အားကစားသတင်းများ
ယူနိုက်တက်ရဲ့ ထာဝရအကောင်းဆုံး ခံစစ်မှူး နီမန်ဂျာဗီဒစ်
October 28, 2024
လက်ရှိယူနိုက်တက်မှာ အသင်းအတွက်ပေးဆပ်လိုစိတ်အပြည့်ရှိတဲ့ ကစားသမားက လီချာလား ဒါဆို နောက်မှာတန်းစီလိုက်ပါ၊ ပြီးတော့အတိတ်မှာဆို ရွိုင်ကိန်း ပေါ့ သူလဲပဲအနောက်မှာတန်းစီပါ၊ ထပ်ပြီးအသင်းအတွက် ခေါင်းဆောင်နိုင်မှု၊ တာဝန်ယူနိုင်မှုတွေအားလုံးရှိတဲ့ယူနိုက်တက် ကစားသမားတွေ အားလုံးလဲ အခုပြောမဲ့ သူရဲ့နောက်ကနေတန်းစီကြပါ။ သူကတော့ ဒီလိုအရည်အချင်းတွေအားလုံးပြည့်နေတဲ့၊ ယူနိုက်တက်အတွက်ဆို အသက်ပဲသေသေ၊ ကိုယ်လက်အင်္ဂါတွေပဲ ဆုံးရှုံးသွားပါစေ၊ အသင်းအနိုင်ရဖို့နဲ့ ဂိုးမပေးရဖို့ကိုသာ အဓိကထားတဲ့ ကစားသမား၊ ယူနိုက်တက်သမိုင်းမှာ နှစ်ယောက်ပြန်မရတော့တဲ့ တစ်ချိန်ကအသင်းခေါင်းဆောင်ကြီး နီမန်ဂျာဗီဒစ်ပဲဖြစ်ပါတယ်။ ဗီဒစ်ရဲ့ခံယူချက်ပြင်းထန်ပုံများကတော့ အထူးပြောစရာမလိုအောင်ကို ယူနိုက်ဖန်တွေဆိုသိပြီးသား၊ ထရိန်နင်ကွင်းမှာတောင်နည်းပြတွေက တားယူရတဲ့အထိပါ။ လက်ရှိယူနိုက်တက်ကစားသမားတွေ နဲ့တော့ ကွာပါ့ပေါ့၊ ယူနိုက်တက်မှာ 9 နှစ်တာသာ ကစားသွားပေမဲ့ အောင်မြင်မှုမှတ်တိုင်များစွာနဲ့အတူ ဘောလုံးသမိုင်းရဲ့စာမျက်နှာမှာ နာမည်တစ်လုံး ရေးထိုးသွားခဲ့တဲ့ ယူနိုက်တက်ရဲ့ ထာဝရအကောင်းဆုံး ခံစစ်မှူးကြီးဖြစ်ပါတယ်။
စပါးတပ်မော်စကို ကနေ ပေါင် 7 သန်းထဲနဲ့ ဖာဂူဆန်ခေါ်ယူလိုက်တဲ့ တောသားလေးတစ်ယောက်ဟာ ယူနိုက်တက်ရောက်တုန်းကဆို ဘယ်သူမှတောင်သတိမထားမိကြပါဘူး။ ဒါပေမဲ့ သူဟာယူနိုက်တက်ရဲ့ ခံစစ်ကိုဆယ်စုနှစ်တစ်ခုစာလောက်စိတ်ချသွားစေခဲ့ပြီးအသင်းဖော် ဖာဒီနန် နဲ့တွဲဖက်ကာ ယူနိုက်တက်ရဲ့ ခေတ်တစ်ခေတ်ကိုထူထောင်သွားခဲ့ပါတယ်။ ဗီဒစ်ရဲ့ သန်မာမှု၊ ခေါင်းဆောင်မှုစွမ်းရည်တွေနဲ့ ဖာဒီနန်ရဲ့ ဘောလုံးဦးနှောက်ကောင်းကောင်း အသုံးချနိုင်မှုတွေပေါင်းစပ်လိုက်ချိန်မှာ ဒီခံစစ်အတွဲဟာတံတိုင်းသဖွယ်ပါပဲ။ ဖာဒီနန်ရဲ့ အကောင်းဆုံး ခြေစွမ်းတွေဟာ ဗီဒစ်ကြောင့်ဖြစ်ပေါ်လာခဲ့သလို၊ ဗီဒစ်ရဲ့လိုအပ်ချက်တွေဟာလည်း ဖာဒီနန်ကြောင့်ပြည့်စုံစေခဲ့ပြီး တကယ်ကိုလိုက်ဖက်လွန်းတဲ့သမိုင်းဝင်ခံစစ်အတွဲအဖက်ဖြစ်ခဲ့ပါတယ်။
ဗီဒစ်ဟာကွင်းပြင်ပမှာ အနေအေးသလောက် ကွင်းထဲမှာတော့တကယ့်သားရဲတစ်ကောင်ပါ၊ ပြိုင်ဘက်တိုင်းကို စိုးထိတ်ကြောက်ရွံ့မှုတွေပေးစွမ်းသလို အသင်းအတွက်စိတ်လုံခြုံမှုအပြည့်ပေးစွမ်းနိုင်သူဖြစ်ပါတယ်။ ဘယ်လိုအခြေအနေမျိုးမှာပဲဖြစ်ဖြစ် ဘောလုံးဖြတ်ထုတ်ဖို့ နောက်ဆုတ်မသွားတတ် တဲ့သူမျိုးဖြစ်ပြီး ဟန်ချက်ပျက်လဲကျနေချိန်မှာတောင်ခေါင်းထိုးထည့်တတ်တဲ့ သူမျိုးပါ။ သူရဲ့ခံယူချက်ကရှင်းပါတယ် " နှာခေါင်းရိုးကျိုးသွားရင် ပြန်ကုလို့ရတယ် ဒါပေမဲ့ တစ်ယောက်ယောက်ကို ဂိုးသွင်းခွင့်ပေးလိုက်ရင်တော့ ခင်ဗျားရဲ့ဂုဏ်သိက္ခာ ကိုပြန်ဆယ်နိုင်မှာမဟုတ်တော့ပါဘူး။ "တဲ့ တကယ်ကိုရဲစွမ်းသတ္တိပြည့်တဲ့သူပါ။ ထိုအချိန်ကယူနိုက်တက်တိုက်စစ်မှူးတွေစိတ်အေးလက်အေးနဲ့ဂိုးတွေသွင်းနိုင်တာ၊ တိုက်စစ်ဆင်နိုင်တာတွေက အနောက်မှာ ဗီဒစ်ရှိတယ်ဆိုတဲ့စိတ်ခံစားချက်ရှိခဲ့လို့ပါ။ ဗီဒစ်ရှိရင်လှည့်ကြည့် စရာမလိုဘူးဆိုတဲ့ အထိပါပဲ၊ အဲ့လောက်ထိအသင်းအပေါ်ကိုလွှမ်းမိုးထားနိုင်ခဲ့သူဖြစ်ပါတယ်။
သူဟာ ယူနိုက်တက်အတွက် ပြိုင်ပွဲစုံ ပွဲ ( 300 ) ကစားခဲ့ပြီး သွင်းဂိုး 21 ဂိုးသွင်းယူကာ ပရီးမီးယားလိဂ်၊ ချန်ပီယံလိဂ် ဆုဖလားတွေအပါအဝင် ဆုဖလား 15 လုံးထိရယူနိုင်ခဲ့ပါတယ်။ နောက်ပြီးပရီးမီးယားလိဂ်ရဲ့ တစ်နှစ်တာအကောင်းဆုံးကစားသမားဆုကိုနှစ်ကြိမ်ဆက်ရယူနိုင်တဲ့ ပထမဦးဆုံးနောက်ခံလူအဖြစ်လဲမှတ်တမ်း တင်ခဲ့ပါသေးတယ်။ ခင်ဗျားတို့အနေနဲ့ အသင်းအတွက်အရမ်းကိုပေးဆပ်ပါတယ်၊ အသင်းအတွက်ဆို ဘာဖြစ်ဖြစ်ပါလို့ ချီးကျူးနေကြတဲ့သူတွေရှိတဲ့အခါကြရင် အဲ့ဒီစားရင်းမှာ ဗီဒစ်ကိုသေချာပေါက်ထည့်ဖို့လိုပါလိမ့်မယ်။
#k9mmmedia
#Manchesterunited
#NemanjaVidic
Related Sports News
Manchester United ရဲ့နောက်ဆုံးရ Injury Update အကြောင်းအရာများ
April 5, 2025
ရာသီကုန်မှာ မန်စီးတီး အသင်းကနေ ထွက်ခွာတော့မယ် ကယ်ဗင် ဒီဘရိုင်း
April 5, 2025
ဆူပါလပ် လိုကစားသမားမျိုးတောင် အမှောက်ထိုးနိုင်ခဲ့တဲ့ One Championship ရဲ့ ကြားဖြတ်ရွှေခါးပတ်ပိုင်ရှင် နာဘီလ်
April 5, 2025
ခက်ခဲတဲ့ဘဝကိုကျော်ဖြတ်ခဲ့ရပြီး အောင်မြင်တဲ့ ဘောလုံးသမားတစ်ယောက်ဖြစ်လာခဲ့သူ ကားလို့စ်တီးဗက်ဇ်
April 5, 2025
21ရာစုရဲ့ တစ်ပွဲ ပျှမ်းမျှ ဝင်ငွေအများဆုံး ရရှိကြတဲ့ ကလပ်သင်း ၅သင်း
April 5, 2025