အူစိန်ဘော့ သည် အနားယူသွားခဲ့တဲ့ ဂျမေကာနိုင်ငံသား တာတိုအပြေးသမား တစ်ယောက်ဖြစ်ပြီး အချိန်တိုင်းရဲ့အကြီးကျယ်ဆုံး တာတိုပြေးသမားအဖြစ်သတ်မှတ်ခံထားရသူဖြစ်ပါတယ်။ သူသည် အိုလံပစ်ရွှေတံဆိပ်စု 𝟖 ခုနှင့် မီတာ 𝟏𝟎𝟎 ၊ မီတာ 𝟐𝟎𝟎 နှင့် 𝟒 𝐱 𝟏𝟎𝟎 အပြေးပြိုင်ပွဲ များတွင် ကမ္ဘာ့စံချိန်တင်ထားသူတစ်ယောက်ပါ။

သူသည် အိုလံပစ် မီတာ 𝟏𝟎𝟎 နှင့် မီတာ 𝟐𝟎𝟎 ချန်ပီယံများကို သုံးကြိမ်ဆက်တိုက် ( 𝟐𝟎𝟎𝟖 ၊ 𝟐𝟎𝟏𝟐 နှင့် 𝟐𝟎𝟏𝟔 ) တွင် ဆွတ်ခူးနိုင်သည့်တစ်ဦးတည်းသော တာတိုအပြေးသမားဖြစ်ပြီး၊ 𝟒 × 𝟏𝟎𝟎 ထပ်ဆင့်ရွှေ တံဆိပ်နှစ်ခုကိုလည်းရရှိထားသူဖြစ်ပါတယ်။ 𝟐𝟎𝟎𝟖 ဘေဂျင်းအိုလံပစ်မှာ ကမ္ဘာ့စံချိန်တင်အောင်ပွဲ ( မီတာ 𝟏𝟎𝟎 ၊ မီတာ 𝟐𝟎𝟎 ချန်ပီယံဆု ) ရရှိခဲ့ပြီးနောက် ကမ္ဘာတစ်ဝှမ်းကျော်ကြားမှုကိုရရှိလာကာ မှတ်တမ်းနှစ်ခုစလုံးကိုကိုင်ဆောင်နိုင်တဲ့ ပထမဆုံးလူဖြစ်လာခဲ့ပါတယ်။

ကမ္ဘာ့ချန်ပီယံ 𝟏𝟏 ကြိမ်အဖြစ်သူသည် မီတာ 𝟏𝟎𝟎၊ မီတာ 𝟐𝟎𝟎 နှင့် 𝟒 × 𝟏𝟎𝟎 မီတာ ထပ်ဆင့် ပြိုင်ပွဲများတွင် 𝟐𝟎𝟎𝟗 မှ 𝟐𝟎𝟏𝟓 ခုနှစ်အတွင်း ရွှေတံဆိပ်များဆက်တိုက်ရခဲ့ပြီး 𝟐𝟎𝟏𝟏 ခုနှစ်တွင် မီတာ 𝟏𝟎𝟎 အပြေးပြိုင်ပွဲမှလွဲ၍ အအောင်မြင်ဆုံး အမျိုးသားအားကစားသမားဖြစ်ခဲ့သည်။ ‌နောက်ပြီးသူသည် မီတာ 𝟐𝟎𝟎 တွင် ကမ္ဘာ့ချန်ပီယံ 𝟒 ခု ရရှိသည့် ပထမဆုံးအားကစားသမားဖြစ်ပြီး မီတာ 𝟏𝟎𝟎 တွင်လည်း ချန်ပီယံ 𝟑 ကြိမ်ဖြင့်အအောင်မြင်ဆုံးတစ်ဦးဖြစ်ကာ၊ 𝟗.𝟕စက္ကန့် နှင့် 𝟗.𝟔စက္ကန့် ဖြင့်ပြေးခဲ့တဲ့ ပထမဆုံး လူဖြစ်ခဲ့ပါတယ်။

𝟐𝟎𝟎𝟗 ခုနှစ်တွင် အူစိန်ဘော့သည် 𝟗.𝟓𝟖 စက္ကန့်ဖြင့် သူ့ရဲ့ဒုတိယစံချိန် 𝟗.𝟔 စက္ကန့်ကိုကျော်တက်ကာ မီတာ 𝟏𝟎𝟎 ကမ္ဘာ့စံချိန်ကိုမြှင့်တင်နိုင်ခဲ့ပြီး မီတာ 𝟐𝟎𝟎 ကမ္ဘာ့စံချိန်ကိုလည်း နှစ်ကြိမ်ချိုးခဲ့ကာ 𝟐𝟎𝟎𝟖 တွင် 𝟏𝟗.𝟑𝟎စက္ကန့် နှင့် 𝟐𝟎𝟎𝟗 တွင် 𝟏𝟗.𝟏𝟗စက္ကန့် ဖြင့် စံချိန်တင်ခဲ့ပါတယ်။ ဂျမေကာအတွက် 𝟒 × 𝟏𝟎𝟎 မီတာ ထပ်ဆင့် ကမ္ဘာ့စံချိန်ကို 𝟑 ကြိမ်ရရှိအောင်စွမ်းဆောင်နိုင်ခဲ့ပြီး လက်ရှိစံချိန်သည် 𝟐𝟎𝟏𝟐 ခုနှစ်တွင် 𝟑𝟔.𝟖𝟒 စက္ကန့်ဖြင့် စံချိန်တင်ခဲ့သည်။ သူ့ရဲ့ အအောင်မြင်ဆုံးပြိုင်ပွဲများမှာ မီတာ 𝟐𝟎𝟎၊ အိုလံပစ်ပြိုင်ပွဲ 𝟑 ခုနှင့် ကမ္ဘာ့ချန်ပီယံပြိုင်ပွဲ 𝟒 ခုတို့ဖြစ်ခဲ့ပါတယ်။

တာတိုအပြေးသမားတစ်ယောက်အနေနဲ့ သူ့ရဲ့အောင်မြင်မှုတွေက သူ့ကို မီဒီယာနာမည်ပြောင် "𝐋𝐢𝐠𝐡𝐭𝐧𝐢𝐧𝐠 𝐁𝐨𝐥𝐭" နဲ့ သူ့ရဲ့ဆုတွေက 𝐈𝐀𝐀𝐅 𝐖𝐨𝐫𝐥𝐝 𝐀𝐭𝐡𝐥𝐞𝐭𝐞 𝐨𝐟 𝐭𝐡𝐞 𝐘𝐞𝐚𝐫၊ 𝐓𝐫𝐚𝐜𝐤 & 𝐅𝐢𝐞𝐥𝐝 𝐀𝐭𝐡𝐥𝐞𝐭𝐞 𝐨𝐟 𝐭𝐡𝐞 𝐘𝐞𝐚𝐫၊ 𝐁𝐁𝐂 𝐎𝐯𝐞𝐫𝐬𝐞𝐚𝐬 𝐒𝐩𝐨𝐫𝐭𝐬 𝐏𝐞𝐫𝐬𝐨𝐧𝐚𝐥𝐢𝐭𝐲 𝐨𝐟 𝐭𝐡𝐞 𝐘𝐞𝐚𝐫 𝟑 ကြိမ်နဲ့ 𝐋𝐚𝐮𝐫𝐞𝐮𝐬 𝐖𝐨𝐫𝐥𝐝 𝐒𝐩𝐨𝐫𝐭𝐬𝐦𝐚𝐧 𝐨𝐟 𝐭𝐡𝐞 𝐘𝐞𝐚𝐫 𝟒 ကြိမ်တို့ပါဝင်ခဲ့ပါတယ်။ သူသည် 𝐓𝐢𝐦𝐞 မဂ္ဂဇင်းရဲ့ 𝟐𝟎𝟏𝟔 ခုနှစ်၏ သြဇာအရှိဆုံး ပုဂ္ဂိုလ် 𝟏𝟎𝟎 စာရင်းတွင်လည်း ပါဝင်ခဲ့သည်။ သူ့ရဲ့နောက်ဆုံးတစ်ကိုယ်တော် မီတာ 𝟏𝟎𝟎 အပြေးပြိုင်ပွဲတွင် တတိယနဲ့အဆုံးသတ်ခဲ့ကာ၊ 𝟒×𝟏𝟎𝟎 မီတာ ထပ်ဆင့်ဖိုင်နယ်တွင်လည်း ဒဏ်ရာရရှိသွားခဲ့ပြီးနောက် 𝟐𝟎𝟏𝟕 ကမ္ဘာ့ဖလားပြိုင်ပွဲအပြီးတွင်သူသည် ကစားသမားဘဝမှ အနားယူခဲ့သည်။

အူစိန်ဘော့ကို 𝟏𝟗𝟖𝟔 ခုနှစ် ဩဂုတ်လ 𝟐𝟏 ရက်နေ့တွင် ဂျမေကာရှိ မြို့ငယ်လေးတစ်မြို့ဖြစ်သည့် ရှာဝုဒ်ကွန်းတန့် တွင်မွေးဖွားခဲ့ပါတယ်။ သူ့တွင် အစ်ကို နှင့် ညီမတစ်ဦးရှိပြီး ၎င်း၏မိဘများသည် ကျေးလက်ဒေသရှိ ကုန်စုံဆိုင်ကိုလည်ပတ်ကာ သူသည်အစ်ကိုနှင့်အတူ လမ်း၌ ခရစ်ကတ်နှင့် ဘောလုံးကစားရင်းအချိန်ကုန်ခဲ့သူဖြစ်ပါတယ်။ ငယ်စဉ်ကလေးဘဝက မူလတန်းကျောင်း နှစ်ပတ်လည်နေ့များတွင် အပြေးဝင်ပြိုင်ခဲ့ပြီးသူ့ရဲ့အပြေးစွမ်းရည်ကိုစတင်ပြသခဲ့ကာ အသက် 𝟏𝟐 နှစ်တွင်သူသည် ကျောင်း၏ မီတာ 𝟏𝟎𝟎 အကွာအဝေးတွင် အမြန်ဆုံးအပြေးသမားဖြစ်လာခဲ့ပါတယ်။

အထက်တန်းကျောင်းသို့ရောက်လာသောအခါ သူသည်အခြားအားကစားများကို ဆက်လက် အာရုံစိုက်ခဲ့သော်လည်း သူရဲ့ခရစ်ကတ်နည်းပြက သူ့ရဲ့ကွင်းအတွင်းပြေးအားကိုသတိပြုမိကာ ပြိုင်ပွဲများဝင်ပြိုင်ရန်တိုက်တွန်းခဲ့ပါတယ်။ အိုလံပစ်အပြေးသမားဟောင်း ပါဘလိုမက်စ်နေး နှင့် ဒွိန်းန်ဂျာရတ် တို့သည်သူ့ကိုနည်းပြပြီး သူ့ရဲ့အားကစားစွမ်းရည်ကိုမြှင့်တင်ပြီးစွမ်းအင်ကိုအာရုံစိုက်ရန် အားပေးခဲ့ကြသည်။ အူစိန်ဘော့သည် သူ့ရဲ့ ပထမဆုံးအထက်တန်းကျောင်း ချန်ပီယံဆုတံဆိပ်ကို 𝟐𝟎𝟎𝟏 ခုနှစ်တွင် မီတာ 𝟐𝟎𝟎 ပြိုင်ပွဲမှာ အချိန် 𝟐𝟐.𝟎𝟒 စက္ကန့်ဖြင့်ငွေတံဆိပ်ဆုရရှိခဲ့ပါတယ်။ အဲ့နောက် မကြာခင်အချိန်မှာပဲ ပါဘလိုမက်စ်နေး သည်သူ့ရဲ့အဓိက နည်းပြဖြစ်လာခဲ့သည်။ သူ့ရဲ့အထက်တန်း ကျောင်း ( ဝီလီယံကနဘ်မန်မိုရီရယ်အထက်တန်းကျောင်း ) သည်ပြေးခုန်ပစ်သမား မိုက်ကယ်ဂရင်း အပါအဝင်ယခင်က ကျောင်းသားများနှင့် ပြေးခုန်ပစ်တွင်အောင်မြင်မှုသမိုင်းကြောင်းရှိခဲ့သည်။

သူဟာ ဘောလုံးသမားတစ်ယောက်လည်းဖြစ်ချင်ခဲ့ပြီး သူ့အားပေးတဲ့အသင်းတွေကတော့ မန်ချက်စတာယူနိုက်တက် နှင့် ရီးရဲမက်ဒရစ်တို့ဖြစ်ပါတယ်။ သူ့ရဲ့လူငယ်ဘဝဖြတ်သန်းပုံကတော့ ကျွန်တော်တို့လိုပဲ “ကျွန်တော် ငယ်ငယ်တုန်းကတော့အားကစားကလွဲပြီး တခြားဘာကိုမှမတွေးခဲ့မိဘူး “ ။

〰〰〰〰〰〰〰〰〰〰〰〰〰〰〰

𝗠𝗠 𝗠𝗲𝗱𝗶𝗮 မှာ နေ့စဉ် အပတ်စဉ် အားကစား နှင့် ပတ်သက်သည့် သတင်းအကြောင်းအရာ ဗဟုသုတ အစီအစဉ် ကောင်းများစွာကို အချိန် နှင့် တပြေးညီ စုစည်းတင်ဆက်ပေးမှာ ဖြစ်တဲ့အတွက် ကြောင့်မလို 𝗠𝗠 𝗠𝗲𝗱𝗶𝗮 ရဲ့ 𝐂𝐡𝐚𝐧𝐧𝐞𝐥 များ ကို 𝐉𝐨𝐢𝐧 ထားပြီး 𝐋𝐢𝐤𝐞 & 𝐒𝐮𝐛𝐬𝐜𝐫𝐢𝐛𝐞 လုပ်ပြီး 𝐒𝐡𝐚𝐫𝐞 ပေးသွားကြပါဦး ။

#mmmedia
#usainbolt
#runner