လာလီဂါ ဖလား

စပိန်စူပါ ဖလား

ချန်ပီယံလိဂ် ဖလား

ယူရို 2024 ဖလား

လာလီဂါပြိုင်ပွဲရဲ့ အကောင်းဆုံး 11 ယောက်စာရင်းဝင်

ချန်ပီယံလိဂ်ပြိုင်ပွဲရဲ့ အကောင်းဆုံး 11 ယောက်စာရင်းဝင်

ချန်ပီယံလိဂ်ဖိုင်နယ်ပွဲစဉ်ရဲ့အကောင်းဆုံးကစားသမားဆု

ဒါကတော့အသက် 32 နှစ်အရွယ်စပိန်နိုင်ငံသား ရီးရဲမက်ဒရစ်အသင်းရဲ့ညာနောက်ခံလူ ဒန်နီ ကာဗာဂျယ်ရဲ့ 2023/24 ဘောလုံးရာသီအတွင်းကလပ်နှင့်နိုင်ငံအသင်းတို့အတွက် ဆုဖလားတွေနဲ့ တစ်ဦးချင်းဆုတံဆိပ် အောင်မြင်မှုတွေဖြစ်ပါတယ်။ ဒီနှစ်ရဲ့တကယ့်ကိုအကောင်းဆုံးညာနောက်ခံလူတစ်ဦးပါ။ နိုင်လိုစိတ်အပြည့်ရှိပြီး တိုက်စစ်ခံစစ် ဟန်ချက်ညီစွာဖြင့် လိုအပ်ရင်လိုအပ်သလို သွင်းဂိုးတွေ၊ ဖန်တီးမှုတွေပါပြုလုပ်နိုင်တဲ့ အရည် အသွေးတွေပိုင်ဆိုင်ထားတဲ့ကစားသမားတစ်ဦးဖြစ်ပါတယ်။ချန်ပီယံလိဂ်ဖိုင်နယ်မှာ မက်ဒရစ် အတွက်အဖွင့်ဂိုး ကို ခေါင်းတိုက်သွင်းယူပေးခဲ့ပြီး ချန်ပီယံဖြစ်စေခဲ့တဲ့အပြင် နိုင်ငံအတွက်လည်း ချန်ပီယံဖြစ်နိုင်အောင် အကောင်းဆုံးခြေစွမ်းပြကစားနိုင်ခဲ့ပါတယ်။

ဒီ 2023/24 ဘောလုံးရာသီအတွက် Ballon d’Or ဆု စကာတင်စာရင်းမှာ ပါဝင်လာခဲ့ပြီး ဒီဆုနဲ့ထိုက်တန် သူတွေထဲကတစ်ဦးအဖြစ်တောင်ထင်ကြေး ပေးခံ ထားရပါတယ်။

အခုချိန်မှာသူဟာ အကောင်းဆုံးညာခြမ်းခံစစ်ကစားသမားတစ်ဦးပါပဲ။ ဒဏ်ရာတွေသာမကြာခဏမရခဲ့ရင် ကျွန်တော်တို့ဟာ ဒီထက်ပိုကောင်းတဲ့ ကာဗာဂျယ်ကိုမြင်တွေ့ရမှာသေချာပါတယ်။