ဘောလုံးအားကစားကိုချစ်မြတ်နိုးကြတဲ့သူတိုင်း အန်းဒရပ်စ် အင်နီယေစတာ ကိုတန်ဖိုးထားနှစ်သက် ကြမယ်ဆိုတာသေချာပါတယ်။ ကစားသမားဘဝပွဲပေါင်း 1,000 ကျော်တဲ့အထိ အနီကဒ်တစ်ကြိမ်တစ်ခါ မှမရရှိဖူးပဲ အခါးသီးဆုံးမြို့ခံပြိုင်ဘက်တွေကတောင် လေးစားခြင်းကိုခံခဲ့ရတဲ့ဘောလုံးကစားသမားတစ်ယောက်ဖြစ်ပါတယ်။ ကစားသမားဘဝရဲ့ အချိန်အများစုကို ဘာစီလိုနာမှာပဲကုန်းဆုံးခဲ့ပြီး တီကီတာကာ ကစားဟန်ရဲ့အနှစ်သာရကို ဘက်စကွပ်၊ ဇာဗီ တို့နှင့်အတူတွဲကစားကာ အကောင်းဆုံးကွင်းလယ် ကစားသမား တွေထဲ တစ်ယောက်အဖြစ်သတ်မှတ်ထားခြင်းခံခဲ့ရ သူလည်းဖြစ်ပါတယ်။ အမြဲတမ်းကျောနံပါတ် 8 ဂျာစီ နဲ့မြင်တွေ့ရလေ့ရှိပြီး နံပါတ် 8 ကိုနှစ်သက်တဲ့ ဒီဂန္တာဝင်ကွင်းလယ်လူဟာ အခုတော့ အောက်တိုဘာ 8 ရက်နေ့ 2024 ၊ အသက် 40 အရွယ်မှာ ဘောလုံးကစားသမားဘဝကိုအပြီးသတ်အနားယူလိုက်ပြီဖြစ်ပါတယ်။
အင်နီယေစတာကို 1984 မေလ စပိန်ကရွာလေးတစ်ရွာမှာမွေးဖွားခဲ့ပါတယ်။ အသက် 12 နှစ်အရွယ် နယ်ရွာလေးက အငယ်တန်းဘောလုံးပြိုင်ပွဲတွေမှာယှဉ်ပြိုင်ကစားနေစဉ် ကင်းထောက်တွေရဲ့စောင့်ကြည့် ခြင်းကိုခံခဲ့ရပြီး သူ့မိဘတွေကလည်း ဘာစီလိုနာလူငယ်အသင်းနည်းပြနဲ့ရင်းနှီးတာမို့ အင်နီယေစတာ ကို ဘာစီလိုနာအကယ်ဒမီဆီသွားရန်တိုက်တွန်းခဲ့ပါသည်။ ထို့နောက် လာမာစီယာဆီရောက်လာပြီး ကွင်းလယ်ကစားသမားတစ်ဦးအဖြစ် အကယ်ဒမီမှာ ဘောလုံးပညာတွေသင်ကြားပြီးနောက် အသက် 18 နှစ် ၊ 2002 ခုနှစ်တွင်ဘာစီလိုနာအသင်းကြီး အတွက်ပါဝင်ကစားခွင့်ရရှိခဲ့ပါတယ်။ အင်နီယေစတာ အသင်းသို့ရောက်ရှိပြီးနောက် ဘာစီလိုနာအသင်းခေါင်းဆောင် ပတ်ဂွာဒီယိုလာက အသင်းဖော်ဖြစ်သူ ဇာဗီကို “ သူကငါ့ကိုအနားယူစေတော့မယ် ၊ ငါတို့အားလုံးကိုအနားယူစေတော့မယ် “ လို့ အင်နီယေစတာရဲ့ ခြေစွမ်းအပေါ်မှာအတော်လေးအထင်ကြီးခဲ့ပါတယ်။ အဲ့ဒီနောက် 2004/2005 ဘောလုံးရာသီမှာပုံမှန်ပွဲထွက်ခွင့် တွေရရှိခဲ့ပြီး 2018 ခုနှစ်ထိကစားကာ ဘာစီလိုနာရဲ့ နှစ်ကြိမ်တိုင်တိုင် တစ်နှစ်အတွင်းဆုဖလား 3 လုံးအောင်ပွဲခံမှုတွေနဲ့အတူ ဆုဖလား 35 လုံးထိနဲ့ပိုင်ဆိုင်နိုင်ခဲ့သည်။ ဘာစီလိုနာပြီးတော့ ဂျေဝမ်းကလပ် ဗစ်ဆယ်ကိုဘီ မှာ 6 နှစ်ကစား ပြီးတော့ 2023/2024 မှာ သူ့ရဲ့နောက်ဆုံးကလပ်ဖြစ်တဲ့ ယူအေအီးပရိုလိဂ် က အမ်းမရိတ် ကိုပြောင်းရွှေ့ကစားခဲ့တာဖြစ်ပါတယ်။
နိုင်ငံလက်ရွေးစင်အဖြစ်တော့ စပိန်ရဲ့ ယူ 16, ယူ 19, ယူ 21 တို့အတွက်စတင်ကစားခဲ့ပြီး 2006 မှာလက်ရွေးစင်အသင်းကြီးအတွက်စတင်ကစားပေးခဲ့ပါတယ်။ ယူရို 2008 မှာ စပိန်အသင်းအတွက်ပွဲတိုင်း ပါဝင်ကစားပေးခဲ့ပြီး စပိန်တို့ကို ယူရို 2008 ဖလားရအောင်စွမ်းဆောင်ပေးခဲ့ကာ ယူရို 2008 ပြိုင်ပွဲရဲ့ Player Of The Tournament ဆုကိုပါရရှိခဲ့ပါတယ်။ 2010 ကမ္ဘာ့ဖလားမှာလည်း နယ်သာလန်အသင်းနဲ့ ဖိုင်နယ်ပွဲစဉ်ကို ယှဉ်ပြိုင်ကစားခဲ့ပြီး တစ်လုံးထဲသောအနိုင်းဂိုးကို ဖာဘရီဂတ်ရဲ့ဖန်တီးပေးမှုကနေအချိန်ပိုမှာသွင်းယူကာ သမိုင်းဝင်နိုင်ပွဲကိုလည်း ဖော်ဆောင်ပေး နိုင်ခဲ့ပါတယ်။ ပြီးတော့ အဲ့ဒီဖိုင်နယ်ရဲ့အကောင်းဆုံးကစားသမား ဆုကိုလည်းရရှိခဲ့ပြီး 2010 ကမ္ဘာ့ဖလားရဲ့ အကောင်းဆုံးအသင်းမှာလည်းရွေးချယ်ခံခဲ့ရပါတယ်။ ဒါ့အပြင်အဲ့ဒီနှစ်ရဲ့ နိုင်ငံနှင့်ကလပ်အသင်းတို့အတွက်စွမ်း ဆောင်ရည်ကောင်းတွေကြောင့် 2010 ရွှေဘောလုံးဆု ဆန်ခါတင် စာရင်းမှာလည်း မက်ဆီနောက် ဒုတိယနေရာမှာ ရပ်တည်နိုင်ခဲ့ပါတယ်။ 2012 ယူရိုမှာလည်း 2 နှစ်ဆက်ချန်ပီယံအဖြစ် အီတလီကိုဖိုင်နယ်မှာ အနိုင်ရရှိကာ အဲ့ဒီပွဲစဉ်ရဲ့အကောင်းဆုံး ကစားသမားဆုအပြင် Player Of The Tournament ဆုကိုလည်း ရရှိခဲ့ပါတယ်။ ဒီလိုခြေစွမ်းကောင်းတွေကြောင့် အင်နီယေစတာဟာ FIFA FIFPro ရဲ့ကမ္ဘာ့ အကောင်းဆုံး 11 ယောက်စာရင်းမှာ 9 ကြိမ်ပါဝင်ပြီး UEFA ရဲ့တစ်နှစ်တာအကောင်းဆုံးစာရင်းမှာလည်း 6 ကြိမ်တိုင်တိုင် ပါဝင်ခဲ့ပါတယ်။ ပြီးတော့ UEFA ယူရို ရဲ့အမြဲတမ်းအကောင်းဆုံးကစားသမား 11 စားရင်းမှာလည်းထည့်သွင်း ခြင်းခံခဲ့ရပါတယ်။ 2012 မှာလည်း UEFA ရဲ့အကောင်းဆုံးကစားသမား ၊ IFFHS ရဲ့ကမ္ဘာ့အကောင်းဆုံး Playermaker ဆုကို 2012 နဲ့ 2013 ခုနှစ်တွေမှာထပ်ပြီးပိုင်ဆိုင်နိုင်ခဲ့ပါတယ်။ 2012 မှာတော့ ရွှေဘောလုံးရဲ့ ဆန်ခါတင်စာရင်းမှာ တတိယနေရာထိရရှိခဲ့ပါတယ်။
အင်နီယေစတာ ရဲ့ကစားသမားဘဝကတစ်ကယ်ကိုခမ်းနားခဲ့ပြီး အကောင်းဆုံးကွင်းလယ်လူတွေအကြောင်းကို ပြောတဲ့ အခါမဖြစ်မနေထည့်ပြောရမဲ့ ကစားသမားဖြစ်ပါတယ်။ ဘောလုံးကို ဘယ်ခြေညာခြေနှစ်ဘက်လုံးနဲ့ ညင်သာစွာ ကစားတတ်ပြီး ဖိအားကင်းကင်းနဲ့ ပွဲအပေါ်ချဉ်းကပ်နိုင်တာ အင်နီယေစတာရဲ့အားသာချက်တွေ ဖြစ်ပါတယ်။ နောက်ပြီး အကောင်းဆုံးကစားသမားတွေတော်တော်များများတောင် မလုပ်ယူနိုင်တဲ့ ဖိုင်နယ်ပွဲစဉ်တိုင်းရဲ့ အကောင်းဆုံးကစားသမားဆုတွေကိုလည်းရရှိထားသူဖြစ်ပါတယ်။ မက်ဆီ၊ နေမာ တို့ပြောနေကျအတိုင်းဆို “ ကျွန်တော်တို့ ပြိုင်ဘက်ကစားသမားတွေကြား ကျော်ဖြတ်ဖို့ခက်နေရင် အင်နီယေစတာ ရှိရာကိုသာ ဘောလုံးပေးလိုက်ပါတယ်။ သူပဲအားလုံး ကိုဖြေရှင်းပေးပါတယ် “ ။ တကယ်ကို အင်နီယေစတာ အတွက် ချီးမွှမ်းမှုတွေကပြောလို့ကိုကုန်မှာမဟုတ်ပါဘူး ဒီလိုကစားသမားမျိုးက ဘောလုံးလောကအတွက် အရမ်းကိုအဖိုးတန်တဲ့ ကစားသမားမျိုးဖြစ်ပါတယ်။ သူ့ခေတ်သူ့ခါက လိုကောင်းတဲ့ကစားသမားမျိုး လက်ရှိမှာလည်းကျွန်တော်တို့တွေပြန်မမြင်နိုင်တော့တာမို့ သူ့ရဲ့အတိတ်က အောင်မြင်မှုတွေကို လွမ်းရင်း ဂန္တာဝင်ကွင်းလယ်ကစားသမားကိုအမြဲတမ်းတန်ဖိုးထား အမှတ်ရနေမှာပါ။

LEGEND ဆုဖလားအောင်မြင်မှု
--------------------
  World Cup

 2x Euro

  4x Champions League
  9x LaLiga

  3x Club World Cup

  3x Super Cup
  6x Copa del Rey
  7x SuperCopa

 1x Japanese Champion

  1x Japanese Cup

  1x Japanese Super Cup

ဖိုင်နယ်ပွဲစဉ်တွေရဲ့ ပွဲစဉ်အတွင်းအကောင်းဆုံးကစားသမားဆု ( MOTM )
---------------------------------------------------------------------
 World Cup Final

 Euros Final

 UCL Final

 UEFA Super Cup

 Copa del Rey Final