လီဗာပူးတို့ ဒီရာသီအပြောင်းအလဲတွေကတော့ ဇာတ်လမ်းဆန်ပါတယ်။ ပြီးခဲ့တဲ့ ရာသီအကုန်မှာကတည်းက ပွဲကစပြီး ဆူနေခဲ့တာပါ။ ရာသီကုန်ရင် နည်းပြကြီး ယာဂင်ကလော့ အသင်းကနေထွက်ခွါ တော့မယ်လို့ ကြေညာလိုက်ကတည်းက ဆိုပါတော့။ ယာဂင်ကလော့က လီဗာပူးမှာ သက်တမ်း တော်တော်ကြာကြာနေခဲ့ပြီး အောင်မြင်မှုတွေလည်း ရယူပေးလာနိုင်ခဲ့သူပါ။ လီဗာပူးမှာက ကြီးကြီး မားမားအောင်မြင်မှုတွေနဲ့ ဝေးနေခဲ့ရတာ ကြာခဲ့ပြီးကိုး။ ဒီမတိုင်ခင်ကာလတွေတုန်းက အတော်ကို ရုန်းကန်ခဲ့ရဖူးတဲ့အချိန်တွေတောင် ရှိခဲ့ပါသေးတယ်။