အားကစားသတင်းများ
ယူနိုက်တက်ရဲ့ ခေတ်သစ်သမိုင်းကို ရေးထိုးခဲ့ကြသူ ဂန္ထဝင် ၃ ယောက်
November 9, 2024
ယူနိုက်တက်အကြောင်း ပြောရင် သမိုင်းလှန်တယ်ဆိုတဲ့ ဟာသပြက်လုံးနဲ့ပဲ အမြဲတန်ပြန်ခံရတာ များပါတယ်။ အပြောခံရလောက်အောင် ယူနိုက်တက်ရဲ့ ဆာအဲလက်စ်အလွန်ခေတ်ဟာ အောင်မြင် မှု ကြို့တို့ကြဲတဲနဲ့ အရင်အဆင့်အတန်းကနေ ဝေးကွာနေခဲ့တာပါ။ အဆိုးဆုံးကတော့ ခြေစွမ်းပေါ့။ ဒါပေမဲ့ အသင်းတစ်သင်းရဲ့ အတိတ်အကြောင်းပြောတဲ့အခါ သူတို့ ခမ်းနားခဲ့မှုကို ပြောပြီး အမွှန်းတင်တာမျိုးထက် သူတို့ အောင်မြင်ခဲ့တုန်းက အဓိကအရေးပါတဲ့အချက်တွေ ဘာတွေဖြစ်ခဲ့သလဲဆိုတာ ကို ဆန်းစစ်ပြီး ကျန်တဲ့အသင်းတွေနဲ့ ချိန်ထိုးလေ့လာကြည့်တဲ့နေရာမျိုးမှာ အများကြီးအသုံးဝင်ပါ တယ်။
ယူနိုက်တက်ရဲ့ အောင်မြင်မှုတွေကို ကြည့်ရင် အရေးပါဆုံးအခန်းကဏ္ဍ၊ အသိအသာဆုံးအပိုင်းအ ဖြစ်နဲ့ ဂိုးသမားတွေ အကြောင်းကို ချန်ထားခဲ့လို့မရပါဘူး။ ဆာအဲလက်စ်ဟာလည်း ရောက်ခါစမှာ ၃ ရာသီလောက် အတော်ရုန်းကန်ခဲ့ရပါတယ်။ အဲဒီတုန်းက ယူနိုက်တက် ဥက္ကဌဖြစ်တဲ့ မာတင် အက်ဒ် ဝပ်တို့သာ စိတ်မရှည်ခဲ့ရင် သူလည်း စောစောစီးစီး အထုတ်ခံရနိုင်ပါတယ်။ ့အသင်းမှာ အောင် မြင်လိမ့်မယ်ဆိုတဲ့ မျှော်လင့်ချက် ရေးရေးကို မြင်ခဲ့ရတာက ၁၉၈၉-၉၀ အက်ဖ်အေဖလားစရတဲ့ နှစ်ပါ။ အဲဒီတုန်းက ယူနိုက်တက် ဂိုးသမားတွေက မာ့ခ် ဘော့စနစ်၊ ဂျင် လိုက်တန်၊ လက်စ် ဆီလေး တို့ပါ။ ဂျင်လိုက်တန်က အများဆုံး ဖမ်းခဲ့ရပါတယ်။ ဘော့စနစ်ကတော့ အစားအသောက်အလေ့အ ကျင့်ကြောင် ဆာအဲလက်စ် အမြဲပြောတာ ခံခဲ့ရသူပေါ့။ ၉၀-၉၁ ကိုလည်း အဲဒီဂိုးသမား စာရင်းနဲ့ပဲ ဆက်သွားခဲ့ပြီး ၉၁-၉၂ ရာသီမှာတော့ ဂိုးသမား ၃ ယောက်လုံးပြောင်းသွားခဲ့ပါပြီ။
ပီတာ ရှမိုက်ကယ်၊ ဂယ်ရီ ဝဲ့ရှ်၊ အီယန် ဝယ်ကင်ဆန် တို့ပါ။ ပီတာ ရှမိုက်ကယ်က အဓိက ဂိုးသမား ဆိုပါတော့။ အဲဒီရာသီမှာ လိဂ် ဒုတိယနေရာနဲ့ ရာသီသိမ်းနိုင်ခဲ့ပါတယ်။ အဲဒီနောက်နှစ် ၉၂-၉၃ မှာ တော့ ပရီးမီးယားလိဂ် တရားဝင်စတင်ပြီး ယူနိုက်တက်က ချန်ပီယံဖြစ်လာခဲ့ပါတယ်။ ပီတာ ရှမိုက် ကယ်က အဓိကအခန်းကဏ္ဍမှာ ပါဝင်ခဲ့တယ်ဆိုတာ အသေအချာပါပဲ။
ရှမိုက်ကယ်ကို ဒိန်းမတ်ကလပ် ဘရွန်ဘေက ခေါ်ခဲ့တာပါ။ ခေါ်လိုက်တဲ့အချိန်မှာ အသက် ၂၈ နှစ် ရှိပါပြီ။ အသင်းကို စိုးမိုးပြီး နောက်ကနေ တစ်ချိန်လုံးအော်ဟစ် ညွန်ကြားနေတတ်တဲ့ ဂိုးသမားမျိုး ဆိုပါတော့။ လက်စွမ်းလည်း စိတ်ချရသလို အရှိန်အဝါလည်း ကြီးပါတယ်။ ကြံ့လည်း ကြံ့ခိုင်ပါ တယ်။ ယူနိုက်တက်နဲ့အတူ ပရီးမီးယားလိဂ် ၅ ကြိမ်၊ အက်ဖ်အေဖလား ၃ ကြိမ်၊ လိဂ်ဖလား ၁ ကြိမ်၊ ချန်ပီယံ လိဂ် ၁ ကြိမ်၊ ဥရောပစူပါဖလား ၁ ကြိမ်ရခဲ့သူပါ။ ၁၉၉၉ မှာတော့ အသင်းကနေ ထွက်သွားခဲ့ပြီး စပို့တင်းလစ္စဘွန်းကို ပြောင်းသွားခဲ့ပါတယ်။ ၂၀၀၂-၀၃ တစ်ရာသီတည်းအတွက် မန်စီးတီးမှာသာ မကစားခဲ့ဘူးဆိုရင် အခုထက်ကိုပိုလူလေးစားခံရမယ့် ဂိုးသမားကြီးပါပဲ။ အင်္ဂလန်က ပရိသတ်အများစု ကတော့ မန်စီးတီးကို သွားခဲ့လို့ မကျေနပ်ခဲ့ကြပါဘူး။
သူထွက်သွားတော့ ယူနိုက်တက် ဂိုးပေါက်ကို ဘော့စနစ်၊ ရေမွန် ဗန်ဒါဂေါင်းတို့က အဓိက တာဝန်ယူခဲ့ကြပြန်ပါတယ်။ ၂၀၀၀-၀၁ မှာတော့ ဖေဘီယန် ဘားသက်ရောက်လာခဲ့တာပေါ့။ ဘော့စနစ်နဲ့ ဗန်ဒါ ဂေါင်းတို့လည်း ရှိတုန်းပါပဲ။ ယူနိုက်တက်ကလည်း ပရီးမီးယားလိဂ်ကို သိမ်းပိုက်နိုင်နေတုန်းပါပဲ။ ဒါပေမဲ့ ဥရောပအဆင့်ကိုတော့ ပြန်မရောက်နိုင်ခဲ့ပါဘူး။ ကြားထဲမှာ ဖလားလက်လွှတ်ရတဲ့ ရာသီတွေ လည်းရှိလာခဲ့ပြီး ရိုင်းကာရိုး၊ တင်ဟောင်းဝပ်တို့ ဂိုးသမားတွေအနေနဲ့ ရောက်လာခဲ့ကြသလို ဘား သက်ပြန်ထွက်ခွါသွားခဲ့ပါတယ်။ ၂၀၀၅-၀၆ ရာသီ ပရီးမီးယားလိဂ်ထပ်မရခဲ့ပြန်တဲ့အချိန်မှာတော့ ၂၀၀၆-၀၇ မှာ ဂိုးသမားတစ်ယောက်ကို ပြန်ခေါ်လိုက်ပါတယ်။ ဖူလ်ဟမ်ကနေပါ။
အဲဒါကတော့ အန်ဒဝင် ဗန်ဒါဆားပါပဲ။ သူ ဂျူဗင်တပ်စ်ကို မသွားခင်ကတည်းက ဆာအဲလက်စ်က စိတ်ဝင်စားနေခဲ့တာဖြစ်ပေမဲ့ သူကတော့ ဂျူဗင်တပ်စ်ကို ရွေးချယ်ခဲ့တာပါ။ ဒီရာသီကျမှပဲ ရေစက် ဆုံခဲ့ကြတာပေါ့။ အဲဒီရာသီမှာပဲ ပရီးမီးယားလိဂ်ကို ပြန်ရယူနိုင်ခဲ့ပါတယ်။ ဗန်ဒါဆားကလည်း နောက်တန်းကို ဩဇာလွှမ်းမိုးပြီး ညွန်ကြားနိုင်တဲ့ကစားသမားပါ။ ရှမိုက်ကယ်လောက်တော့ မ ကြမ်းတမ်း မပေါက်ကွဲဘူးပေါ့။ ဒါပေမဲ့ တော်တော်လေးစိတ်ချရပါတယ်။ သူ့ရှေ့မှာ ဖာဒီနန်-ဗီဒစ် အတွဲရှိနေတာလည်း ပါမှာပါ။ ၂၀၀၇-၀၈ မှာတော့ အားလုံးသိတဲ့အတိုင်း ပရီးမီးယားလိဂ်ကိုရော ချန်ပီယံလိဂ်ကိုပါ ပြန်သိမ်းပိုက်နိုင်ခဲ့ပါတယ်။ ယူနိုက်တက်လို အသင်းတစ်သင်းအတွက် နောက် တန်းတစ်ခုလုံးကို ဩဇာညောင်း ညွန်ကြားထိန်းကွပ်ပေးနိုင်မယ့် ဂိုးသမားတစ်ယောက်ရလာတိုင်း အောင်မြင်မှုတွေ ပြန်ရလာတတ်တယ်ဆိုတဲ့ သင်္ကေတလို့ ဆိုရင် မမှားပါဘူး။ ဗန်ဒါဆားဟာ ယူ နိုက်တက်နဲ့ 𝐄𝐏𝐋 ၄ ကြိမ်၊ အက်ဖ်အေဖလား ၂ ကြိမ်၊ ချန်ပီယံလိဂ် ၁ ကြိမ်ရခဲ့ပါတယ်။ ၃ ကြိမ်ဗိုလ် လုပွဲတက်ခဲ့ပေမဲ့ အဲဒီခေတ်က အတောက်ပဆုံး ဘာစီလိုနာနဲ့ ၂ ကြိမ်ဖိုင်နယ်မှာ တွေ့ခဲ့တဲ့အတွက် ကံမကောင်းခဲ့ဘူးလို့ပဲ ဆိုရမှာပါ။ ဗန်ဒါဆားက အေဂျက်ဇ်နဲ့ ကတည်းက ချန်ပီယံလိဂ် ၁ ကြိမ်၊ ဒုတိယတစ်ကြိမ်၊ အခု ယူရိုပါလိဂ်လို့ ခေါ်ကြမယ့် ယူအီးအက်ဖ်အေဖလား ၁ ကြိမ်ကို ယူပြဖူးပြီး သားဆိုတော့ တကယ့်ကို ဂန္ထဝင်ပါပဲ။ ၂၀၁၁ မေလမှာ ဘလက်ပူးနဲ့ နောက်ဆုံးပွဲကစားပြီး ကစား သမားဘဝက အနားယူသွားခဲ့ပါတယ်။ အခု ဖော်ပြနေတဲ့ ၃ ယောက်အနက် ယူနိုက်တက်ဂန္ထဝင် အစစ်ဆုံးလို့ ပြောလို့ရနိုင်ပါတယ်။
ဗန်ဒါဆားနေရာ အစားထိုးဖို့ဆိုပြီး ဆာအဲလက်စ် ကိုယ်တိုင်သွား အကဲခတ်ပြီးမှ ခေါ်ယူခဲ့တာက ဒေး ဗစ် ဒီဂီယာပါ။ ၂၀၁၁ မှာ အသင်းကို ရောက်ပါတယ်။ မရောက်ခင်ကတည်းက အက်သလက်တီကိုမှာ ငယ်ငယ်လေးနဲ့ အစွမ်းပြနေပြီဖြစ်ပြီး ယူရိုပါလိဂ်ကို ၂၀၀၉-၁၀ မှာ ယူပြထားပြီးပါပြီ။ သူ စစရောက် ရောက်ချင်းရာသီမှာ ယူနိုက်တက််က 𝐄𝐏𝐋 ဒုတိယနဲ့ ရာသီသိမ်းပါတယ်။ ရောက်ရောက်ချင်း ဝေဖန်ခံ ရတာတွေ အများကြီးပါပဲ။ မှတ်မှတ်ရရ ချယ်လ်ဆီးက မာတာရဲ့ ပြစ်ဒဏ်ဘောကိုသာ မကာကွယ်နိုင်ခဲ့ရင် သူအသင်းမှာ ဆက်ရှိချင်မှ ရှိတော့မှာပါ။ အဲဒီကာကွယ်မှုမှာ သူ့ အရည်အချင်းကို ဆက်ပြီး ယုံ ကြည်ပေးခဲ့ကြပါတယ်။
၂၀၁၂-၁၃ ရာသီမှာတော့ ယူနိုက်တက်နဲ့အတူ ဒီဂီယာ 𝐄𝐏𝐋 ဖလားရခဲ့ပါတယ်။ ဆာအဲလက်စ်နဲ့ နောက်ဆုံးရာသီ၊ သူ့အတွက်လည်း တစ်လုံးတည်းသော 𝐄𝐏𝐋 ဖလားပါ။ အဲဒီရာသီမှာ ဆာအဲလက်စ် အနားယူသွားခဲ့တာက သူ့ကံကြမ္မာရဲ့ ရာခိုင်နှုန်းတော်တော်များများကို ဆုံးဖြတ်သွားပေးခဲ့သလို ယူနိုက်တက်ရဲ့ အခြေအနေကိုလည်း တိုင်းဖြတ်သွားခဲ့ပါတယ်။ အက်ဖ်အေဖလား ၁ ကြိမ်၊ လိဂ်ဖ လား ၂ ကြိမ်၊ ယူရိုပါလိဂ် ၁ ကြိမ် ထပ်ရခဲ့ပေမဲ့ သူ့အတွက် လုံလောက်တဲ့ အောင်မြင်မှုမှ ဟုတ်ရဲ့ လားလို့ ဆိုချင်စရာပါ။ ပါးစပ်အဟောင်းသားဖြစ်စေမယ့် ကာကွယ်မှုတွေ၊ မျက်လုံးပြူးသွားစေမယ့် ထပ်ဆင့် ကာကွယ်မှုတွေ အကြိမ်ကြိမ်လုပ်ပြခဲ့ပေမဲ့ အာရုံစိုက်မှုကျဆင်းတဲ့အချိန်တွေမှာ လုပ်ခဲ့မိ တဲ့အမှားတွေအပြင် ဘောလုံးကမ္ဘာက ပြောင်းလဲလာပြီး တောင်းဆိုလာတဲ့ 𝐁𝐚𝐥𝐥-𝐩𝐥𝐚𝐲𝐢𝐧𝐠 𝐆𝐊 ဆိုတဲ့ နေရာကိုလည်း မကစားနိုင်ခဲ့တာကြောင့် နောက်ဆုံး အဲရစ်တန်ဟက်လက်ထက်မှာ အသင်းကို နှုတ် ဆက်သွားခဲ့ရပါတယ်။
၃ ယောက်ထဲမှာ အကြာဆုံးကစားခဲ့ပြီး အောင်မြင်မှုအနည်းဆုံးရခဲ့တာကတော့ သူ့အတွက် စိတ် မကောင်းစရာပါပဲ။ ဒီ ဂိုးသမား ၃ ယောက်ကို လေ့လာကြည့်တဲ့အခါ အသင်းတစ်သင်း အောင်မြင်ဖို့ဆိုရင် လက်စွမ်းကောင်းတဲ့ ဂိုးသမားတင်မဟုတ်ဘဲ ဩဇာကြီးပြီး နောက်တန်းနဲ့အသင်းကို လွှမ်းမိုးနိုင်တဲ့ ဂိုးသ မားတစ်ယောက်ရဖို့ လိုတယ်ဆိုတာကို တွေ့နိုင်ပါတယ်။ ဘာကြောင့်လဲဆိုတော့ အဲဒီလို စွမ်း ရည်မျိုးကို ရှမိုက်ကယ်နဲ့ ဗန်ဒါဆားဆီမှာ တွေ့ခဲ့ရပေမဲ့ ဒီဂီယာဆီမှာ မတွေ့နိုင်ခဲ့ဘူးကိုး။
#k9mmmedia
#DavidDeGea
#Edwinvandersar
#Peterschmeichel
Related Sports News
Manchester United ရဲ့နောက်ဆုံးရ Injury Update အကြောင်းအရာများ
April 5, 2025
ရာသီကုန်မှာ မန်စီးတီး အသင်းကနေ ထွက်ခွာတော့မယ် ကယ်ဗင် ဒီဘရိုင်း
April 5, 2025
ဆူပါလပ် လိုကစားသမားမျိုးတောင် အမှောက်ထိုးနိုင်ခဲ့တဲ့ One Championship ရဲ့ ကြားဖြတ်ရွှေခါးပတ်ပိုင်ရှင် နာဘီလ်
April 5, 2025
ခက်ခဲတဲ့ဘဝကိုကျော်ဖြတ်ခဲ့ရပြီး အောင်မြင်တဲ့ ဘောလုံးသမားတစ်ယောက်ဖြစ်လာခဲ့သူ ကားလို့စ်တီးဗက်ဇ်
April 5, 2025
21ရာစုရဲ့ တစ်ပွဲ ပျှမ်းမျှ ဝင်ငွေအများဆုံး ရရှိကြတဲ့ ကလပ်သင်း ၅သင်း
April 5, 2025