အားကစားသတင်းများ
ဂျပန်နိုင်ငံ ရဲ့ဘောလုံးအဆင့်အတန်း ဘယ်လောက်ထိရှိလဲ ?
March 30, 2025
အခုနောက်ပိုင်း ဘောလုံးလောကမှာ ဂျပန်ဘောလုံးသမား တွေက တော်တော်လေး နေရာရလာတာကို သတိထားမိကြမယ်ထင်ပါတယ်။ အရင်ခေတ်တုန်းကဆိုရင် ဂျပန် ကစားသမားအနည်းစုလောက်ကသာ ဥရောပလိဂ်တွေမှာ နေရာရကြပေမယ့်ခုနောက်ပိုင်းမှာ လိဂ်တိုင်းနီးပါးမှာ ဂျပန်ကစားသမားတွေက တွင်တွင်ကျယ်ကျယ် နေရာရလာကြတာကိုတွေ့ရမှာပဲဖြစ်ပါတယ်။ ၂၀၁၀ ကမ္ဘာ့ဖလား ပြိုင်ပွဲတုန်းက ဂျပန်နိုင်ငံကိုယ်စားပြု ကစားတဲ့ ကစားသမားတွေထဲမှာ ကစားသမား ၄ ယောက်ကသာ ပြည်ပထွက်ကစားခဲ့တာဖြစ်ပေမယ့် ပြီးခဲ့တဲ့ ၂၀၂၂ ကာတာ ကမ္ဘာ့ဖလား မှာဆိုရင် ဂျပန်နိုင်ငံကိုယ်စားပြု ကစားသမား ၂၆ ယောက်ထဲကမှ ၆ ယောက်ကသာ ပြည်တွင်းမှာ ကစားနေတဲ့ ကစားသမားတွေဖြစ်ကြပြီး ကျန်တဲ့ ကစားသမား အယောက် ၂၀ က ပြည်ပထွက်ကစားနေတဲ့ ကစားသမားတွေပဲဖြစ်ကြပါတယ်။ အဲ့ကစားသမား အယောက် ၂၀ က ပြင်သစ် ၊ စကော့တလန် ၊ ဆွတ်ဇလန် ၊ နယ်သာလန် ၊ ပိုလန် ၊ အမေရိကန် ၊အင်္ဂလန် ၊ ပေါ်တူဂီ ၊ ဘယ်ဂျီယံ ၊ ဂျာမနီ စတဲ့ လိဂ်တွေမှာ ကစားခဲ့ကြတဲ့ ကစားသမားတွေပဲဖြစ်ပါတယ်။
ဂျပန်နိုင်ငံရဲ့ ဘောလုံး အဆင့်အတန်းက အချိန်တစ်ခုကြာလာတာနဲ့ အမျှ ပိုမို တိုးတက်ကောင်းမွန်လာတာကတော့ လက်ခံရမယ့် ကိစ္စတစ်ခုပဲဖြစ်ပါတယ်။ ဂျပန်နိုင်ငံရဲ့ ဘောလုံးအဆင့်အတန်း ဘယ်လောက်တိုးတက်လာလဲဆိုရင် နောက်ဆုံး ကစားခဲ့တဲ့ ၂၀၂၂ ကာတာ ကမ္ဘာ့ဖလား တုန်းက ဥရောပအသင်းကြီးတွေဖြစ်ကြတဲ့ ဂျာမနီ နဲ့ စပိန် အသင်းတွေပါ အနိုင်ရအောင်ကစားနိုင်ခဲ့တာပဲဖြစ်ပါတယ်။ ဂျပန်နိုင်ငံရဲ့ လိဂ်ဖြစ်တဲ့ J လိဂ် က အာရှမှာ အခြား လိဂ်တွေရဲ့ အသင်းတွေက ကစားသမားထောက်လှမ်းစောင့်ကြည့်အခံရဆုံးလိဂ်တစ်ခုလည်းဖြစ်ပါတယ်။ ဂျပန် ကစားသမားတွေ အခုလို ဥရောပဇာတ်ခုံ မှာ တောက်ပလာခဲ့ရတာက အကြောင်းအရင်း တစ်ခုရှိခဲ့ပါတယ်။ ဂျပန် ကစားသမားတွေ ဥရောပ ဇာတ်ခုံကို ရောက်ဖို့ အဓိက မြစ်ဖျားခံရာ အသင်းတစ်သင်းကတော့ ဘယ်ဂျီယံ လိဂ် က အလယ်လတ်တန်းစား အသင်းတစ်သင်းဖြစ်တဲ့ SINT - TRUIDENSE V.V ဆိုတဲ့ အသင်းပဲဖြစ်ပါတယ်။
ဂျပန်နိုင်ငံရဲ့ ဘီလီယံနာ သူဌေးတစ်ဦးဖြစ်တဲ့ Keishi Kameyama က ၂၀၁၇ ခုနှစ်တုန်းက အလယ်လတ်တန်းစား အသင်းတစ်သင်းဖြစ်တဲ့ SINT - TRUIDENSE V.V ဆိုတဲ့ အသင်းကို ဝယ်ယူခဲ့ပြီး ဂျပန်ကစားသမားတော်တော်များများ ဥရောပ အသင်းတွေနဲ့ သီးသန့်ကြီး ဖြစ်မနေအောင် မိတ်ဆက်ပေးနိုင်ခဲ့ပါတယ်။ ဂျပန် J လိဂ်ကို လည်း ကစားသမားစောင့်ကြည့်တာတွေလည်းရှိသလို ဂျပန် J လိဂ် ကို အဓိက ကစားသမားထောက်လှမ်းရေးလုပ်တဲ့ ပရီးမီးယားလိဂ် အသင်း ၂ သင်းရှိတာပဲဖြစ်ပါတယ်။ အဲ့ဒီ အသင်းနှစ်သင်းကတော့ ဆောက်သတန်အသင်းနဲ့ မန်ချက်စတာယူနိုက်တက် အသင်းတွေပဲဖြစ်ပါတယ်။ အခုနောက်ပိုင်း ဥရောပရပ်ဝန်းတွေမှာ ဂျပန် ကစားသမားတော်တော်များများကို တကယ့် ထိပ်တန်း ဥရောပ အသင်းတွေရဲ့ Line Up တွေမှာပဲ တဖြည်းဖြည်းနဲ့ ကြီးဆိုးလာခဲ့တာပဲဖြစ်ပါတယ်။ တိုမီယာဆု ၊ အန်ဒို တို့ မီတိုမာ တို့ဆိုရင် အသင်းရဲ့ အဓိက ကစားသမား တွေဖြစ်ကြပြီး ဥရောပရပ်ဝန်းမှာလည်း တဖြည်းဖြည်းနဲ့တောက်ပ လာခဲ့တဲ့ ဂျပန်ကြယ်ပွင့်ကစားသမားတွေပဲဖြစ်ကြပါတယ်။
ဂျပန် ကစားသမား တော်တော်များများက ဘယ်ဂျီယံ လိဂ်နဲ့ ပိုလန်လိဂ်တွေကို အရောက်များတယ်။ ဂျပန် နိုင်ငံ က သူတို့ရဲ့ ဘောလုံးအဆင့်အတန်းကို ပိုမိုတိုးတက်လာအောင် အဓိကအားထားပြီး ပြောင်းလဲနေတာပဲဖြစ်ပါတယ်။ ဂျပန်ကစားတော်တော်များများကို ဥရောပကိုထိုးဖောက်နိုင်ဖို့ အတွက် သူတို့ရဲ့ ကစားသမားတွေ အရည်အသွေးတွေ ပြည့်မှီနေဖို့အတွက် ဟိုးအောက်ခြေ ကစပြီး သေသေချာချာကြီးကို ပြောင်းလဲနေတာပဲဖြစ်ပါတယ်။ ကျောင်းဘောလုံးပွဲတွေ ၊ tv ရှိုးတွေ ၊ ဘောလုံးစကေးတိုးတက်ဖို့ ဘောလုံးလေ့ကျင့်ရေးကျောင်းတွေဖွင့်ပေးခဲ့တယ်။ ဒီလိုနဲ့ပဲ ကလေးတွေကို ငယ်စဥ်ကတည်းက ဘောလုံးဝါသနာ နဲ့ ဘောလုံးအရည်အချင်းအချို့ကို ရိုက်သွင်းနိုင်ခဲ့ပါတယ်။ ဘောလုံး အဆင့်အတန်းကို တိုးမြှင်ချင်တာကြောင့် ပြောင်းလဲပြင်ဆင်မှုတွေကို ဟိုးအောက်ခြေကနေ အစအဆုံး ပြုပြင်ပြောင်းလဲခဲ့တာပဲဖြစ်ပါတယ်။
ဂျပန်တွေပြောင်းလဲခဲ့တဲ့ ရလဒ်ရဲ့ အသီးအပွင့်အဖြစ် အခုချိန် ဂျပန်ကစားသမားတွေက ဥရောပ ဘောလုံးဇာတ်ခုံမှာ ထွန်းလင်းတောက်ပနေကြတဲ့ အပြင် ဂျပန်နိုင်ငံ ကိုယ်စားပြုဘောလုံး အသင်းကလဲ တစ်နှစ်ထက်တစ်နှစ် ပိုမိုတိုးတက်လာတယ်ဆိုတာ လက်ခံရမယ့်ကိစ္စတစ်ခုဖြစ်တယ်လို့ပြောရင်း ဒီမှာပဲ အဆုံးသတ်ပါ့ရစေ ။ အဆုံးထိ ဝင်ရောက်ကြည့်ရှုပေးတဲ့ တစ်ဦးတစ်ယောက်ချင်းစီတိုင်းကို ကျေးဇူး အများကြီးတင်ရှိပါတယ်။
#mmmedia
#Japan
#football
#keishikameyama
#europe
Related Sports News
ဥရောပ ရဲ့ အကောင်းဆုံး အကယ်ဒမီ ၅ ခု အကြောင်း
April 4, 2025
အိမ်မက်ကဇတ်ရုံမှာ အသုံးတော်ခံကစားနေတဲ့ ဂါနာချို
April 3, 2025
မန်ယူ အသင်းအနေနဲ့ လက်ကျန်ပွဲကြပ်တွေကို ဖြတ်ကျော်ပြီး ရာသီကုန်မှာ အဆင့်ဘယ်လောက်မှာ ရပ်တည်နိုင်မလဲ?
April 3, 2025
အသင်းရဲ့ လိုအပ်နေတဲ့ နေရာတွေမှာ အကောင်းဆုံး အစားထိုးမှုတွေကို ပြုလုပ်နိုင်နေတဲ့ ရီးရဲလ် မက်ဒရစ် အသင်း
April 2, 2025
အသက်ကြီးပေမဲ့ နှစ်ချို့ဝိုင်ဖြစ်နေဆဲ မိုဟာမက်ဆာလပ်စ်
April 2, 2025