အားလုံးစောင့်မျှော်နေကြတဲ့ UEFA Champions League ပြိုင်ပွဲကတော့ ဒီနေ့ညမှာစတင်ယှဉ်ပြိုင်သွားတော့မှာဖြစ်ပါတယ်။

ထူးခြားတာကတော့ ယခုနှစ်ပြိုင်ပွဲက အရင်နှစ်တွေကနဲ့မတူပဲ ပြိုင်ပွဲဝင်အရေအတွက်လည်းတိုးမြှင့်ထားပြီး အုပ်စုပွဲစဉ်တွေနေရာမှာ အမှတ်ပေးဇယားပုံစံဖြင့် ယှဉ်ပြိုင်သွားမှာဖြစ်ပါတယ်။ ဒီပုံစံသစ်ကြောင့် ပြိုင်ပွဲဝင်အသင်းတစ်သင်းကို ပွဲစဉ် ( 8 ) ပွဲနှုန်းမဲခွဲရလဒ်အတိုင်း အိမ်ကွင်း ( 4 ) ပွဲ ၊ အဝေးကွင်း ( 4 ) ပွဲ စီယှဉ်ပြိုင်သွားရမှာတော့ဖြစ်ပါတယ်။ ဒါကြောင့် အသင်းတိုင်းက မတူညီတဲ့ပြိုင်ဘက် ( 8 ) သင်းနဲ့တွေဆုံရမှာဖြစ်ပြီး အရင်နှစ်တွေကထက် ပြိုင်ဆိုင်မှုပိုပြင်းထန်လာမှာဖြစ်ပါတယ်။

အမှတ်ပေးဇယားသက်မှတ်ချက်မှာတော့ အဆင့် ( 1 ) ကနေ အဆင့် ( 8 ) ထိဝင်ရောက်နိုင်တဲ့အသင်းတွေက ( 16 ) သင်းအဆင့်ကိုတိုက်ရိုက် တက်ရောက်ခွင့်ရမှာဖြစ်ပြီး အဆင့် ( 9 ) မှ အဆင့် ( 24 ) သာဝင်ရောက်နိုင်တဲ့အသင်းတွေက PlayOff ပြန်ကန်ရမှာဖြစ်ပြီး အနိုင်ရတဲ့ ( 8 ) ကသာ ( 16 ) သင်းအဆင့်ကိုတက်လှမ်းသွားနိုင်မှာဖြစ်ပါတယ်။ အဲ့ဒီ PlayOff မှာရှုံးတဲ့အသင်းတွေနဲ့ အဆင့် ( 24 ) အောက်အသင်းတွေကတော့ ဉရောပပွဲစဉ်တွေကို အပြီးတိုင်နှုတ်ဆက်ရမှာဖြစ်ပါတယ်။

ဆိုတော့ အားလုံးခြုံကြည့်ရရင် ဒီနှစ်မှာ UEFA Champions League ပွဲစဉ်တွေကိုအရင်နှစ်တွေကထက် ပိုပြီးပွဲစဉ်များများကြည့်ရမယ် ၊ မတူညီတဲ့ပြိုင်ပွဲပုံစံသစ်မှာ ဖျော်ဖြေမှုအသစ်တွေကိုမြင်တွေ့ရမယ် ၊ ပြိုင်ပွဲဝင်အသစ်တွေရဲ့ယှဉ်ပြိုင်မှုတွေ နဲ့ ဉရောပရဲ့အဆင့်အမြင့်ဆုံးပြိုင်ပွဲပီပီ အကောင်းဆုံးယှဉ်ပြိုင်မှုတွေကိုမြင့်တွေ့သွားရတော့မှာဖြစ်ပါတယ်။