အသက်ငါးနှစ်အရွယ်မှာတော့ ဇီဒန်းဟာ ရပ်ကွက်အတွင်းမှကလေးများနဲ့ ဘောလုံးကစား ခြင်းကိုစတင်ခဲ့ပါတယ်။ အသက်ဆယ်နှစ်အရွယ်မှာတော့ လာကာစတယ် ဒေသရှိ ယူအက်စ် ယူနီယံစိန့် ကလပ်အငယ်တန်းအသင်းတွင် ပါဝင်ခဲ့ပြီးနောက် ၎င်း၏ပထမဆုံးကစားသမားဘဝ ကိုရရှိခဲ့ပါတယ်။ ဒီလိုနဲ့အဲဒီမှာ တစ်နှစ်ခွဲကြာကစားပြီးနောက်၊ ဇီဒန်း ဟာ ဆိုစက်တီမက်စ် လက်စ်ဗော်လွန်းစ် သို့ ရောက်ရှိလာခဲ့ပြီး စက်တီမက်စ် နည်းပြ ရောဘတ် ကန်တီနားရို က ကလပ်၏ဒါရိုက်တာကို ဇီဒန်း ကိုခေါ်ယူရန်ပြောကြားခဲ့ခြင်းကြောင့် သူဟာ အသက် 𝟏𝟒 နှစ်အထိ စက်တီမက်စ် နှင့် အတူရှိကာ အဲ့ဒီအချိန်အတွင်း ပြင်သစ်ဘောလုံးအဖွဲ့ချုပ်မှပြုလုပ်တဲ့ သုံးရက်ကြာ လေ့ကျင့်ရေးစခန်းသို့ တက်ရောက်ရန် ရွေးချယ်ခြင်းခံခဲ့ရပါတယ်။ အဲ့ဒီနောက် အေအက်စ် ကန်နက်စ် ကင်းထောက်နှင့် ကစားသမားဟောင်း ဂျင်းဗာရော်ဒ် က ဇီဒန်းကိုကြိုက်နှစ်သက်ခဲ့ကြပြီး ကလပ်၏ ဒါရိုက်တာထံ ဇီဒန်းနဲ့ပက်သက်ပြီးမှတ်ချက်ပေးခဲ့ကြပါတယ်။

ဘော်ဒိုးတွင် ပြင်သစ်လီဂူး 𝟏 ရဲ့ အကောင်းဆုံးကစားသမားတစ်ဦးအဖြစ် မသတ်မှတ်မီ ကိန်းစ်တွင် ၎င်း၏ကစားသမားဘဝကို စတင်ခဲ့ပါတယ်။ 𝟏𝟗𝟗𝟔 တွင် အီတလီကလပ် ဂျူဗင်တပ်သို့ ပြောင်းရွှေ့ခဲ့ပြီး စီးရီးအေ ချန်ပီယံ နှစ်ကြိမ်အပါအဝင် ဆုဖလားများစွာ ဆွတ်ခူးခဲ့ပြီး 𝟐𝟎𝟎𝟏 ခုနှစ်တွင် ကမ္ဘာ့စံချိန်တင် ပြောင်းရွှေ့ကြေး ယူရို 𝟕𝟕.𝟓 သန်းဖြင့် ရီးရဲလ်မက်ဒရစ်သို့ ပြောင်းရွှေ့လာခဲ့ပြီး နောက် သူရဲ့ပြောင်းရွှေ့ ကြေးစံချိန်ဟာ ရှစ်နှစ်ကြာအောင်ကြာမြင့်ခဲ့ပါတယ်။ စပိန်တွင် ဇီဒန်းဟာ လာလီဂါဖလားနှင့် ချန်ပီယံလိဂ်ဖလားအပါအဝင် ဆုဖလားများစွာကို ရရှိခဲ့ပြီး 𝟐𝟎𝟎𝟐 ခုနှစ် ချန်ပီယံလိဂ် ဖိုင်နယ်မှာ သူဟာဘောလုံးသမိုင်းတစ်လျှောက် အကြီးကျယ်ဆုံးဂိုးတွေထဲက တစ်ဂိုးအဖြစ်သတ်မှတ် ခံထားရတဲ့ ဘယ်ခြေဖြင့်သွင်းဂိုးတစ်ဂိုး သွင်ယူနိုင်ခဲ့ပါတယ် ။

ပြင်သစ်အသင်းအတွက် 𝟏𝟎𝟖 ပွဲကစားပြီး 𝟑𝟏 ဂိုးသွင်းယူခဲ့ကာ ဇီဒန်းဟာ 𝟏𝟗𝟗𝟖 ဖီဖာကမ္ဘာ့ဖလား ပြိုင်ပွဲ ဗိုလ်လုပွဲတွင် တစ်ဂိုးသွင်းယူပြီး 𝐀𝐥𝐥-𝐒𝐭𝐚𝐫 အသင်းတွင် ပါဝင်ခဲ့သည်။ ဒီအောင်မြင်မှုက သူ့ကို ပြင်သစ်နိုင်ငံရဲ့ အမျိုးသားသူရဲကောင်းဖြစ်လာခဲ့ပြီး 𝟏𝟗𝟗𝟖 ခုနှစ်မှာ 𝐋𝐞𝐠𝐢𝐨𝐧 𝐨𝐟 𝐇𝐨𝐧𝐨𝐮𝐫 ကို ရရှိခဲ့ပါတယ်။ ယူရို 𝟐𝟎𝟎𝟎 ကို ဆွတ်ခူးခဲ့ပြီး ထိုပြိုင်ပွဲရဲ့အကောင်းဆုံး ကစားသမားဆု ကိုလည်းရရှိခဲ့ရပါတယ်။ မာကို မာတာရာဇီ၏ ရင်ဘတ်ကို ခေါင်းတိုက်ပြီး အီတလီနှင့် ဖိုင်နယ်တွင် ၎င်း၏ နာမည်ဆိုးဖြင့် အထုတ်ခံခဲ့ရသော်လည်း 𝟐𝟎𝟎𝟔 ကမ္ဘာ့ဖလားပြိုင်ပွဲရဲ့ အကောင်းဆုံးကစားသမားအဖြစ် ရွှေဘောလုံးကို ရရှိခဲ့သည်။ ပြင်သစ်သမိုင်းတစ်လျှောက် စတုတ္ထမြောက် လက်ရွေးစင်ပွဲအများဆုံး ကစားသမားအဖြစ်ရပ်တည်ခဲ့ပြီး လက်ရွေးစင်ဘဝမှ အနားယူခဲ့ပါတယ်။ 𝟏𝟗𝟗𝟖 ၊ 𝟐𝟎𝟎𝟎 နှင့် 𝟐𝟎𝟎𝟑 ခုနှစ်များတွင်လည်း ဖီဖာရဲ့ တစ်နှစ်တာအကောင်းဆုံးကစားသမားဆုနှင့် 𝟏𝟗𝟗𝟖 𝐁𝐚𝐥𝐥𝐨𝐧 𝐝'𝐎𝐫 တို့ကို ဆွတ်ခူးခြင်းအပါအဝင် ကစားသမားတစ်ဦးချင်းစီရဲ့ ချီးမြှင့်မှုများစွာကို ရရှိခဲ့ပါတယ်။

ကစားသမားဘဝပြီးနောက်နည်းပြလောကထဲဝင်ရောက်ခဲ့ပြီး နည်းပြလောကမှာ လည်းနာမည် တစ်လုံးစိုက်ထူနိုင်ခဲ့ပါတယ်။ ဇီဒန်းဟာ ရီးရဲလ်မက်ဒရစ် ကာစတီလာတွင် ၎င်း၏ နည်းပြဘဝကို စတင်ခဲ့ပြီး 𝟐𝟎𝟏𝟔 မှာပထမအသင်းကြီးကိုမကိုင်တွယ်မီ ရီးရဲလ် 𝐁 အသင်းကို စတင်ကိုင်တွယ်ခဲ့ပါတယ်။ သူရဲ့ပထမဆုံးသုံးရာသီတွင် ဇီဒန်းဟာ ချန်ပီယံလိဂ်သုံးကြိမ် ဆက်တိုက် ဆွတ်ခူးနိုင်တဲ့ ပထမဆုံးနည်းပြဖြစ်လာခဲ့ပြီး 𝐔𝐄𝐅𝐀 𝐒𝐮𝐩𝐞𝐫 𝐂𝐮𝐩 နဲ့ 𝐅𝐈𝐅𝐀 𝐂𝐥𝐮𝐛 𝐖𝐨𝐫𝐥𝐝 𝐂𝐮𝐩 နှစ်ကြိမ်အပြင် လာလီဂါဖလားနဲ့ စပိန်စူပါဖလား တို့ကိုလည်း ဆွတ်ခူးနိုင်ခဲ့ပါတယ်။ ဒီအောင်မြင်မှု ကြောင့် ဇီဒန်း ဟာ 𝟐𝟎𝟏𝟕 ခုနှစ်မှာ အကောင်းဆုံး 𝐅𝐈𝐅𝐀 𝐌𝐞𝐧'𝐬 𝐂𝐨𝐚𝐜𝐡 ဖြစ်လာခဲ့ပါတယ်။ သူ 𝟐𝟎𝟏𝟖 မှာ ကလပ်ကနေထွက်ခွာခဲ့ပေမယ့် 𝟐𝟎𝟏𝟗 မှာနောက်တစ်ကြိမ်ပြန်လာခဲ့ပြီး 𝟐𝟎𝟐𝟏 ခုနှစ်မှာ နောက်ထပ် လာလီဂါ နဲ့ စပိန်စူပါဖလား တို့ကို ဆွတ်ခူးနိုင်ခဲ့ပါတယ်။ သူရဲ့အသင်းဟောင်း ရီးရဲလ်မက်ဒရစ်ကို နည်းပြခဲ့ပြီး ကမ္ဘာပေါ်တွင် အအောင်မြင်ဆုံး နည်းပြတစ်ဦးအဖြစ်ရပ်တည်ခဲ့ပါတယ်။

𝟐𝟎𝟎𝟒 ခုနှစ်တွင် ပီလီ မှပြုစုသောကမ္ဘာ့အကောင်းဆုံးကစားသမားများစာရင်းဖြစ်သည့် 𝐅𝐈𝐅𝐀 𝟏𝟎𝟎 တွင်ရွေးချယ်ခံခဲ့ရပြီး ထိုနှစ်တွင်ပင် 𝐔𝐄𝐅𝐀 𝐆𝐨𝐥𝐝𝐞𝐧 𝐉𝐮𝐛𝐢𝐥𝐞𝐞 𝐏𝐨𝐥𝐥 တွင်နှစ်ပေါင်း 𝟓𝟎 ၏အကောင်းဆုံး ဥရောပဘောလုံးသမားအဖြစ်သတ်မှတ်ခံခဲ့ရပါတယ်။ ဇီဒန်းဟာ ကမ္ဘာ့ဖလား၊ ချန်ပီယံလိဂ်နှင့် 𝐁𝐚𝐥𝐥𝐨𝐧 𝐝'𝐎𝐫 တို့ကို ဆွတ်ခူးနိုင်ခဲ့တဲ့ ကစားသမား ကိုးဦးအနက်မှ တစ်ဦးဖြစ်လည်းမှတ်တမ်းဝင်ခဲ့ပါတယ်။

#k9mmmedia

#France

#Realmadrid