နာပိုလီအသင်းရဲ့တိုက်စစ်မှူး ဗစ်တာအိုဆင်ဟမ် ဟာ ဒီနှစ်အပြောင်းအရွှေ့ဈေးကွက်ထဲမှာ အသင်းကြီးတွေအများစုလိုက်နေကြတဲ့ကြယ်ပွင့်ကစားသမားတွေ ထဲတစ်ဦးအပါအဝင်ဖြစ်ပါတယ်။ အဓိကအားဖြင့် ပီအက်စ်ဂျီ၊ ချယ်လ်ဆီး၊ ဆော်ဒီကလပ်အသင်းကြီးတွေရဲ့ပစ်မှတ်ဖြစ်ခဲ့ပါတယ်။ ပီအက်စ်ဂျီအသင်းအတွက်က ပြောင်းရွှေ့ကြေးကို နာပိုလီနဲ့ ညှိမရလို့အပြောင်းအရွှေ့ပျက်တယ်၊ ချယ်လ်ဆီးအတွက်က ဒီတစ်နွေလုံးလိုက်ခဲ့တယ် အပြောင်းအရွှေ့နောက်ဆုံးထိလည်းပြန်လိုက်တယ် ပြောင်းရွှေ့ကြေးသဘောတူခဲ့တယ် နောက်ဆုံးကစား သမားနဲ့လစာကိစ္စညှိမရလို့ပျက်တယ်၊ နောက်ထပ် ဆော်ဒီကလပ် အယ်လ်အာလီ ဆိုလည်းပြောင်းရွှေ့ကြေးကို သဘောတူတယ်၊ လစာလည်းဆော်ဒီလိဂ်ဆိုတဲ့အတိုင်းရှယ်ပေးခဲ့တယ် ဒါပေမဲ့ ကစားသမားက ဆော်ဒီလိဂ်ကိုမပြောင်းချင်နဲ့ အဆုံးသတ်ခဲ့တယ်။ အဲ့လိုနဲ့ ဉရောပကလပ်တွေကိုလစာအဆမတန်တောင်း၊ ဆော်ဒီကပေးတော့လဲမပြောင်းချင်ဖြစ်နေတဲ့ အိုဆင်ဟမ်ကို ဉရောပအသင်းကြီးတွေကလက်ရှောင်ခဲ့ပြီး နောက်ဆုံးဈေးကွက်ပိတ်တဲ့အချိန်မှာ နာပိုလီအသင်းမှာပဲရှိနေခဲ့ရတော့တယ်။ သို့ပေမဲ့လို့ နာပိုလီအသင်းကလဲ အသင်းနေ ထွက်မယ်တကဲကဲလုပ်နေတဲ့ အိုဆင်ဟမ် ကိုအမြင်ကပ်ပုဒ်မနဲ့ အသင်းရဲ့လူစာ ရင်းမှာ မထည့်ပဲထုတ်ပယ်ထားခဲ့တယ်။ ဒီလိုအခြေအနေတွေမှာ ဟိုဆင်ဟမ် အနေနဲ့အတော်တိုင်ပတ်ခဲ့ပြီး တစ်ရာသီလုံးဘောပွဲတွေကိုထိုင်ကြည့်နေရမဲ့အရေးကိုကြုံခဲ့ရတယ်။

ဒါပေမဲ့လည်း နောက်ဆုံးမှာကံကောင်းစွာနဲ့ တူရကီအပြောင်းအရွှေ့ရာသီကမပိတ်သေးတဲ့အတွက် တူရကီလိဂ်ကိုပြောင်းရွှေ့ဖို့အခွင့်အရေးရခဲ့ပြီး မပြောင်းချင်ပေမဲ့လည်း မကစားရမဲ့တူတူ ပြောင်းရွှေ့ဖို့သဘောတူခဲ့ပြီး တူရကီမြေကိုရောက်ရှိခဲ့တာဖြစ်ပါတယ်။ ဂါလာတာစာရေးအသင်းကို တစ်ရာသီအငှားပြောင်းရွှေ့ခဲ့တာဖြစ်ပြီး အငှားခကိုဂါလာတာစာရေး အသင်းဘက်ကပေးချေစာမလိုပဲ ကစားသမားရဲ့လစာကိုသာအပြည့်ပေးချေရမည့်သဘောတူညီချက်နဲ့အပြောင်းအရွှေ့ဖြစ်ခဲ့တာဖြစ်ပါတယ်။ ဒီနေရာမှာလစာက နာပိုလီမှာရရှိတဲ့အတိုင်းပဲ ပေးချေရမှာဖြစ်ပါတယ်။

ဒီနှစ်မှာတကယ်ကိုတိုင်အပတ်ဆုံးအပြောင်းအရွှေ့ပါ၊ ဘာပဲပြောပြော ဂါလာတာစာအသင်းကတော့ ကြားထဲကအမြတ်ထွက်ခဲ့ပြီး သူ့တို့အနေနဲ့ ခေါ်ယူဖို့အိမ်မက်လို့ပဲရမဲ့ ကစားသမားကိုတစ်ရာသီပိုင်ဆိုင်ခွင့်ရရှိခဲ့ပါတယ်။ဒါကြောင့်လစာအများကြီးလိုချင်တဲ့အတွက်ကြောင့်ခံလိုက်ရတဲ့အဖြစ်ကို အိုဆင်ဟမ်အနေနဲ့တူရကီလိဂ်မှာ ရှက်ရမ်း ရမ်းပြီးဘယ်လောက်ထိကြမ်းပြသွားမလဲ ပဲစောင့်ကြည့်ချင်စရာပါ။