီးကတည်းက အလားအလာရှိတဲ့ အကောင်းဆုံးပုံစံကောင်းတွေပြသနိုင်တဲ့ နည်းပြတစ်ဦးကို ခေါ်ခဲ့ပေမယ့်လည်း မန်ချက်စတာယူနိုက်အသင်းက နည်းပြတွေအတွက်  သင်္ချိုင်းမြေတစ်ခုလိုဖြစ်လာပါတယ်။ အလားအလာ ရှိတဲ့နည်းပြတွေက မန်ချက်စတာယူနိုက်တက် အသင်း ရဲ့ နည်းပြဖြစ်လာချိန်မှာ  အသင်းရဲ့ ကြီးမားတဲ့ ပုံရိပ်ကြောင့် ဖိအားတော်တော်များများကို  ရရှိခဲ့ပါတယ်။ ယူနိုက်တက်မှာ နည်းပြတွေ တည်မြဲမှုမရှိတာဟာ အသင်းစီမံခန့်ခွဲမှု၊ ကစားသမားများနဲ့ ဆက်ဆံရေး၊ အသင်း၏ မျှော်မှန်းချက်များကြောင့် ဖြစ်နိုင်ပါတယ်။ ဖာဂူဆန်ထံမှ တာဝန်လွှဲအပြီးကစပြီး ယူနိုက်တက်မှာ နည်းပြများစွာလာခဲ့ကြပါတယ်။ ဒါပေမယ့် တည်မြဲမှုမရှိဘဲ တစ်ယောက်ပြီးတစ်ယောက် ပြောင်းလဲခဲ့ရတာပဲဖြစ်ပါတယ်။  

၁. ဒေးဗစ် မိုယက်စ် 

ဖာဂူဆန် တာဝန်လွှဲပြောင်းပြီးနောက် မန်ချက်စတာယူနိုက်တက် အသင်းရဲ့ ပထမဆုံးနည်းပြဖြစ်လာတဲ့ သူကတော့ ဒေးဗစ် မိုယက်စ် ပဲဖြစ်ပါတယ်။ အဲဗာတန် အသင်း ကို အကောင်းဆုံးကိုင်တွယ်နိုင်ခဲ့တဲ့ ဒေးဗစ် မိုယက်စ် ကို မန်ချက်စတာယူနိုက်တက် အသင်း ကမျှော်လင့်ချက်ကြီးကြီးမားမား ထားကာ ၆ နှစ်စာချုပ်နဲ့ နည်းပြတာဝန်ကို ပေးခဲ့ပေမယ့်လဲ ဒေးဗစ်မိုယက်စ် လက်ထပ် မန်ချက်စတာယူနိုက်တက် အသင်းရဲ့ အခြေအနေတွေဆိုးရွားပြီး ပြိုင်ပွဲစုံ ၅၁ ပွဲ ကိုင်တွယ်ခဲ့ပြီး ၂၇ ပွဲနိုင် ၉ပွဲ သရေ ၁၅ ပွဲ ထိ ရှုံးကာ ပရီးမီးယားလိဂ် ရပ်တည်မှု အဆင့် ၇ ထိ ရောက်ရှိခဲ့တာကြောင့် ၁၀ လ အကြာမှာ ပဲ နည်းပြရာထူးမှ ထုပ်ပယ်ခံခဲ့ရတာပဲဖြစ်ပါတယ်။ 

၂ . လူးဝစ် ဖန်ဟာလ် 

မန်ချက်စတာ ယူနိုက်တက် အသင်းက ဒေးဗစ်မိုယက်စ် ကို ရာထူးကထုတ်ပယ်ပြီးနောက် အသင်းရဲ့ လစ်ဟာနေတဲ့ နည်းပြရာထူးတစ်နေရာ အတွက် နယ်သာလန် အသင်းရဲ့ နည်းပြတစ်ဦးဖြစ်တဲ့ လူးဝစ် ဖန်ဟာလ် ကို တာဝန်လွဲပြောင်းပေးခဲ့တာပဲဖြစ်ပါတယ်။ လူဝစ် ဖန်ဟာလ် လက်ထပ်မှာလည်း မန်ချက်စတာယူနိုက်တက် အသင်း က ဆုဖလားအောင်မြင်မှု အဖြစ် 𝐅𝐀ဖလားတစ်ခုထဲကိုသာ သိမ်းပိုက်နိုင်ခဲ့ပေမယ့် အသင်း က နိုင်လိုက်ရှုံးလိုက်နဲ့ အသင်းရဲ့ ကစားကွက် ရော အသင်းရဲ့ အခြေအနေကလည်း တည်ငြိမ်မှု မရှိတာကြောင့်  ၂ နှစ်အကြာအမှာ ပဲ ရာထူးကနေ ထုတ်ပယ်ခဲ့တာပဲဖြစ်ပါတယ်။ လူးဝစ် ဖန်ဟာလ် က မန်ချက်စတာယူနိုက်တက် အသင်းကို ပြိုင်ပွဲစုံ ၁၀၃ ပွဲကိုင်တွယ်ခဲ့ပြီး ၅၄ ပွဲ နိုင် ၂၅ ပွဲသရေ ၂၄ ပွဲ အထိ ရှုံးနိမ့်ခဲ့တာပဲဖြစ်ပါတယ်။ 

၃. ဟိုဆေး မော်ရင်ညို 

လူးဝစ် ဖန်ဟာလ် ထွက်ခွာသွားပြီးနောက် မန်ချက်စတာယူနိုက်တက် အသင်းက ကမ္ဘာ့အကောင်းဆုံးနည်းပြတွေထဲ ကတစ်ဦးဖြစ်တဲ့ စပယ်ရှယ် ဝမ်း လို့ လူသိများ တဲ့  ချယ်ဆီး အသင်းရဲ့ နည်းပြဟောင်း ဟိုဆေး မော်ရင်ညို  ကိုနည်းပြရာထူး ခန့်အပ်ခဲ့တာပဲဖြစ်ပါတယ်။   ဟိုဆေး မော်ရင်ညို  လက်ထပ် ပထမဆုံး ရာသီမှာ မန်ချက်စတာယူနိုက်တက် အသင်းအနေနဲ့  ပုံစံကောင်းတွေပြသနိုင်ခဲ့ပြီး ယူရိုပါလိဂ် ဖလားနဲ့ လိဂ်ဖလားတို့ကို ရရှိခဲ့ပါတယ်။ နောက်ပိုင်းမှာ အသင်းရဲ့ ကြယ်ပွင့်ကစားသမားတွေနဲ့ အဆင်မပြေ ဖြစ်ခဲ့ကာ အဝတ်လဲခန်းပြသနာတွေကြောင့် ဒုတိယ ရာသီမှာပဲ နည်းပြ ရာထူးကနေ ထုတ်ပယ်ခံခဲ့ရတာပဲဖြစ်ပါတယ်။   ဟိုဆေး မော်ရင်ညို  က မန်ချက်စတာယူနိုက်တက် အသင်းကို ၂ ရာသီကြာကိုင်တွယ်ခဲ့ပြီး ပြိုင်ပွဲစုံ ၁၄၄ ပွဲမှာ ၈၄ အနိုင်၊ ၃၂ သရေ၊၂၈ ရှုံးနိမ့်ခဲ့တာပဲဖြစ်ပါတယ်။ 

၄. အိုလီဂါနာ ဆိုးလ်ရှား 

 ဟိုဆေး မော်ရင်ညို  ပြီးနောက်  မန်ချက်စတာယူနိုက် အသင်းရဲ့ နည်းပြရာထူးကို တာဝန်လွဲပြောင်းယူခဲ့တဲ့ သူကတော့ အသင်းရဲ့ ကစားသမားဟောင်းတစ်ဦးဖြစ်တဲ့  ဟိုဆေး အိုလီဂါနာ ဆိုးလ်ရှား ပဲဖြစ်ပါတယ်။ အိုလီဂါနာ ဆိုးလ်ရှား  က မန်ချက်စတာယူနိုက်တက် အသင်းကိုမရောက်ရှိခင်က 𝐌𝐨𝐥𝐝𝐞 အသင်းကို နည်းပြခဲ့ပြီး သူ့ရဲ့ ကောင်းမွန်တဲ့နည်းစနစ်တွေကြောင့်ရော အသင်းရဲ့ ကစားသမားဟောင်းတစ်ဦးဖြစ်နေတာကြောင့်‌အသင်းရဲ့နည်းပြတစ်ဦးဖြစ်လာခဲ့ပါတယ်။ ဆိုးလ်ရှား လက်ထပ်မှာလည်း မန်ချက်စတာယူနိုက်တက် အသင်းရဲ့ ပုံစံက သိသိသာသာကြီး တိုးတက်ကောင်းမွန်လာတာမျိုးမရှိဘဲ အသင်း ကစည်းလုံးမှု မရှိတာအပြင်  ခံစစ် ကစားပုံပါ ဆိုးရွားတာကြောင့် နောက်ပိုင်းမှာ ရှုံးပွဲတွေဆက်ခဲ့ရပြီး ၃ ရာသီ အကြာမှာပဲ မန်ချက်စတာယူနိုက် အသင်းကနေ လက်ပြနှုတ်ဆက်ထွက်ခွာသွားခဲ့ရတာပဲဖြစ်ပါတယ်။ ဆိုးလ်ရှား လက်ထပ် မန်ချက်စတာယူနိုက်တက် အသင်းက ၁၆၈ ပွဲကစားခဲ့ပြီး  ၉၁ အနိုင် ၊ ၃၇ သရေ၊  ၄၀ ထိရှုံးနိမ့်ခဲ့တာပဲဖြစ်ပါတယ်။ 

၅ .အဲရစ် တန်ဟက် 

မန်ချက်စတာယူနိုက်တက် အသင်းက ၂၀၁၇ ခုနှစ်မှာ အသင်းအတွက် လိုအပ်နေတဲ့ နည်းပြ အတွက် လူငယ်ကစားသမားတွေကိုကောင်းကောင်းကိုင်တွယ်နိုင်ပြီး လူငယ်ကစားသမားတွေနဲ့ အတူ အကောင်းဆုံးကစားကွက်တွေနဲ့ ဥရောပ အသင်းကြီးတွေကို အကောင်းဆုံး ယှဥ်ပြိုင်ခဲ့ကာ အေဂျက် အသင်းနဲ့ အတူ ချန်ပီယံလိဂ် ဆီးမီးဖိုင်နယ်အထိ တက်နိုင်ခဲ့တဲ့ အဲရစ် တန်ဟက်  ကိုနည်းပြ အဖြစ်ခန့်အပ်ခဲ့တာပဲဖြစ်ပါတယ်။ အဲရစ် တန်ဟက် လက်ထပ်မှာလည်း မန်ချက်စတာယူနိုက်တက် အသင်း ရဲ့ အရင်ပုံစံကို ပြန်မရတော့ပဲ အဲရစ် တန်ဟက်  ရဲ့ မလိုလားအပ်တဲ့ ခေါင်းမာမှုတွေကြောင့် အပြင် ကစားသမားထိန်းချုပ်မှု အပိုင်းမှာ ညံ့ဖျင်းတာကြောင့်  ၂ ရာသီ အကြာမှာပဲ အသင်းကနေထုတ်ပယ်ခံခဲ့ရတာပဲဖြစ်ပါတယ်။ 

၆ .  အာမိုရင် 

စပို့တင်း အသင်းနဲ့ အတူ ပုံစံကောင်းတွေပြသနေတဲ့ အနာဂတ် အတွက် အလားအလာကောင်းတွေ အများကြီးရှိပြီး အရည်အချင်းပြည့်ဝတဲ့ အာမိုရင် ကတော့ မန်ချက်စတာယူနိုက်တက် အသင်းရဲ့ နည်းပြ ဖြစ်လာခဲ့ပါတယ်။ ဒါပေမယ့် မန်ချက်စတာယူနိုက်တက် အသင်းမှာ အာမိုရင် က အဆိုးရွားဆုံးရာသီ တစ်ခုကို ဖြတ်သန်းနေရပြီး ကစားသမားတော်တော်များများ က ဒဏ်ရာပြသနာနဲ့ရင်ဆိုင်နေရတာလည်းဖြစ်ပါတယ်။ ပရီးမီးယားလိဂ် ဇယားရပ်တည်မှုမှာလည်း အဆင့် ၁၅ ထိ ရောက်ရှိခဲ့ပြီးတော်တော်လေးတိုင်ပတ်နေတာပဲဖြစ်ပါတယ်။အာမိုရင်ဘာတွေမှားနေတာလဲ ဒါမှမဟုတ် မန်ချက်စတာယူနိုက်အသင်းက  နည်းပြတွေအတွက် သင်္ချိုင်းမြေ ဖြစ်နေခဲ့တာလား။ 

  မန်ယူဟာ နည်းပြများ မတည်မြဲမှု၊ အသင်းစီမံခန့်ခွဲမှု ပြဿနာများ ကြောင့် ပရီးမီးယားလိဂ်တွင် အမြဲတမ်း အကောင်းဆုံး အဆင့်တွေမှာရှိမနေခဲ့တာပဲဖြစ်ပါတယ်။ ပရိတ်သတ်တွေရဲ့ အမြင်ကို ကော့မန့်မှာ ဝင်ရောက်ဆွေးနွေးပေးသွားကြပါဦး ။အဆုံးထိ ဝင်ရောက်ဖတ်ရှုပေးခဲ့ကြတဲ့ တစ်ဦးတစ်ယောက် ချင်းစီတိုင်းကိုကျေးဇူးအများကြီး တင်ရှိပါတယ်။

#mmmedia 

#DavidMoyes

#LouisvanGaal

#OleGunnarSolskjær

#EriktenHag

#RubenAmorim

#manchesteruinted

#coach